تاشكەنتتە «ٶزبەكستاننىڭ مەدەني مۇراسى – جاڭا رەنەسسانستىڭ نەگٸزٸ» V حالىقارالىق كونگرەسٸ اياسىندا ۇلى بيلەۋشٸ جەنە عالىم ميرزو ۋلۋگبەكتٸڭ تاپسىرىسى بويىنشا ارنايى جاسالعان كٶنە مانۋسكريپتٸڭ فاكسيميلدٸ باسىلىمى ۇسىنىلدى, دەپ حابارلايدى "قازاقپارات" حاا.
«قوزعالمايتىن جۇلدىزدار كٸتابى» استرونومييالىق ەڭبەگٸ - بۇل ەرەكشە ماتەماتيك, استرونوم جەنە اعارتۋشى عالىم ميرزو ۋلۋگبەكتٸڭ بۇيرىعىمەن جاسالعاندىعى تۋرالى سٶزسٸز دەلەلدەردەن تۇراتىن ەرەكشە قولجازبا. قولجازبانىڭ تٷپنۇسقالىعى مەن تاريحي قۇندىلىعى كٷمەن تۋدىرمايدى - وندا تسەفەي شوقجۇلدىزى تٷرٸندەگٸ ميرزو ۋلۋگبەك بەينەلەنگەن مينياتيۋرا, التىن سييامەن جازىلعان دٶڭگەلەك جازۋلار جەنە «تاقتاعى عالىم» كٸتاپحاناسىنىڭ باسقا دا بەلگٸلەرٸ بار.
بۇل ەجەلگٸ قولجازبانىڭ فاكسيميلەسٸن اۋسترييالىق Mueller&Schindler باسپاسى ٶزبەكستاننىڭ مەدەني مۇراسىن زەرتتەۋ, ساقتاۋ جەنە ناسيحاتتاۋ جٶنٸندەگٸ دٷنيەجٷزٸلٸك قوعاممەن بٸرلەسٸپ جاساعان.
ەڭبەكتٸڭ اۆتورى - Χ عاسىردىڭ اتاقتى استرونومى جەنە استرولوگى ابد ار-راحمان يبن ومار اس-سۋفي. ورتاعاسىرلىق استرونومييادا «قوزعالمايتىن جۇلدىزدار كٸتابى» شىن مەنٸندە دەۋٸرلٸك جۇمىسقا اينالدى جەنە ٶزٸنٸڭ استرونومييالىق كەستەلەرٸن جاساۋ ٷشٸن جۇمىس ٸستەگەن عالىم ۋلۋگبەككە كٶمەك بولدى. بۇل قولجازبا ميرزو ۋلۋگبەككە تيەسٸلٸ جەنە ونىڭ قولىمەن جاسالعان جازبالار بار. قولجازبانىڭ تٷپنۇسقاسى فرانتسييانىڭ ۇلتتىق كٸتاپحاناسىندا ساقتاۋلى.
«بٸز فرانتسييانىڭ ۇلتتىق كٸتاپحاناسىمەن بٸرٸنشٸ جىل بٸرگە جۇمىس ٸستەپ جاتقان جوقپىز, «قوزعالمايتىن جۇلدىزدار كٸتابى» فاكسيميلەسٸ - بۇل بٸزدٸڭ ەرٸپتەستٸگٸمٸزدٸڭ نەتيجەسٸنە اينالعان ەكٸنشٸ باسىلىم. فاكسيميلدٸ باسىلىمداردىڭ قۇندىلىعى - تٷپنۇسقا قولجازبانىڭ قانداي ەكەندٸگٸن جٷز پايىز كٶرسەتە الادى», - دەدٸ ٶزبەكستاننىڭ مەدەني مۇراسىن زەرتتەۋ, ساقتاۋ جەنە ناسيحاتتاۋ جٶنٸندەگٸ دٷنيەجٷزٸلٸك قوعامنىڭ باسقارما تٶراعاسى فيرداۆس ابدۋحاليكوۆ.
