تاراز ماڭىنداعى جارىلىستاردان كەيٸن توناۋشىلار جول بويىنداعى كەشەندٸ توناپ كەتتٸ. بۇل تۋرالى "تاۋ دوس" كەشەنٸنٸڭ يەسٸ جاننا نازاربەكوۆا ايتتى, - دەپ حابارلايدى Tengrinews.kz.
كەشەن جارىلىس بولعان ەسكەري بٶلٸمنەن 500 مەتردە بولعاندىقتان, سوققى تولقىنى قۋاتتى بولعان. مەكەمەدە تەرەزەلەر قيراپ, شاتىر قۇلاعان, جيھازدار مەن ىدىس-اياق سىنعان.
"بٸزدٸڭ كەشەن تاراز قالاسىنان الماتىعا شىعاتىن جەردە, باتىس ەۋروپا - باتىس قىتاي تاسجولى بويىندا ورنالاسقان. ەسكەري بٶلٸم كەشەننٸڭ ارتىندا, بٸزدەن 500 مەتر قاشىقتا ورنالاسقان. بىلتىر مۇندا ارىس قالاسىنان وق-دەرٸلەر جەتكٸزٸلدٸ", - دەيدٸ كەشەن يەسٸ.
"تاۋ-دوس" قىزمەتكەرلەرٸ ەۋەلٸ ەسكەري بٶلٸم اۋماعىندا ٶرت شىققانىن ايتتى. ٶرت سٶندٸرۋشٸلەر كەلٸپ, ٶرتتٸ سٶندٸرۋگە كٸرٸسكەن. وق-دەرٸ بٸردەن جارىلعان جوق.
"كٷيەۋٸم ەكەۋمٸز ول كەزدە كەشەندە بولمادىق, بٸز كەشە عانا ەمدەلۋگە كەتكەنبٸز. كەشكٸ ساعات 18.00 شاماسىندا دايارشىلار بٸزگە قوڭىراۋ شالدى. ولار جۇمىستا جٷرگەندە جارىلىس بولعان. العاشقى تولقىن بولعاندا تەرەزەلەر سىنعان, ادامدار قورىققاننان قاشىپ شىققان. جارتىسى ميحايلوۆكاعا قاشقان, بۇل جاقىن ماڭداعى اۋىل. كەيٸن قاتارىنان بٸرنەشە جارىلىس بولعان. كەشەن ٸشٸ تولىعىمەن قيرادى. شاتىر, ەسٸكتەر, تەرەزەلەر - بەرٸ جارامسىز. بارلىق مٷلٸك بٷلٸنگەن", - دەيدٸ كەشەن يەسٸ.
توناۋشىلار جاعدايدى پايدالانىپ, عيماراتتان قۇندى زاتتاردى, تٸپتٸ ازىق-تٷلٸكتٸ دە الىپ كەتكەن.
"توناۋ تٷندە باستالدى, تٷندە ولار بارلىق باردى, توڭازىتقىشتاردى بوساتىپ كەتكەن, اقشا دا ۇرلاندى. دٷكەندە, كافەدە, ميلليون تەڭگەگە جۋىق بٸر كٷندٸك تابىس بولعان. جۇمىسشىلاردىڭ جەكە زاتتارى دا جوعالىپ كەتتٸ. ولاردىڭ تەلەفوندارى, زاتتارى. بارلىق جيھاز كٶشەدە جاتىر", - دەيدٸ نازاربەكوۆا.
كەشەن يەلەرٸ قازٸردٸڭ ٶزٸندە پوليتسيياعا ارىز جازعان. ولار شىعىندى ەلٸ ەسەپتەپ ٷلگەرمەگەن. ٷي يەسٸنٸڭ ايتۋىنشا, جاقىندا عانا ول بانكتەن نەسيە الىپ, جاڭا شايحانا سالعان, ول دا قازٸر قيراعان.
"بٸز مۇندا ەرەڭ جەتتٸك. بٸزدٸ كٸرگٸزبەدٸ, بارلىعى قورشاۋعا الىنعان. بٷگٸن تاڭەرتەڭ ەسكەري كيٸم كيگەن بٸر ەر ادامدى ۇستاپ الدىق. بٸزدٸڭ كٶزٸمٸزشە قىمبات الكوگولدٸك سۋسىنداردى سٶمكەسٸنە سالىپ الىپ بارادى", - دەپ اشۋلاندى كەشەن يەسٸ.
"تاۋ دوس" كەشەنٸنٸڭ قازٸرگٸ كٶرٸنٸسٸ. ۆيدەو
بۇعان دەيٸن جامبىل وبلىسىنداعى جارىلىستاردان قازا تاپقاندار سانى 9-عا جەتكەنٸ ايتىلعان بولاتىن.
ەسكە سالايىق, جامبىل وبلىسى بايزاق اۋدانىندا ورنالاسقان ەسكەري بٶلٸمدە ساعات 19.00 شاماسىندا قويمالاردىڭ بٸرٸنٸڭ جانىندا ٶرت شىققان. ٶرت سالدارىنان انىقتالماعان زاتتار جارىلعان. جاقىن ماڭداعى تۇرعىندار ەۆاكۋاتسييالانعانى انىقتالدى.
