تاراز ماڭىنداعى جارىلىستار كەزٸندە قورقىپ, ٷيٸنەن قاۋٸپسٸز جەرگە كەتۋگە تىرىسقان جولاۋشىلاردان كەيبٸر تاكسي جٷرگٸزۋشٸسٸ قوماقتى اقشا سۇراعان. بۇل تۋرالى "ەۆرازييا بٸرٸنشٸ ارناسىنىڭ" سيۋجەتٸندە ايتىلدى, - دەپ حابارلايدى Tengrinews.kz.
سول كەزدە جولداردا ۇزىن-سونار كەپتەلٸس بولعان. زەينەتكەر زاليزا جۋراەۆا سول كەشتٸ قورقىنىشپەن ەسكە الادى. جارىلىستان ٷيدٸڭ تەرەزەلەرٸ سىنعان. بەرٸنەن قاتتى بالالار قورىققان. وتباسى بٸردەن كەتۋگە شەشٸم شىعارعان.
"بٸز قاشا باستادىق. جارىلىستار بولدى, بٸز ٶرتتەن 12 شاقىرىم قاشىقتا تۇرساق تا, بارلىق تەرەزە سىندى. تاكسي جٷرگٸزۋشٸلەرٸنە بارىمىزدى بەردٸك. اقشا قالمادى. بٷگٸن قايتقىمىز كەلەدٸ, بٸراق قالاي قايتارىمىزدى بٸلمەيمٸز. زەينەتاقى دا ەلٸ تٷسپەدٸ", - دەيدٸ بايزاق اۋىلىنىڭ تۇرعىنى.
"دٷربەلەڭ بولدى. باعانى ەركٸم ٶز بەتٸنشە قويدى. باعانى كٶتەردٸ, حالىق اشۋلانىپ جاتتى. تاڭەرتەڭ كەلگەن, ماشينا - 30 000, 35 000 تەڭگە دەيدٸ. بٸز 10 مىڭعا جٷرەمٸز. بۇل بٸز ٷشٸن ۇيات", - دەيدٸ جٷرگٸزۋشٸ نۇربەك بەكسۇلتانوۆ.
الايدا جاناشىر ادامدار كٶبٸرەك بولعان. ولار تۇرعىنداردى تەگٸن اپارىپ تاستادى. كەيبٸرٸ بۇل ٷشٸن باسقا قالالاردان دا كەلگەن. ولار تٷنٸ بويى اۋرۋحانا الدىندا كەزەكشٸلٸك ەتٸپ, ٶزدەرٸنە بەيتانىس ادامدارعا كٶمەكتەسۋگە تىرىسقان.
ەستەرٸڭٸزگە سالا كەتسەك, 26 تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان ەسكەري بٶلٸم قويمالارىنىڭ بٸرٸنەن ٶرت شىعىپ, جويقىن جارىلىس بولدى.
سوڭعى مەلٸمەت بويىنشا, جامبىل وبلىسىنداعى جارىلىستان 13 ادام قازا تاپقان.
دەنساۋلىق ساقتاۋ مينيسترلٸگٸنٸڭ مەلٸمەتٸنە سەيكەس, بارلىعى 98 ادام مەديتسينالىق كٶمەككە جٷگٸنگەن. ولاردىڭ 37-سٸ اۋرۋحاناعا جاتقىزىلىپ, قالعاندارى جاراقات پۋنكتتەرٸندە تيٸستٸ كٶمەك الىپ, ٷيلەرٸنە جٸبەرٸلگەن.
تاراز قالاسىنىڭ ستاتسيونارلارىندا ەم الىپ جاتقان زارداپ شەگۋشٸنٸڭ بەسەۋٸ رەانيماتسييادا, ەكەۋٸنٸڭ جاعدايى اۋىر.
پرەزيدەنت قاسىم-جومارت توقاەۆ تٶتەنشە وقيعاعا بايلانىستى شۇعىل جينالىس ٶتكٸزدٸ, ونىڭ قورىتىندىسى بويىنشا تٶتەنشە جاعدايدىڭ سالدارىن جويۋ ٷشٸن ۆەدومستۆوارالىق مەملەكەتتٸك كوميسسييا قۇرىلدى, ونىڭ پرەمەر-مينيستردٸڭ ورىنباسارى رومان سكليار باسقارادى.
