Taraz mańyndaǵy jarylystar kezinde qorqyp, úiinen qaýipsiz jerge ketýge tyrysqan jolaýshylardan keibir taksi júrgizýshisi qomaqty aqsha suraǵan. Bul týraly "Evraziia birinshi arnasynyń" siýjetinde aityldy, - dep habarlaidy Tengrinews.kz.
Sol kezde joldarda uzyn-sonar keptelis bolǵan. Zeinetker Zaliza Jýraeva sol keshti qorqynyshpen eske alady. Jarylystan úidiń terezeleri synǵan. Bárinen qatty balalar qoryqqan. Otbasy birden ketýge sheshim shyǵarǵan.
"Biz qasha bastadyq. Jarylystar boldy, biz órtten 12 shaqyrym qashyqta tursaq ta, barlyq tereze syndy. Taksi júrgizýshilerine barymyzdy berdik. Aqsha qalmady. Búgin qaitqymyz keledi, biraq qalai qaitarymyzdy bilmeimiz. Zeinetaqy da áli túspedi", - deidi Baizaq aýylynyń turǵyny.
"Dúrbeleń boldy. Baǵany árkim óz betinshe qoidy. Baǵany kóterdi, halyq ashýlanyp jatty. Tańerteń kelgen, mashina - 30 000, 35 000 teńge deidi. Biz 10 myńǵa júremiz. Bul biz úshin uiat", - deidi júrgizýshi Nurbek Beksultanov.
Alaida janashyr adamdar kóbirek bolǵan. Olar turǵyndardy tegin aparyp tastady. Keibiri bul úshin basqa qalalardan da kelgen. Olar túni boiy aýrýhana aldynda kezekshilik etip, ózderine beitanys adamdarǵa kómektesýge tyrysqan.
Esterińizge sala ketsek, 26 tamyzda saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, joiqyn jarylys boldy.
Sońǵy málimet boiynsha, Jambyl oblysyndaǵy jarylystan 13 adam qaza tapqan.
Densaýlyq saqtaý ministrliginiń málimetine sáikes, barlyǵy 98 adam meditsinalyq kómekke júgingen. Olardyń 37-si aýrýhanaǵa jatqyzylyp, qalǵandary jaraqat pýnktterinde tiisti kómek alyp, úilerine jiberilgen.
Taraz qalasynyń statsionarlarynda em alyp jatqan zardap shegýshiniń beseýi reanimatsiiada, ekeýiniń jaǵdaiy aýyr.
Prezident Qasym-Jomart Toqaev tótenshe oqiǵaǵa bailanysty shuǵyl jinalys ótkizdi, onyń qorytyndysy boiynsha tótenshe jaǵdaidyń saldaryn joiý úshin vedomstvoaralyq memlekettik komissiia quryldy, Onyń Premer-ministrdiń orynbasary Roman Skliar basqarady.
