قازاقستاننىڭ ەڭبەك سٸڭٸرگەن قايراتكەرٸ, رەجيسسەر ساتىبالدى نارىمبەتوۆ 75 جاسىندا ٶمٸردەن ٶتتٸ, دەپ حابارلايدى "ۇلت اقپارات".
«بٷگٸن قازاق كينەماتوگرافيياسى ورنى تولماس قازاعا ۇشىرادى. كينو مەن əدەبيەتتە ٶزٸندٸك سۋرەتكەرلٸك əلەمٸن قالىپتاستىرعان, قازاق كينوسىنا تاماشا تۋىندىلار تارتۋ ەتكەن ساتىبالدى اعامىز كەلمەستٸڭ كەمەسٸنە مٸنٸپ ارامىزدان كەتە باردى.
قازاقستان رەسپۋبليكاسى مəدەنيەت جəنە سپورت مينيسترلٸگٸنٸڭ اتىنان كينورەجيسسيور, جازۋشى, «قۇرمەت» وردەنٸنٸڭ, «پلاتينالى تارلان» سىيلىعىنىڭ يەگەرٸ, فرانتسييا كينو اكادەميياسىنىڭ جورج سادۋل اتىنداعى تəۋەلسٸز سىيلىعىنىڭ لاۋرەاتى, قازاقستاننىڭ ەڭبەك سٸڭٸرگەن قايراتكەرٸ ساتىبالدى جەلەلۇلى نارىمبەتوۆتٸڭ قايتىس بولۋىنا بايلانىستى وتباسى مەن جاقىندارىنىڭ قايعىسىنا ورتاقتاسىپ, كٶڭٸل ايتامىن.
Əر فيلمٸ مەن شىعارماسى ارقىلى سول زاماننىڭ تىنىس-تٸرشٸلٸگٸن, اۋانىن جەتكٸزۋگە تىرىساتىن مەتردٸڭ اسىل بەينەسٸ قالىڭ قازاقتىڭ كٶڭٸل تٶرٸ مەن جٷرەك تٷكپٸرٸندە مəڭگٸ ساقتالادى.
مارقۇمنىڭ كٶزٸ تٸرٸسٸندە جاساعان يگٸ-جاقسى امالدارى الدىنان جارىلقاسىن. جاتقان جەرٸ جايلى, توپىراعى تورقا بولسىن», - دەپ جازدى اقتوتى رايىمقۇلوۆا Facebook-تەگٸ پاراقشاسىندا.
ساتىبالدى نارىمبەتوۆ 1946 جىلى 7 ناۋرىزدا تٷركٸستان وبلىسى, تٷركٸستان اۋدانى, اششىساي اۋىلىندا تۋعان. مەسكەۋ قالاسىنداعى مەملەكەتتٸك كينەماتوگرافييا ينستيتۋتىن بٸتٸرگەن.
1984 جىلى جوعارى رەجيسسەرلٸك كۋرستى (گ.ن. دانەلييانىڭ شەبەرحاناسى بويىنشا) بٸتٸرگەن.
1969 جىلدان «قازاقفيلم» ستۋديياسىندا ستسەناريست ەرٸ كينورەجيسسەر رەتٸندە قىزمەت ەتتٸ.
1970 جىلدان – «قازاقفيلم» كينوستۋديياسىنىڭ كينورەجيسسەرٸ بولدى.
ال 2005 جىلدان بەرٸ شەكەن ايمانوۆ اتىنداعى «قازاقفيلم» اق «دەبيۋت» بٸرلەستٸگٸنٸڭ جەتەكشٸسٸ بولىپ ەڭبەك ەتكەن ەدٸ.
ول «قۇرمانعازى» اتتى دەرەكتٸ فيلمگە (1972 جىلى), «زاۋال» (1981 جىلى), «كٷزگٸ بۇرالاڭ جول» (1984 جىلى) قىسقا مەتراجدى فيلمدەرگە, «ۇرىن كەلگەن كٷيەۋ» (1987 جىلى), «سوزاقتان شىققان گاملەت» (1990 جىلى), «كٶزٸمنٸڭ قاراسى», «جاس اككوردەونشىنىڭ ٶمٸربايانى» (1994 جىلى), «ومپا» (1998 جىلى) جەنە تاعى باسقا كٶركەم فيلمدەرگە رەجيسسەرلٸك ەتكەن.
بۇعان دەيٸن, جازۋشى سماعۇل ەلۋباي ساتىبالدى نارىمبەتوۆتٸڭ اۋىر حالدە, بٸر اپتادان بەرٸ كومادا جاتقانى تۋرالى جازعان بولاتىن. ونىڭ ايتۋىنشا, اسقازانىنداعى ەسكٸ جارا اشىلىپ قان قۇسىپ اۋرۋحاناعا تٷسكەن.
وسى ورايدا, ۇلت پورتالىنىڭ ۇجىمى ەلگە قادٸرلٸ بولعان رەجيسسەر, قازاق كينوسى كوريفەيٸنٸڭ مەزگٸلسٸز دٷنيەدەن وزۋىنا بايلانىستى ونىڭ وتباسى مەن تۋعان-تۋىستارىنا قايعىرىپ كٶڭٸل ايتادى.
مارقۇمنىڭ جاتقان جەرٸ جايلى, توپىراعى تورقا بولسىن. پەيٸشتە نۇرى شالقىپ, جاراتقان ارتىنداعى ۇرپاعىنا ۇزاق عۇمىر بەرسٸن!
