Qazaqstannyń eńbek sińirgen qairatkeri, rejisser Satybaldy Narymbetov 75 jasynda ómirden ótti, dep habarlaidy "Ult aqparat".
«Búgin qazaq kinematografiiasy orny tolmas qazaǵa ushyrady. Kino men ədebiette ózindik sýretkerlik əlemin qalyptastyrǵan, qazaq kinosyna tamasha týyndylar tartý etken Satybaldy aǵamyz kelmestiń kemesine minip aramyzdan kete bardy.
Qazaqstan Respýblikasy Mədeniet jəne sport ministrliginiń atynan kinorejissior, jazýshy, «Qurmet» ordeniniń, «Platinaly Tarlan» syilyǵynyń iegeri, Frantsiia kino akademiiasynyń Jorj Sadýl atyndaǵy təýelsiz syilyǵynyń laýreaty, Qazaqstannyń eńbek sińirgen qairatkeri Satybaldy Jáleluly Narymbetovtiń qaitys bolýyna bailanysty otbasy men jaqyndarynyń qaiǵysyna ortaqtasyp, kóńil aitamyn.
Ər filmi men shyǵarmasy arqyly sol zamannyń tynys-tirshiligin, aýanyn jetkizýge tyrysatyn metrdiń asyl beinesi qalyń qazaqtyń kóńil tóri men júrek túkpirinde məńgi saqtalady.
Marqumnyń kózi tirisinde jasaǵan igi-jaqsy amaldary aldynan jarylqasyn. Jatqan jeri jaily, topyraǵy torqa bolsyn», - dep jazdy Aqtoty Raiymqulova Facebook-tegi paraqshasynda.
Satybaldy Narymbetov 1946 jyly 7 naýryzda Túrkistan oblysy, Túrkistan aýdany, Ashysai aýylynda týǵan. Máskeý qalasyndaǵy memlekettik kinematografiia institýtyn bitirgen.
1984 jyly joǵary rejisserlik kýrsty (G.N. Daneliianyń sheberhanasy boiynsha) bitirgen.
1969 jyldan «Qazaqfilm» stýdiiasynda stsenarist ári kinorejisser retinde qyzmet etti.
1970 jyldan – «Qazaqfilm» kinostýdiiasynyń kinorejisseri boldy.
Al 2005 jyldan beri Sháken Aimanov atyndaǵy «Qazaqfilm» AQ «Debiýt» birlestiginiń jetekshisi bolyp eńbek etken edi.
Ol «Qurmanǵazy» atty derekti filmge (1972 jyly), «Zaýal» (1981 jyly), «Kúzgi buralań jol» (1984 jyly) qysqa metrajdy filmderge, «Uryn kelgen kúieý» (1987 jyly), «Sozaqtan shyqqan Gamlet» (1990 jyly), «Kózimniń qarasy», «Jas akkordeonshynyń ómirbaiany» (1994 jyly), «Ompa» (1998 jyly) jáne taǵy basqa kórkem filmderge rejisserlik etken.
Buǵan deiin, jazýshy Smaǵul Elýbai Satybaldy Narymbetovtiń aýyr halde, bir aptadan beri komada jatqany týraly jazǵan bolatyn. Onyń aitýynsha, asqazanyndaǵy eski jara ashylyp qan qusyp aýrýhanaǵa túsken.
Osy oraida, Ult portalynyń ujymy elge qadirli bolǵan rejisser, qazaq kinosy korifeiiniń mezgilsiz dúnieden ozýyna bailanysty onyń otbasy men týǵan-týystaryna qaiǵyryp kóńil aitady.
Marqumnyń jatqan jeri jaily, topyraǵy torqa bolsyn. Peiishte nury shalqyp, Jaratqan artyndaǵy urpaǵyna uzaq ǵumyr bersin!
