فوتو اشىق دەرەككٶزدەن الىندى
تانىمال كومپوزيتور, قر مەدەنيەت قايراتكەرٸ, «قۇرمەت» وردەنٸنٸڭ يەگەرٸ ارمان دٷيسەنوۆ دٷنيەدەن وزدى. بۇل اقپاراتتى مەدەنيەت جەنە سپورت مينيسترلٸگٸ راستادى.
سونداي-اق ەلەۋمەتتٸك جەلٸلەردە ەلٸمٸزگە بەلگٸلٸ مەدەنيەت جەنە ٶنەر قايراتكەرلەرٸ مارقۇمنىڭ ارتىندا قالعان وتباسىنا كٶڭٸل ايتىپ جاتىر.
ارمان دٷيسەنوۆ 1974 جىلى باتىس قازاقستان وبلىسى ورال قالاسىندا تۋعان.
قازاقپارات اگەنتتٸگٸنٸڭ جازۋىنشا, ول 1997 جىلى قۇرمانعازى اتىنداعى قازاق ۇلتتىق كونسەرۆاتوريياسىن تەمامداعاننان كەيٸن حالىق ەرتٸسٸ رايىمبەك سەيتمەتوۆ نەگٸزٸن قالاعان «ٶنەر» فاكۋلتەتٸنٸڭ مۋزىكا جەنە ورىنداۋشىلىق ٶنەر كافەدراسىندا ساباق بەرەدٸ. وسى ارالىقتا رەسپۋبليكالىق جەنە حالىقارالىق كونكۋرستاردا توپ جارعان جاس تالانتتى ەنشٸلەر مەن اكتەرلەردٸڭ تۇتاس بۋىنىن تەربيەلەپ شىعارعان.
ٶنەر قايراتكەرٸنٸڭ ٶزٸ دە بٸرنەشە مەرتە رەسپۋبليكالىق ەن بايقاۋلارىندا جەڭٸمپاز اتانىپ, 50-گە جۋىق ەلدە گاسترولدٸك ساپارمەن بولعان.
سونىمەن قاتار كومپوزيتور «حابار» جەنە «ەل ارنا «تەلەارنالارىندا «ايبىن», «دوستارحانا», «تاپقىر دوستار», «دۋدار-اي» جەنە «حابار-ستارس» باعدارلامالارىن تٸزگٸندەدٸ.
ارمان دٷيسەنوۆ كٶپشٸلٸكتٸڭ سٷيسپەنشٸلٸگٸنە اينالعان بٸرنەشە كينوتۋىندىعا مۋزىكا جازعان. بۇعان قوسا, ونىڭ «كەزدەر-اي», «ارمان», «سەنٸ ساعىندىم», «جان قىزىم», «اۋىلداعى قىز» سيياقتى تۋىندىلارى حالىق اراسىندا كەڭ تارالعان.
قر مەدەنيەت قايراتكەرٸ ارمان دٷيسەنوۆ ٶمٸرٸنٸڭ سوڭعى جىلدارى «قازاق ەۋەندەرٸ» اق «گٷلدەر» فيليالىنىڭ ديرەكتورى قىزمەتٸن اتقارعان.
وسى ورايدا, ۇلت پورتالىنىڭ ۇجىمى قازاق جۇرتىنا قادٸرلٸ بولعان كومپوزيتوردىڭ مەزگٸلسٸز دٷنيەدەن وزۋىنا بايلانىستى ونىڭ وتباسى مەن تۋعان-تۋىستارىنا قايعىرىپ كٶڭٸل ايتادى.
مارقۇمنىڭ جاتقان جەرٸ جايلى, توپىراعى تورقا بولسىن. پەيٸشتە نۇرى شالقىپ, جاراتقان ارتىنداعى ۇرپاعىنا ۇزاق عۇمىر بەرسٸن!
