© facebook/زاكونوپوسلۋشنىي گراجدانين
بٸرنەشە اي بويى ٷنسٸز كەتكەن سولتٷستٸك قازاقستان وبلىسى ەنەرگەتيكا باسقارماسىنىڭ باسشىسى باقىت ٸليياسوۆ تەرگەۋ يزولياتورىندا بولىپ شىقتى. وندا ونى "حابار" تەلەارناسىنىڭ تٷسٸرۋ توبى بايقاپ قالعان. بۇل رەتتە شەنەۋنٸكتٸڭ ۇستالۋىنا قاتىستى ەزٸرگە ەشبٸر ۆەدومستۆو رەسمي پٸكٸر بەرگەن جوق, - دەپ حابارلايدى Tengrinews.kz اگەنتتٸگٸ پەتروپاۆلوۆسك.news سايتىنا سٸلتەمە جاساپ.
ٸليياسوۆ بۇعان دەيٸن قىزىلجار اۋدانى ەكٸمٸنٸڭ ورىنباسارى بولعان, كەيٸن بٸرنەشە جىل پەتروپاۆل قالالىق تۇرعىن ٷي-كوممۋنالدىق شارۋاشىلىق, جولاۋشىلار كٶلٸگٸ جەنە اۆتوموبيل جولدارى بٶلٸمٸ باسشىسىنىڭ ورىنباسارى قىزمەتٸن اتقاردى. بىلتىر قازاندا سولتٷستٸك قازاقستان ەنەرگەتيكا باسقارماسىنىڭ باسشىسى بولدى.
باسىلىم مەلٸمەتٸنشە, وسى ۋاقىت ٸشٸندە ٸليياسوۆ باسپاسٶزگە اشىق بولعان, تۇرعىن ٷي-كوممۋنالدىق شارۋاشىلىق قۇرىلىمىنىڭ ەرتٷرلٸ مەسەلەلەرٸنە قاتىستى ٷنەمٸ پٸكٸر بٸلدٸرٸپ جٷرگەن. الايدا بيىل تامىزدا شەنەۋنٸك كەنەتتەن اقپارات كەڭٸستٸگٸنەن كٶرٸنبەي كەتكەن.
قىلمىستىق ٸس تۋرالى قاۋەسەت تەز تاراعان, بٸراق ەشكٸم ەشتەڭەنٸ رەسمي راستاعان جوق. سىبايلاس جەمقورلىققا قارسى كوميتەت تە ەشقانداي پٸكٸر بٸلدٸرمەگەن.
"قازاقستانداعى پرەزيدەنت سايلاۋىندا "حابار" تەلەارناسىنىڭ تٷسٸرۋ توبى پەتروپاۆلدىڭ تەرگەۋ يزولياتورىنداعى داۋىس بەرۋ بارىسىن تٷسٸرٸپ العان. داۋىس بەرۋشٸلەردٸڭ بٸرٸ - باقىت ٸليياسوۆ... داۋىس بەرۋ بارىسى تۋرالى ۆيدەونى جۋرناليست تٶلەگەن يمانوۆ "زاكونوپوسلۋشنىي گراجدانين" توبىنىڭ پاراقشاسىندا جارييالادى", - دەپ جازدى باسىلىم.
"ەنەرگەتيكا باسقارماسىنىڭ قازٸرگٸ باسشىسى تەرگەۋ يزولياتورىنا قالاي تٷسكەنٸن ەلٸ بٸلمەيمٸز. تيٸستٸ ورگاندار پٸكٸر بٸلدٸرەدٸ دەپ كٷتەمٸز", - دەلٸنگەن جازبادا.
