تامىز ايىندا ٶتەتٸن ۇبت-عا قاتىسۋ ٷشٸن ٶتٸنٸش قابىلداۋ باستالدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
ٶتٸنٸم قابىلداۋ 4 تامىزدا باستالىپ, 6 تامىزعا دەيٸن جالعاسادى. ۇبت-عا تٸركەلۋ ۇلتتىق تەستٸلەۋ ورتاعىنىڭ سايتىندا جٷرگٸزٸلەدٸ.
تامىزداعى ۇبت شەكتٸ بالل جيناي الماعان تالاپكەرلەردٸڭ تەستٸلەۋدەن قايتا ٶتٸپ, جوو-عا اقىلى نەگٸزدە تٷسۋ مٷمكٸندٸگٸ بولۋى ٷشٸن ٶتكٸزٸلەدٸ.
ايتا كەتەيٸك, وسى ۇبت-عا بيىلعى جەنە ٶتكەن جىلداردىڭ مەكتەپ تٷلەكتەرٸ, كوللەدج تٷلەكتەرٸ مەن شەتەلدەگٸ مەكتەپتەردە بٸلٸم العاندار قاتىسادى.
نەگٸزگٸ ۇبت سەكٸلدٸ تامىزداعى تەستٸلەۋ ەلەكتروندى فورماتتا 10-13 تامىز ارالىعىندا ٶتەدٸ. تٸركەلۋ كەزٸندە تەستٸلەنۋشٸلەر ەمتيحان ٶتكٸزٸلەتٸن ورىندى, كٷندٸ جەنە ۋاقىتتى ٶزدەرٸ تاڭدايدى.
«ٶكٸنٸشكە وراي, قاڭتار-ماۋسىم ارالىعىندا ٶتكەن ۇبت-دا كەيبٸر تالاپكەرلەر شەكتٸ بالل جيناي المادى. ولار ەلٸمٸزدٸڭ جوعارى وقۋ ورىندارىنا تٷسۋ مٷمكٸندٸگٸنەن ايىرىلدى. بٸز وسى بالالاردىڭ اقىلى بٶلٸمگە تٷسۋ مٷمكٸندٸگٸ بولۋى ٷشٸن تامىز ايىندا قايتا تەستٸلەۋدەن ٶتۋگە جاعداي جاسادىق. وقۋعا تٷسۋ ٷشٸن شەكتٸك بالل جەنە ەر پەننەن كەمٸندە 5 بالل جيناۋ قاجەت», – دەپ تٷسٸندٸردٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
