Tamyz aiynda ótetin UBT-ǵa qatysý úshin ótinish qabyldaý bastaldy, dep habarlaidy "Ult aqparat" Bilim jáne ǵylym ministrligine silteme jasap.
Ótinim qabyldaý 4 tamyzda bastalyp, 6 tamyzǵa deiin jalǵasady. UBT-ǵa tirkelý Ulttyq testileý ortaǵynyń saitynda júrgiziledi.
Tamyzdaǵy UBT shekti ball jinai almaǵan talapkerlerdiń testileýden qaita ótip, JOO-ǵa aqyly negizde túsý múmkindigi bolýy úshin ótkiziledi.
Aita keteiik, osy UBT-ǵa biylǵy jáne ótken jyldardyń mektep túlekteri, kolledj túlekteri men sheteldegi mektepterde bilim alǵandar qatysady.
Negizgi UBT sekildi tamyzdaǵy testileý elektrondy formatta 10-13 tamyz aralyǵynda ótedi. Tirkelý kezinde testilenýshiler emtihan ótkiziletin oryndy, kúndi jáne ýaqytty ózderi tańdaidy.
«Ókinishke orai, qańtar-maýsym aralyǵynda ótken UBT-da keibir talapkerler shekti ball jinai almady. Olar elimizdiń joǵary oqý oryndaryna túsý múmkindiginen aiyryldy. Biz osy balalardyń aqyly bólimge túsý múmkindigi bolýy úshin tamyz aiynda qaita testileýden ótýge jaǵdai jasadyq. Oqýǵa túsý úshin shektik ball jáne ár pánnen keminde 5 ball jinaý qajet», – dep túsindirdi QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
