«تاليبان» قوزعالىسىنىڭ (قازاقستان اۋماعىندا تىيىم سالىنعان - اۆت.) ٶكٸلدەرٸ اۋعانستان استاناسى كابۋلعا باسىپ كٸردٸ. اقش ەلشٸلٸگٸنە تٸكۇشاقتار قونا باستادى. بۇل تۋرالى Associated Press اگەنتتٸگٸ حابارلادى.
اۋعان ٷكٸمەتٸنٸڭ ٷش قىزمەتكەرٸ Associated Press اگەنتتٸگٸنە كابۋلدىڭ ٷش اۋدانى – قالاقان, قاراباق جەنە پاگماندا تەلٸپتەردٸڭ جٷرگەنٸن ايتتى. تۋرا وسىنىڭ الدىندا "تاليبان" جالالاباد قالاسىن باقىلاۋعا العان.
كەيٸنگٸ اپتادا "تاليبان" اۋعانستان اۋداندارىن بٸرٸنەن كەيٸن بٸرٸن باسىپ الىپ, ٷكٸمەت كٷشتەرٸ ويسىراي جەڭٸلٸپ جاتىر. ولارعا اقش ەسكەرٸنٸڭ ەۋەدەن دەمەۋٸ دە كٶمەكتەسەر ەمەس.
اۋعان استاناسىنداعى اقش ەلشٸلٸگٸنەن بروندالعان ديپلوماتييا كٶلٸكتەرٸ كەتٸپ جاتقانى, ساناۋلى ساعاتتاردان سوڭ ەلشٸلٸك اۋماعىنا تٸكۇشاقتاردىڭ كەلٸپ-كەتٸپ جاتقانى بايقالعان. اقش مەملەكەتتٸك دەپارتامەنتٸ بۇل قوزعالىس تۋرالى پٸكٸر بٸلدٸرمەدٸ, ساۋالعا جاۋاپ بەرمەدٸ. الايدا ەلشٸلٸكتٸڭ شاتىرىنان تٷتٸن بايقالادى. اتى-جٶنٸن جاسىرعان ەكٸ اقش ەسكەري قىزمەتكەرٸ ديپلوماتتاردىڭ قۇپييا قۇجاتتاردى جويىپ جاتقانىن ايتتى.
چەحييا دا اۋعانستانداعى ٶز قىزمەتكەرلەرٸن قايتارۋ تۋرالى شەشٸم قابىلدادى. ولار وسى شەشٸمنٸڭ الدىندا كابۋلدەگٸ حالىقارالىق ەۋەجايعا جەتكٸزٸلگەن.
سەنبٸ, 14 تامىز كٷنٸ حالقىنا جولداۋ ارناعان اۋعانستان پرەزيدەنتٸ اشراف عاني وقشاۋلانعان كٷيدە قالدى. ول سەنٸم ارتىپ وتىرعان ەسكەري قولباسشىلاردىڭ بٸر بٶلٸگٸ "تاليبانعا" بەرٸلٸپ, بٸر بٶلٸگٸ قاشىپ كەتٸپ, عانيعا ەسكەري تۇرعىدا امال قالدىرمادى. كاتارداعى كەلٸسسٶزدەر دە تەلٸپتەردٸڭ قارقىنىن بەسەڭدەتە المادى.
سوڭعى تەۋلٸكتە تەلٸپتەر ەلدەگٸ ٸرٸ قالالار مازاري-شاريف پەن جالالابادتى باسىپ العان. سودان كەيٸن كابۋل اۋعان ٷكٸمەتٸ باقىلاۋىنداعى جالعىز ٸرٸ قالا بولىپ قالدى.
كابۋلدٸڭ قوعامدىق پاركتەرٸ مەن بۇقارالىق ورىندارىندا مىڭداعان بەيبٸت تۇرعىن تۇرىپ جاتىر. ولار بولاشاعىنا الاڭدايدى. بانكوماتتار ٸستەن شىعىپ, كابۋلدىقتاردىڭ جاعدايى ودان ەرٸ قيىندادى.
اۋعانداردىڭ كٶبٸ "تاليبان" بيلٸككە كەلسە, رەپرەسسييالىق زاڭدارىن قايتا ورناتۋى مٷمكٸن دەپ ٷرەيلەنەدٸ. ەلدٸ 1996-2001 جىلدارى باسقارعان "تاليبان" ەسٸرەسە ەيەلدەرگە قاتال بولدى. ولارعا جۇمىس ٸستەۋگە, بٸلٸم الۋعا, ەر ادامسىز سىرتقا شىعۋعا تىيىم سالىندى.
