اۋعان تەلٸپتەرٸ ەلدەگٸ ەكٸنشٸ ماڭىزدى, ەرٸ ٸرٸ قالا قانداعاردى باسىپ العانىن مەلٸمدەدٸ. بۇل تۋرالى Twitter-دە قوزعالىستىڭ باسپاسٶز حاتشىسى حابارلادى.
"قانداعاردى تولىق جاۋلاپ الدىق" دەپ جازدى ول.
بۇعان دەيٸن دالالىق جەردە جەنە قالا ٸشٸندە شايقاس جٷرٸپ جاتقانى حابارلانعان. قانداعار ەۋەجايى جۇمىسىن توقتاتتى.
12 تامىزدا ازاتتىقتىڭ اۋعان رەداكتسيياسى "تاليبان" توبى بٸر اپتادان از ۋاقىت ٸشٸندە اۋعانستاننىڭ وڭتٷستٸك-شىعىسىنداعى ايماق ورتالىعى عازني قالاسىن باسىپ العانىن ايتقان. ەلدٸڭ ٸشكٸ ٸستەر مينيسترلٸگٸ قالانىڭ كٶپ بٶلٸگٸ تەلٸپتەردٸڭ باقىلاۋىندا قالعانىن, بٸراق ۇرىس جالعاسىپ جاتقانىن ەسكەرتتٸ.
عازني كابۋلدان وڭتٷستٸك-باتىسقا قاراي 150 كيلومەتر جەردە ورنالاسقان. قالا ٷلكەن ستراتەگييالىق ماڭىزعا يە, ٶيتكەنٸ ول استانانى وڭتٷستٸكتەگٸ سودىرلاردىڭ بەكٸنٸستەرٸمەن بايلانىستىراتىن كابۋل—قانداعار تاس جولىنىڭ بويىندا ورنالاسقان. پەنتاگون بۇعان دەيٸن اۋعانستان استاناسىن تەلٸپتەر بٸر-ٷش اي ٸشٸندە باسىپ الۋى مٷمكٸن دەپ بولجاعان. ەسكەري مەكەمەدەگٸ دەرەككٶزگە سٷيەنگەن Washington Post باسىلىمى وسىنداي حابار تاراتتى.
اۋعان قاۋٸپسٸزدٸك كٷشتەرٸ عازنيدەن قاشىپ كەتكەن قالا گۋبەرناتورى مەن ونىڭ ورىنباسارىن تۇتقىندادى دەپ حابارلايدى BBC. "تاليباننىڭ" رەسمي ٶكٸلٸ زابيحۋللا مۋدجاحيد Twitter-دە "عازني قالاسىندا جاۋدىڭ كٶپ بازاسىن باسىپ الدىق, مۋدجاحيدتەر گۋبەرناتوردىڭ رەزيدەنتسيياسىنا قاراي جىلجىپ بارادى" دەپ جازدى.
اقش پەن ناتو-نىڭ باسقا مٷشەلەرٸ اۋعانستاننان ەسكەرٸن شىعارىپ جاتقان تۇستا تەلٸپتەر ەل ايماقتارىنىڭ بٸرٸنەن سوڭ بٸرٸن باسىپ الۋدا. باتىس كواليتسيياسى قىركٷيەكتٸڭ ورتاسىنا دەيٸن ەلدەگٸ بارلىق ەسكەرٸن الىپ كەتپەك. ۆۆس-دٸڭ مەلٸمەتٸ بويىنشا, تەلٸپتەر اۋعانستانداعى 34 ايماقتىڭ 10-ىنىڭ ورتالىق قالالارىن باسىپ العان. Reuters 9 ورتالىق قالا تەلٸپتەر قولىنا ٶتتٸ دەپ جازدى.
جٷزدەگەن بەيبٸت تۇرعىن قازا بولىپ, مىڭداعان ادام ٷيٸنەن قاشتى. كٶپ اۋىل جەرمەن-جەكسەن بولعان. قۇقىق قورعاۋ ۇيىمدارى ەلدە گۋمانيتارلىق داعدارىس بولۋى مٷمكٸن دەپ دابىل قاقتى.
ايتا كەتەيٸك, تەۋەلسٸز دەرەكككٶزدەر قالانىڭ باسىپ الىنۋ تۋرالى اقپاراتتى راستاعان جوق, الايدا ەلەۋمەتتٸك جەلٸلەردە ونىڭ كٶشەلەرٸندە «تاليبان» سودىرلارى جٷرگەن روليكتەر پايدا بولدى.
كانداگاردى باسىپ الۋ – «تاليبان» ٷشٸن ماڭىزدى ستراتەگييالىق جەڭٸس. يسلامشىلاردىڭ اۋعانستاننىڭ باسىم بٶلٸگٸنە يەلٸك ەتۋٸ جالعاسىپ جاتىر. بٷگٸندە قاقتىعىستار تاعى بٸر ٸرٸ قالا گەراتتا جالعاسۋدا.
سەرسەنبٸ كٷنٸ پەنتاگون امەريكاندىق ازاماتتاردىڭ ەۆاكۋاتسييالانۋىن قامتاماسىز ەتۋ ٷشٸن كابۋل ەۋەجايىنا ەسكەريلەر جٸبەرٸلگەنٸن مەلٸمدەدٸ.
