«تاليبان» (جوعارعى سوت شەشٸمٸنە سەيكەس, قازاقستاندا قوزعالىسقا تىيىم سالىنعان) اۋعانستانداعى جاڭا ٷكٸمەتتٸڭ قۇرامىن جارييالادى, دەپ حابارلايدى قازاقپارات Euronews-كە سٸلتەمە جاساپ.
«اۋعانستان يسلام ەميراتىنىڭ» پرەمەرٸ مٸندەتٸن اتقارۋشى قىزمەتٸنە موللا موحامماد حاسان احۋند تاعايىندالدى. ۇيىم ٶزٸن وسىلاي اتاي باستادى. ول تەلٸپتەردٸڭ «شۋرا» جوعارعى كەڭەسٸنٸڭ جەتەكشٸسٸ بولعان. موحامماد قانداعاردا دٷنيەگە كەلگەن. اتالمىش ەسكەري ۇيىم دا سول قالادا ۇيىمداستىرىلعان.
پرەمەر-مينيستردٸڭ ورىنباسارى ابدۋل گاني بارادار بولدى. ول توپتىڭ ۇيىمداستىرۋشىسىنىڭ بٸرٸ, قۋعىندا جٷرگەندە قاتاردا تاليبان ٷكٸمەتٸن باسقارعان. ەكٸنشٸ ورىنباسار - موللا ابدۋل سالام حانافي. ول دوحادا ٶتكەن كەلٸسسٶزدەردە تەلٸپتەر دەلەگاتسيياسىنىڭ ەكٸنشٸ تۇلعاسى بولدى.
موللا ابدۋل حاك ۆاسيك بارلاۋ مينيسترلٸگٸن باسقارادى. ول بۇعان دەيٸن تەلٸپتەردٸڭ ساياسي باسقارماسىندا ەۋروپا بٶلٸمٸنە جەتەكشٸلٸك ەتكەن.
اۋعانستاننىڭ سىرتقى ٸستەر مينيسترلٸگٸن قوزعالىس كٶسەمدەرٸنٸڭ بٸرٸ موللا امير حان موتتاكي باسقارادى.
ٸٸم باسشىسى بولىپ قوزعالىس كٶسەمدەرٸنٸڭ بٸرٸ سيرادجۋددين حاككانيدٸڭ ۇلى تاعايىندالدى. ول ۇيىمنىڭ ەڭ راديكالدى قاناتى «حاككاني جەلٸسٸنە» جەتەكشٸلٸك ەتكەن.
اۋعانستاننىڭ قورعانىس مينيسترٸ «تاليباندى» قۇرۋشىنىڭ بٸرٸ موللا موحامماد ياكۋبتىڭ بالاسى بولدى.
قارجى مينيسترٸ بولىپ موللا ەيادۋللا بادري تاعايىندالدى. ەكونوميكا مينيسترلٸگٸن موحامماد حانيف باسقارادى. ورتالىق بانكتٸڭ باسشىسى - موللا موحامماد يدريس.
بٸلٸم مينيسترٸ - شەيح ماۆلاۆي نۋرۋللا مۋنير. شەكارا جەنە تايپالار مينيسترٸ— نۋرۋللا نۋري. تابيعي رەسۋرستار مينيسترٸ — موللا موحاممەد يسا احۋند. سۋ جەنە ەلەكترمەن جابدىقتاۋ ٸس بويىنشا مينيستر — موللا ابدۋل لاتيف مانسۋر. اۋىل شارۋاشىلىعى مينيسترٸ— موللا ابدۋل مانان وماري.
مەدەنيەت جەنە اقپارات مينيسترلٸگٸنە زابيحۋللا مۋدجاحيد جەتەكشٸلٸك ەتەدٸ, ول تەلٸپتەردٸڭ رەسمي ٶكٸلٸ بولعان.
