بٷگٸن قوستانايدىڭ №2 قالالىق سوتىندا «تۇلپار-تالگو» پويىزىندا اقتٶبەلٸك بويجەتكەندٸ زورلاعان ەكٸ جولسەرٸككە ٷكٸم وقىلدى, دەپ حابارلايدى "ۇلت اقپارات" وبلىستىق سوتتىڭ باسپاسٶز قىزمەتٸنە سٸلتەمە جاساپ.
«سوت ٷكٸمٸمەن پويىز جولسەرٸكتەرٸ قولقانات قۇرمانييازوۆ پەن جەتەس ٷمبەتەليەۆ قر قك 120-بابىمەن 5 جىلعا باس بوستاندىعىنان ايىرىلدى. ولار جازانى قىلمىستىق اتقارۋ جٷيەسٸنٸڭ قاۋٸپسٸزدٸك دەڭگەيٸ ورتاشا مەكەمەسٸندە ٶتەيدٸ», - دەيدٸ ۆەدومستۆونىڭ باسپاسٶز قىزمەتٸندەگٸلەر.
ايتا كەتەيٸك, وسى جىلدىڭ 26 شٸلدەسٸ كٷنٸ جەتەس ٷمبەتەليەۆ پەن قولقانات قۇرمانييازوۆ سوت ٷكٸمٸمەن قر قك 120-بابىنىڭ 1-بٶلٸگٸنە سەيكەس 2 جىل 6 اي مەرزٸمگە باس بوستاندىعىنان ايىرىلعان.
ەسكە سالساق, «نەمولچيKZ» قوعامدىق قورىنىڭ باسشىسى دينا سمايلوۆانىڭ Facebook پاراقشاسىندا جازۋىنشا, 26 قىركٷيەك كٷنٸ كەشكٸ ساعات 10-دار شاماسىندا بويجەتكەن «تالگو» پويىزىنىڭ كۋپەسٸنە وتىرادى. كۋپە ٸشٸندە بٸر ەر ادام بولعان. زاتتارىن قويىپ, پويىز مەيرامحاناسىنىڭ اسحاناسىنان تاماقتانىپ كەلگەن كەزٸندە كۋپە ٸشٸندە ارنايى فورما كيمەگەن جولسەرٸك وتىرادى. ول ەۋەلگٸ ەر ادامدى باسقا كۋپەگە اۋىستىرىپ جٸبەرگەنٸن ايتادى. قىز ۇيقىسى كەلگەنٸن تٷسٸندٸرٸپ, جولسەرٸكتەن كۋپەدەن شىعۋىن ٶتٸنەدٸ. سىرا ٸشٸپ وتىرعان جولسەرٸك تەك جارتى ساعاتتان سوڭ شىعىپ كەتكەن. الايدا تاڭعى ساعات 04:00 شاماسىندا جولسەرٸك بويجەتكەن جاتقان كۋپەگە ٶز كٸلتٸ ارقىلى اشىپ كٸرەدٸ. مۇنان سوڭ ارام ويىن ٸسكە اسىرادى. ٸزٸنشە ەكٸنشٸ جولسەرٸك تە كەلٸپ, بويجەتكەندٸ زورلاعان.
