قازاقستان ۇلتتىق فۋتبول قۇراماسىنىڭ باس باپكەرٸ تالعات بايسۋفينوۆ قىزمەتٸنەن كەتۋ تۋرالى شەشٸم قابىلدادى. بۇل تۋرالى قازاقستان فۋتبول فەدەراتسيياسى مەلٸمدەدٸ, دەپ حابارلايدى ult.kz.
فەدەراتسييانىڭ حابارلاۋىنشا, تالعات بايسۋفينوۆ وتستاۆكاعا كەتۋ تۋرالى شەشٸمدٸ ٶزٸ قابىلداعان. قفف بۇل شەشٸمدٸ ٶكٸنٸشپەن قابىلداعانىن جەنە وعان قۇرمەتپەن قارايتىنىن جەتكٸزدٸ.
فەدەراتسييا ٶكٸلدەرٸنٸڭ ايتۋىنشا, بايسۋفينوۆ ۇلتتىق قۇرامانى باسقارعان كەزەڭدە ٶزٸنٸڭ بارلىق جۇمىس كەزەڭدەرٸنٸڭ ٸشٸندەگٸ ەڭ ٷزدٸك نەتيجەسٸن كٶرسەتتٸ.
اتاپ ايتقاندا, ونىڭ جەتەكشٸلٸگٸمەن قازاقستان قۇراماسى ەلەم چەمپيوناتىنىڭ ٸرٸكتەۋ كەزەڭٸندە ٶز الاڭىندا بەلگييا قۇراماسىمەن تەڭ ويناعان.
سونداي-اق قفف تالعات بايسۋفينوۆتىڭ تۇسىندا ۇلتتىق قۇرامانىڭ ٶز كٷشٸنە دەگەن سەنٸمٸ ارتىپ, كوماندانىڭ FIFA رەيتينگٸندەگٸ كٶرسەتكٸشتەرٸ جاقسارعانىن اتاپ ٶتتٸ.
قازاقستان فۋتبول فەدەراتسيياسى مامانعا كەسٸبيلٸگٸ, ۇلتتىق قۇراماعا ادالدىعى جەنە قازاقستاندىق فۋتبولدىڭ دامۋىنا قوسقان ەلەۋلٸ ٷلەسٸ ٷشٸن العىس بٸلدٸردٸ.
فەدەراتسييا تالعات بايسۋفينوۆقا الداعى قىزمەتٸندە تابىس تٸلەپ, ۇلتتىق قۇرامانىڭ جاڭا باپكەرلەر شتابىنا قاتىستى اقپارات كەيٸنٸرەك جارييالاناتىنىن حابارلادى.
قازٸرگٸ ۋاقىتتا قازاقستان قۇراماسىنىڭ الداعى ماتچتارعا دايىندىعى جوسپارلى تٷردە جالعاسىپ جاتىر.
