الماتى وبلىسىنىڭ تالعار اۋدانىندا ەكٸ پوليتسييا قىزمەتكەرٸ جەمقورلىق جاسادى دەگەن كٷدٸكپەن ۇستالدى. ولار اكۆاپارك باسشىسىنان ٶزدەرٸ مەن تۋىستارىنا دەمالىس ورنىن تەگٸن پايدالانۋدى تالاپ ەتكەن, دەپ حابارلايدى ult.kz.
«ۆرەميا» گازەتٸنٸڭ مەلٸمەتٸنشە, پوليتسەيلەر مەن ولاردىڭ جاقىندارى Aquasia Resort اكۆاپاركٸندە تەگٸن دەمالىپ, كەسٸپكەرگە شامامەن 500 مىڭ تەڭگە شىعىن كەلتٸرگەن. كەيٸن ولار كٸرۋ بيلەتتەرٸن, مەيرامحانا قىزمەتٸن جەنە دەمالىس ٷيلەرٸن اقىسىز پايدالانۋدى تالاپ ەتكەن.
وقيعا اكۆاپاركتە بٸر ەيەل جاراقات العاننان كەيٸن باستالعان. وسى دەرەك بويىنشا قاۋٸپسٸزدٸك تالاپتارىنا ساي كەلمەيتٸن قىزمەت كٶرسەتۋگە قاتىستى قىلمىستىق ٸس قوزعالعان. الايدا تامىز ايىنىڭ سوڭىندا ٸس قىلمىس قۇرامى بولماعاندىقتان توقتاتىلعان.
كەيٸن ٸستٸ جٷرگٸزگەن انىقتاۋشى مەن ونىڭ باسشىسى اكۆاپارك ديرەكتورىنان تٷرلٸ قىزمەتتەردٸ تەگٸن كٶرسەتۋدٸ تالاپ ەتكەن. كەسٸپكەر بۇل تۋرالى الماتى وبلىسى ۇقك دەپارتامەنتٸنٸڭ سىبايلاس جەمقورلىققا قارسى قىزمەتٸنە حابارلاعان.
ارنايى وپەراتسييا بارىسىندا ەكٸ پوليتسەي ۇستالىپ, ولاردىڭ قىزمەتتٸك كابينەتتەرٸندە تٸنتۋ جٷرگٸزٸلدٸ. كەيٸن ەكەۋٸ دە قىزمەتتەن شىعارىلدى.
قازٸر ولارعا قاتىستى قىلمىستىق ٸس تەرگەلٸپ جاتىر. تەرگەۋ الدىن الا سٶز بايلاسقان ادامدار توبىنىڭ قورقىتىپ پارا تالاپ ەتۋٸ بابى بويىنشا جٷرگٸزٸلۋدە. بۇل باپ بويىنشا 12 جىلعا دەيٸن باس بوستاندىعىنان ايىرۋ جازاسى قاراستىرىلعان.
