الماتى وبلىسىندا ەپيدەمولوگييالىق احۋالدىڭ جاقسارۋىنا بايلانىستى تالدىقورعان قالاسىنداعى ەكٸ پروۆيزورلىق ورتالىق جابىلدى, دەپ حابارلايدى "ۇلت اقپارات".
دەنساۋلىق ساقتاۋ باسقارماسىنىڭ باسشىسى ٶمٸرزاق نييازبەكوۆ پروۆيزورلىق ستاتسيونارلاردى كەزەڭ-كەزەڭمەن كونسەرۆاتسييالاۋ باستالعانىن ايتتى.
«بٷگٸننەن باستاپ تالدىقورعان قالاسىنداعى ەسكەري گوسپيتالدا اشىلعان پروۆيزورلىق ورتالىق جابىلىپ, گوسپيتال قالىپتى جۇمىسىن باستادى. سونىمەن قاتار, وبلىستىق تەرٸ-ۆەنەرولوگييالىق ديسپانسەر دە جوسپارلى تٷردە ناۋقاستاردى قابىلداۋعا دايىن», - دەدٸ باسقارما باسشىسى.
سونىمەن قاتار, دەنساۋلىق ساقتاۋ باسقارماسىنىڭ باسشىسى ٶمٸرزاق ەبەلسەيٸتۇلىنىڭ ايتۋىنشا, وبلىستاعى ستاتسيونارلار جٷكتەمەسٸنٸڭ تٶمەندەۋٸنە بايلانىستى ينفەكتسييالىق تٶسەك سانى 520-دان 490 ورىنعا, پروۆيزورلىق تٶسەك سانى 3560-تان 2541 ورىنعا دەيٸن قىسقارتىلعان.
بٷگٸنگٸ كٷنٸ الماتى وبلىسىندا اشىلعان پروۆيزورلىق ورتالىقتاردا 1043 ادام ەم قابىلداپ جاتىر. وسى ۋاقىتقا دەيٸن 4048 ادام جازىلىپ شىقتى.
