فوتو: قورعانىس مينيسترلٸگٸ
تالدىقورعان اۆيابازاسىنا ەكٸ مەرتە كەڭەس وداعىنىڭ باتىرى اۆياتسييا گەنەرال-مايورى سەرگەي لۋگانسكييدٸڭ ەسٸمٸ بەرٸلدٸ, دەپ حابارلايدى قورعانىس مينيسترلٸگٸ.
لۋگانسكيي – اتى اڭىزعا اينالعان قازاقستاندىق ۇشقىش. II دٷنيەجٷزٸلٸك سوعىس كەزٸندە 270-شٸ جويعىش اۆياتسييا پولكٸنٸڭ ەسكادريليا كومانديرٸ بولعان. وعان دەيٸن 1939-1940 جىلدارداعى كەڭەس-فين سوعىسىنا دا قاتىستى.
تانىمال ۇشقىش 390 رەت اسپانعا كٶتەرٸلٸپ, جاۋدىڭ 37 ۇشاعىن اتىپ تٷسٸرگەن. ەسكادريليا باسشىسى رەتٸندە كٶپتەگەن ٸرٸ ەۋە شايقاستارىنا قاتىستى. مەسەلەن, دنەپردٸ الار كەزدە كەڭەس ەسكەرٸنە اسپاننان قولداۋ جاسادى.
ايتا كەتەرٸ, II دٷنيەجٷزٸلٸك سوعىسقا قاتىسقان تٶرت قازاقستاندىق ەكٸ مەرتە كەڭەس وداعى باتىرى اتاندى. ولاردىڭ ٸشٸندە سەرگەي لۋگانسكيي دە بار.
