مەملەكەت باسشىسى قاسىم-جومارت توقاەۆ قوستاناي وبلىسىنداعى ٶرتتٸ سٶندٸرۋ جٶنٸندەگٸ جەدەل شتاب وتىرىسىن ٶتكٸزدٸ, دەپ حابارلايدى قازاقپارات.
«قوستاناي وبلىسىندا الاپات ٶرت بولىپ جاتىر. بۇل جاعداي تۇرعىنداردىڭ ٶمٸرٸ مەن دەنساۋلىعىنا جەنە ەلدٸ مەكەندەرگە قاۋٸپ تٶندٸرەدٸ. ٶڭٸردٸڭ ەكونوميكاسى مەن تابيعاتىنا زور شىعىن كەلٸپ وتىر. ٶرت 4 اۋدان اۋماعىنا جايىلدى, تاعى 5 وبىلستا – اقتٶبە, تٷركٸستان, قاراعاندى, شىعىس قازاقستان, اقمولادا ٶرت وشاقتارى پايدا بولىپ جاتىر», - دەدٸ پرەزيدەنت.
ونىڭ ايتۋىنشا, كٷننٸڭ ىستىق بولىپ, جەلدٸڭ كٷشەيۋٸ ٶرتتٸ ودان ەرٸ ٶرشٸتتٸ.
«مەسەلەنٸڭ اسا كٷردەلٸ ەكەنٸ تٷسٸنٸكتٸ. سوندىقتان ٷكٸمەت پەن پرەزيدەنت ەكٸمشٸلٸگٸنە تيٸستٸ تاپسىرمالار بەردٸم. ٶرتتٸ توقتاتۋ ٷشٸن قاجەتتٸ شارالار قابىلداندى. وسىعان وراي, بارلىق رەسۋرستى دەرەۋ جۇمىلدىردىق. قوستاناي وبلىسىنا باسقا ايماقتاردان تەحنيكا مەن قاجەتتٸ ماماندار ۋاقىتىلى جەتكٸزٸلدٸ. تٶتەنشە جاعداي مينيسترلٸگٸنە ٸشكٸ ٸستەر جەنە قورعانىس مينيسترلٸكتەرٸ, ۇلتتىق ۇلان كٶمەككە كەلدٸ. بۇل جۇمىسقا ورمان شارۋاشىلىعى مەن ورمان كٷزەتٸنٸڭ جۇمىسشىلارى جەنە تەمٸرجولشىلار تارتىلدى. قازٸر تٶتەنشە جاعداي باقىلاۋعا الىندى. ٶرت بولعان اۋىل تۇرعىندارى قاۋٸپسٸز جەرگە كٶشٸرٸلدٸ», - دەدٸ مەملەكەت باسشىسى.
ايتا كەتەيٸك, قوستانايداعى الاپات ٶرت ٷشٸنشٸ تەۋلٸككە سوزىلدى. قازٸرگٸ ۋاقىتتا جالپى اۋدانى 43 مىڭ گەكتاردان اسقان تٸلسٸز جاۋدى اۋىزدىقتاۋعا 2193 ادام, 224 بٸرلٸك تەحنيكا, 7 ەۋە كەمەسٸ, 5 ٶرت سٶندٸرۋ پويىزى جۇمىلدىرىلدى.
بٸر مەزەتتە 3 اۋماقتا تابيعي ٶرت سٶندٸرٸلٸپ جاتىر - قارابالىق, ۇزىنكٶل جەنە ەۋليەكٶل اۋداندارىندا.
پرەزيدەنت ٷيلەرٸن تاستاپ كەتۋگە مەجبٷر بولعان ادامدارعا تولىققاندى قولداۋ كٶرسەتۋدٸڭ ماڭىزدى ەكەنٸن اتاپ ٶتتٸ. ٷكٸمەت پەن قوستاناي وبلىسىنىڭ ەكٸمدٸگٸنە زارداپ شەككەن تۇرعىندارعا شۇعىل تٷردە ٶتەماقى تٶلەۋ مەسەلەسٸن قامتاماسىز ەتۋ تاپسىرىلدى.
سونىمەن بٸرگە تٶتەنشە جاعدايدى جويۋعا اتسالىسقان بارلىق ازاماتتىڭ جاساعان ەرلٸگٸ ٷشٸن العىس بٸلدٸرٸپ, ولار ناگرادالار مەن سىيلىقتارعا ۇسىنىلاتىنىن ايتتى.
