فوتو: gov.kz
پرەمەر-مينيستردٸڭ ورىنباسارى – سىرتقى ٸستەر مينيسترٸ مۇرات نۇرتٸلەۋ قازاقستاندا اككرەديتتەلگەن ديپلوماتييالىق ميسسييالاردىڭ باسشىلارى مەن حالىقارالىق ۇيىمداردىڭ ٶكٸلدەرٸنە اۋىزاشار ٶتكٸزدٸ, دەپ حابارلايدى Ult.kz قر سٸم باسپاسٶز قىزمەتٸنە سٸلتەمە جاساپ.
كەزدەسۋدٸ اشا وتىرىپ, سىرتقى ساياسي ۆەدومستۆوسىنىڭ باسشىسى وي تولعاۋدى, بٸرلٸكتٸ جەنە يگٸ ٸستەردٸ بەينەلەيتٸن قاسيەتتٸ رامازان ايىنىڭ رۋحاني ماڭىزدىلىعىن اتاپ ٶتتٸ.
"رامازان – ورازا ايى عانا ەمەس, رۋحاني قۇندىلىقتاردى نىعايتۋ, ٶزارا سىيلاستىق پەن ىنتىماقتاستىق ۋاقىتى. قازاقستان ەرقاشان بەيبٸتشٸلٸكتٸ, تاتۋ كٶرشٸلٸكتٸ جەنە حالىقارالىق ىنتىماقتاستىقتى جاقتاپ كەلەدٸ جەنە بۇل قاعيداتتار ٶزگەرمەيدٸ", – دەپ مەلٸمدەدٸ مينيستر ٶز سٶزٸندە.
م.نۇرتٸلەۋ جاھاندىق سىن-قاتەرلەرگە قاراماستان قازاقستان بەيبٸتشٸلٸك پەن تۇراقتىلىقتى قولداۋعا باعىتتالعان سىندارلى سىرتقى ساياساتتى جٷرگٸزۋدٸ جالعاستىرىپ جاتقانىن جەتكٸزدٸ. ول 2024 جىلعى ەلٸمٸزدٸڭ مۇسىلمان ەلدەرمەن ىنتىماقتاستىعىن قورىتىندىلاپ, 2025 جىلعا ارنالعان ٶزارا ٸس-قيمىلدىڭ باسىم باعىتتارىن بەلگٸلەدٸ.
سوڭعى جىلدارى قازاقستان ساۋدا-ەكونوميكالىق سەرٸكتەستٸكتٸ, كٶلٸك لوگيستيكاسىن جەنە گۋمانيتارلىق ىنتىماقتاستىقتى دامىتا وتىرىپ, مۇسىلمان ەلەمٸمەن بايلانىستاردى ايتارلىقتاي نىعايتقانى اتالىپ ٶتتٸ. بۇل كٷش-جٸگەر بارلىق تاراپ ٷشٸن جاڭا پەرسپەكتيۆالار اشىپ, ەلەۋلٸ نەتيجە بەرۋدە.
سٸم باسشىسى ەكٸجاقتى جەنە كٶپجاقتى بايلانىستاردى دامىتۋعا بەلسەندٸ قاتىسقانى ٷشٸن ديپلوماتييالىق كورپۋسقا العىسىن بٸلدٸرٸپ, قازاقستاننىڭ الماتىدا ورتالىق ازييا مەن اۋعانستان ٷشٸن ورنىقتى دامۋ ماقساتتارى بويىنشا بۇۇ ٶڭٸرلٸك ورتالىعىن قۇرۋ جٶنٸندەگٸ باستاماسىنا قولداۋ بٸلدٸرگەنٸنە ەرەكشە نازار اۋداردى.
شەتەلدٸك ديپلوماتتار جىلى قابىلداۋ ٷشٸن العىس ايتىپ, قازاقستانمەن سەرٸكتەستٸكتٸ ودان ەرٸ نىعايتۋعا بەيٸلدٸلٸگٸن راستادى.
ديپلوماتييالىق كورپۋسقا ارنالعان اۋىزاشار سەنٸم, ٶزارا تٷسٸنٸستٸك پەن حالىقارالىق ىنتىماقتاستىقتى نىعايتۋعا ىقپال ەتەتٸن ماڭىزدى دەستٷرگە اينالدى.
