ٷكٸمەت باسشىسىنىڭ بٸرٸنشٸ ورىنباسارى – قارجى مينيسترٸ ەليحان سمايىلوۆ سىرتقى قارىزدىڭ قالاي جيناقتالعانىن تٷسٸندٸردٸ, دەپ حابارلايدى Sputnik قازاقستان.
"جالپى, سىرتقى قارىزىمىز 160 ميلليارد دوللارعا تاياپ قالدى. بٸراق ٶتكەن جىلدىڭ قورىتىندىسى بويىنشا 8,4 ميلليارد دوللارعا قىسقاردى", - دەدٸ سمايىلوۆ.
مينيستردٸڭ ايتۋىنشا, سىرتقى قارىزدىڭ ٸشٸندە مەملەكەتتٸك سەكتوردىڭ ٷلەسٸ 35 ميلليارد دوللاردى قۇرايدى. بۇل بارلىق بورىشتىڭ – 22 پروتسەنتٸ.
"قالعانى – جەكەمەنشٸك سەكتوردىڭ قارىزى. ونىڭ كٶلەمٸ – 123 ميلليارد دوللار نەمەسە 78 پروتسەنت. سونىڭ ٸشٸندە 100 ميللياردتان استامى – فيرماارالىق بورىش. ول دەگەنٸمٸز, تٸكەلەي ينۆەستيتسييامەن بايلانىستى. وندايدا باسقا مەملەكەتتەردەگٸ كومپانييالار ٶزٸنٸڭ ەنشٸلەس كومپانيياسىنا اقشا بەرەدٸ, ول ينۆەستيتسييا بولىپ سانالادى. بٸراق دەل سول اقشا بٸزدٸڭ تٶلەم بالانسىمىزدا بورىش رەتٸندە كٶرسەتٸلەدٸ", - دەپ اتاپ كٶرسەتتٸ سمايىلوۆ.
ونىڭ سٶزٸنە قاراعاندا, قازاقستانعا سالىنعان تٸكەلەي ينۆەستيتسييالاردىڭ بورىش رەتٸندە كٶرسەتٸلگەنٸ پروبلەما ەمەس. سول ينۆەستيتسييالاردىڭ كٶپ بولعانى دۇرىس. سەبەبٸ جاڭا جوبالار قولعا الىنادى, قوسىمشا جۇمىس ورىندارى اشىلادى, بيۋدجەتكە سالىق تٶلەنەدٸ.
"نەگٸزٸ, فيرماارالىق بورىشتىڭ كٶپ بولۋى بٸز ٷشٸن جاقسى. ال قىتايدىڭ الدىندا مەملەكەتتٸڭ بورىشى جوق, تەك جەكە سەكتوردىڭ قارىزى بار. ونىڭ كٶلەمٸ – 11,6 ميلليارد دوللار. سونىڭ جارتىسى – 5,1 ميلليارد دوللار فيرماارلىق بورىش, ياعني قىتايدىڭ قازاقستانعا سالعان ينۆەستيتسييالارى. بانك سەكتورىنىڭ بورىشى – 1,6 ميلليارد دوللار, ال باسقا سەكتورلار – 4,9 ميلليارد دوللار", - دەدٸ سمايىلوۆ.
