«استانا – ادالدىق الاڭى» جوباسى اياسىندا نۇر-سۇلتان قالاسىنداعى سىبايلاس جەمقورلىققا قارسى قىزمەت دەرٸلٸك زاتتار مەن مەديتسينالىق بۇيىمدار ساقتالاتىن «سق-فارماتسييا» لوگيستيكالىق حابىنا مونيتورينگ جٷرگٸزدٸ, دەپ حابارلايدى قازاقپارات.
ەلوردالىق بٸرىڭعاي ديستريبيۋتور 85 مەملەكەتتٸك مەديتسينالىق ۇيىمدى دەرٸ-دەرمەكپەن تەگٸن قامتاماسىز ەتەدٸ. قويمانىڭ جالپى اۋماعى 6,5 مىڭ شارشى مەتردٸ قۇرايدى, وندا دەرٸ-دەرمەكتٸ ساقتاۋعا قاجەتتٸ مۇزداتقىش كامەرالارى, بٶلٸنگەن ايماقتار, بەلگٸلٸ بٸر تەمپەراتۋرالىق رەجيم سىندى بارلىق جاعداي قامتىلعان.
«نۇر-سۇلتان قالاسىنداعى بٸرىڭعاي ديستريبيۋتور ارقىلى سولتٷستٸك قازاقستان, پاۆلودار, اقمولا, قاراعاندى, قوستاناي وبلىستارى جەنە نۇر-سۇلتان قالاسىنداعى 85 مەديتسينالىق ۇيىم قامتاماسىز ەتٸلەدٸ. ونىڭ ٸشٸندە 5 رەسپۋبليكالىق كلينيكا مەن 80 قالالىق ماڭىزى بار مەديتسينالىق ۇيىم بار. بٸزدە دەرٸ-دەرمەك بٸر جىلدان ەكٸ جىلعا دەيٸن ساقتالادى. شٸلدە ايىندا ۆەدومستۆوارالىق كوميسسييانىڭ قاۋلىسى بويىنشا 44 اتاۋدان تۇراتىن دەرٸ-دەرمەكتٸڭ ازايمايتىن قورىن قۇرۋ تۋرالى تاپسىرما بەرٸلدٸ. جەلتوقسان ايىندا دەنساۋلىق ساقتاۋ مينيسترلٸگٸنٸڭ تاپسىرماسىمەن, ٷش دەرٸلٸك زات بٸر پرەپاراتقا اۋىستىرىلدى, بٸر پرەپارات – «رەمەديسيۆير» كوروناۆيرۋستى ەمدەۋ پروتوكولىنان شىعارىلدى. سول سەبەپتٸ, قازٸر 44 اتاۋدىڭ 40-ى ساقتالۋدا. دەرٸلەر بويىنشا تاپشىلىق جوق. مۇندا ەكٸ ايلىق دەرٸ-دەرمەكتەر قورى قۇرىلعان», - «سق-فارماتسييا» جشس باسقارۋشى ديرەكتورى – باسقارما مٷشەسٸ ايمۇارت ساليەۆ ەلوردالىق حابتا ٶتكەن مونيتورينگتە.
ۇيىمنىڭ حابارلاۋىنشا, ازايمايتىن قوردىڭ ەڭ تٶمەنگٸ تٶلەمٸ ەكٸ ايلىق بولۋى كەرەك. ياعني اي سايىن كەمٸندە 60 مىڭ پاتسيەنتتٸ ەمدەۋگە جەتكٸلٸكتٸ دەرٸ-دەرمەك بولۋى كەرەك. ياعني, بۇل قوردان قانداي دا بٸر دەرٸ ٶڭٸرلەرگە جٸبەرٸلسە, دەرەۋ تولىقتىرىلىپ وتىرۋى كەرەك.
قازٸرگٸ ۋاقىتتا پاندەمييا كەزٸندە «سق-فارماتسييا» قويمالارىنىڭ جۇمىسى ٶزگەرگەن. جۇمىسشىلار تەۋلٸك بويى ٷزٸلٸسسٸز بٸرنەشە اۋىسىممەن جۇمىس ٸستەيدٸ. كەلگەن دەرٸ-دەرمەك قويمادا كٶپ جاتپاي, بٸردەن ٷيلەستٸرٸلٸپ, تيەلەدٸ.
سونىمەن بٸرگە, قر سىبايلاس جەمقورلىققا قارسى ٸس-قيمىل اگەنتتٸگٸنٸڭ ەلوردالىق دەپارتامەنتٸندەگٸ پرەۆەنتسييا جەنە پاراساتتىلىق باسقارماسىنىڭ باسشىسى مارات حايرۋللين مونيتورينگتٸ قورىتىندىلادى.
«بٷگٸن «استانا – ادالدىق الاڭى» جوباسى اياسىندا «سق-فارماتسييا» قويمالارىنىڭ دەرٸلٸك زاتتارمەن جەنە قورعانىش قۇرالدارىمەن قامتاماسىز ەتۋ قىزمەتٸنە مونيتورينگ جٷرگٸزدٸك. «سق-فارماتسييا» ۇيىمى كەلتٸرگەن دەرەكتەرگە سەيكەس, قويمادا تٶتەنشە جاعدايلارعا, ونىڭ ٸشٸندە كوروناۆيرۋس ينفەكتسيياسىنا ارنالعان قور بار. ٶزدەرٸڭٸز بٸلەتٸندەي, پاندەمييانىڭ باسىندا دەرٸ-دەرمەكپەن قامتاماسىز ەتۋ جٷيەسٸنٸڭ جەتكٸلٸكتٸ دەڭگەيدە بولماعانى ايتىلىپ ەدٸ. قازٸر جاعدايدىڭ تٷزەلگەنٸن كٶرٸپ وتىرمىز, بارلىق دەرٸ-دەرمەك جەتكٸلٸكتٸ, دەنساۋلىق ساقتاۋ قىزمەتكەرلەرٸ جەكە قورعانىس قۇرالدارىمەن جابدىقتالعان.
مونيتورينگتٸڭ نەگٸزگٸ ماقساتى – سىبايلاس جەمقورلىق فاكتٸلەرٸنە جول بەرمەۋ, ونىڭ ٸشٸندە قوعامدى مەملەكەتتٸك ۇيىمدار جۇمىسىن باقىلاۋعا تارتۋ. بٷگٸنگٸ تەكسەرۋ بويىنشا ەسكەرتۋلەر بولعان جوق, «سق-فارماتسييا» دەنساۋلىق ساقتاۋ نىساندارىنا جٸبەرٸلەتٸن بارلىق جوسپارلى شىعىندار تۋرالى مەلٸمەتتٸ بەردٸ», - دەيدٸ مارات حايرۋللين.
