سۇيىتىلعان گاز باعاسىنىڭ كٷرت ٶسۋٸن شەكتەيتٸن ٸس-شارالار قابىلدانادى. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«سۇيىتىلعان گاز نارىعىنداعى جاعدايدى تولىق باقىلاۋدى قامتاماسىز ەتۋ ماقساتىندا جەدەل ٸس-شارالار قابىلداندى. اتاپ ايتقاندا, ەنەرگەتيكا مينيسترلٸگٸ 2 بۇيرىق بەكٸتتٸ. بٸرٸنشٸسٸ - 2023 جىلعى 1 قاڭتارعا دەيٸن ساۋدا-ساتتىق قاعيدالارىن توقتاتا تۇرۋ جٶنٸندەگٸ بۇيرىق. وعان سەيكەس ەنەرگەتيكا مينيسترلٸگٸ سۇيىتىلعان گازدى ەلەكتروندىق ساۋدا-ساتتىقتان تىس ٶتكٸزەتٸن بولادى. ەكٸنشٸسٸ - سۇيىتىلعان مۇناي گازىنىڭ شەكتٸ كٶتەرمە ساۋدا باعاسىن تٶمەندەتۋ جٶنٸندەگٸ بۇيرىق. وعان سەيكەس گازدىڭ بٸر تونناسى 28 مىڭ تەڭگەگە دەيٸن بەلگٸلەنەدٸ», - دەدٸ مينيستر.
سونىمەن قاتار ول بٷگٸنگٸ كٷنٸ ەلەكتروندىق ساۋدا الاڭدارىنان تىس ٸشكٸ نارىققا سۇيىتىلعان گازدى جەتكٸزۋ جوسپارىن قالىپتاستىرۋ قاعيدالارىنا تٷزەتۋلەر ەنگٸزۋ بويىنشا بۇيرىق ەزٸرلەنگەنٸن ايتتى.
بۇل تٷزەتۋلەر رەسپۋبليكا اۋماعىندا كٶتەرمە جەنە بٶلشەك ساۋدادا ٶتكٸزۋ قۇقىعى بار سۋبەكتٸلەردٸڭ تٸزبەسٸن كەڭەيتۋ ارقىلى ەلدٸڭ ٸشكٸ نارىعىن سۇيىتىلعان گازبەن قامتاماسىز ەتۋگە باعىتتالعان.
«قىسقا مەرزٸمدٸ ٸس-شارالار رەتٸندە وسى جىلعى قاڭتار ايىنىڭ سوڭىنا دەيٸن ٷكٸمەتكە سۇيىتىلعان مۇناي گازى باعاسىنىڭ كٷرت ٶسۋٸن شەكتەيتٸن اشىقتىق قاعيداتتارى مەن تەتٸكتەردٸ ەنگٸزۋدٸ ەسكەرە وتىرىپ, ەلەكتروندىق ساۋدا الاڭى/تاۋار بيرجالارى ارقىلى سۇيىتىلعان گاز ساۋدا-ساتتىعىن ودان ەرٸ جەتٸلدٸرۋ جٶنٸندە كەشەندٸ ٸس-شارالار ەنگٸزٸلەتٸن بولادى. ٷكٸمەتپەن كەلٸسٸلگەننەن كەيٸن بۇل ٸس-شارالار نورماتيۆتٸك قۇقىقتىق اكتٸلەرگە تٷزەتۋلەر ەنگٸزۋ تٷرٸندە رەسٸمدەلەدٸ», - دەدٸ بولات اقشولاقوۆ.
