باتىس قازاقستان وبلىسى تٶتەنشە جاعدايلار دەپارتامەنتٸنٸڭ مەلٸمەتٸنشە, بٷگٸن سٷڭگۋٸرلەر ەراسىل تٶلەۋعاليدىڭ دەنەسٸن جايىق ٶزەنٸنەن تاۋىپ, سۋدان شىعاردى.
18 جاستاعى جاسٶسپٸرٸم جۇمباق جاعدايدا جوعالىپ كەتكەن, دەپ حابارلادى Sputnik قازاقستان اگەنتتٸگٸ "موي گورود" پورتالىنا سٸلتەمە جاساپ.
ورال قالاسىنىڭ تۇرعىنى جانات حاميدۋللينا ۇلى ەراسىلدىڭ اقجايىق اۋدانىنداعى تۋىستارىنا شارۋاشىلىققا كٶمەكتەسۋ ٷشٸن كەتكەنٸن ايتتى. ول بازارشولان ەلدٸ مەكەنٸنە جاقىن جەردەگٸ قىدىرباي قىستاۋىندا بولعان.
"21 تامىز, جەكسەنبٸ كٷنٸ قوراداعى شٶپ ٶرتەندٸ. قايىناعا ۇلدارى مەن ەراسىلعا مالدى ەرٸرەك ايداپ ەكەتۋدٸ تاپسىرعان. جٸگٸتتەر ايتقانىن بۇلجىتپاي ورىنداعان, سودان كەيٸن ەراسىل "ٷيگە قايتا بەرٸڭدەر, بٸرەۋمەن سٶيلەسۋٸم كەرەك" دەپ جاعادا قالىپ قويعان", - دەيدٸ ەراسىلدىڭ اناسى.
ونىڭ ايتۋىنشا, سودان كەيٸن ۇلىن ەشكٸم كٶرمەگەن. كوللەدجدٸڭ 3-كۋرس ستۋدەنتٸ 25 تامىزدا قالاعا ورالۋى كەرەك ەدٸ. جۇمباق جاعدايدا جوعالىپ كەتكەننەن كەيٸن پوليتسەيلەر جٸگٸتتٸ ٸزدەگەن.
