Batys Qazaqstan oblysy tótenshe jaǵdailar departamentiniń málimetinshe, búgin súńgýirler Erasyl Tóleýǵalidyń denesin Jaiyq ózeninen taýyp, sýdan shyǵardy.
18 jastaǵy jasóspirim jumbaq jaǵdaida joǵalyp ketken, dep habarlady Sputnik Qazaqstan agenttigi "Moi gorod" portalyna silteme jasap.
Oral qalasynyń turǵyny Janat Hamidýllina uly Erasyldyń Aqjaiyq aýdanyndaǵy týystaryna sharýashylyqqa kómektesý úshin ketkenin aitty. Ol Bazarsholan eldi mekenine jaqyn jerdegi Qydyrbai qystaýynda bolǵan.
"21 tamyz, jeksenbi kúni qoradaǵy shóp órtendi. Qaiynaǵa uldary men Erasylǵa maldy árirek aidap áketýdi tapsyrǵan. Jigitter aitqanyn buljytpai oryndaǵan, sodan keiin Erasyl "úige qaita berińder, bireýmen sóilesýim kerek" dep jaǵada qalyp qoiǵan", - deidi Erasyldyń anasy.
Onyń aitýynsha, sodan keiin ulyn eshkim kórmegen. Kolledjdiń 3-kýrs stýdenti 25 tamyzda qalaǵa oralýy kerek edi. Jumbaq jaǵdaida joǵalyp ketkennen keiin politseiler jigitti izdegen.
