قازاقستاندىق وپەرا ەنشٸسٸ سٷندەت بايعوجين يتالييا ساحناسىندا ٶنەر كٶرسەتتٸ, – دەپ حابارلايدى قازاقپارات.
مىسىر, رۋمىنيا, اقش سىندى ەلەمنٸڭ ٷزدٸك ەنشٸلەرٸ «مادام باتتەرفلياي» قويىلىمىن يتالييالىق كٶرەرمەنگە ۇسىنعان بولاتىن. ولاردىڭ اراسىندا قازاقستاندىڭ وپەرا ەنشٸ سٷندەت بايعوجين بار.
«مادام باتتەرفلياي» قويىلىمىن العاش رەت ساحنالاپ وتىرعانىمىز جوق. بۇرىن «استانا وپەرادا» كٶرەرمەنگە ۇسىنعان بولاتىنبىز. دەسەك تە, بۇل جولى جاڭاشىلدىق ەنگٸزدٸك. قويىلىمنىڭ ديريجەرى دجۋزەپپە اكۆاۆيۆا, رەجيسسەرى لورەنتسو اماتو سىندى ٶنەر ساڭىلاقتارى. حور جەرگٸلٸكتٸ «Carlo Felice» تەاترىنىڭ ەنشٸلەرٸنەن قۇرالدى. ەلەمنٸڭ تٷپكٸر-تٷپكٸرٸنەن كەلگەن ورىنداۋشىلارمەن بٸرگە دايىندىق جٷرگٸزٸپ, ٶنەر سٷيەر قاۋىمنىڭ قوشەمەتٸنە بٶلەندٸك. ەل اماناتى ەرقاشان ەرگە قانات. ماعان جٷكتەلگەن اماناتتى ابىرويمەن ورىنداعانىما قۋانىشتىمىن», - دەپ وي قوستى سٷندەت بايعوجين.
قازاقستاندىق وپەرا ەنشٸسٸ بٸرنەشە جىل بۇرىن دەل وسى ساحنادا يتالياندىقتارعا ۇلتتىق ناقىشتاعى تۋىندىلارىمىزدى ۇسىنىپ, «اباي» وپەراسىن قازاق تٸلٸندە قويعان بولاتىن.
«بولاشاقتا «Carlo Felice» تەاتىرىمەن بٸرلەسكەن جوبالاردى جالعاستىرماق نيەتتەمٸن. كەلەر جىلى «سەۆيل شاشتارازى» قويىلىمىن جاڭاشا ٷلگٸدە كٶرەرمەنگە ۇسىنۋ جوسپارلانىپ وتىر. مٷمكٸن فيگارونىڭ پارتيياسىن ورىنداپ قالارمىز...», - دەدٸ ەنشٸ الداعى جوسپارلارىمەن بٶلٸسٸپ.
ەستەرٸڭٸزگە سالا كەتەيٸك, سٷندەت بايعوجين بٸر اي كٶلەمٸندە يتالييانىڭ «Carlo Felice» تەاتىرىندا ٶنەر كٶرسەتٸپ, تاياۋدا ەلگە ورالدى. ەندٸ «استانا وپەرا» تەاتىرىنىڭ ساحناسىندا ەل كٶرەرمەندەرٸنە جاڭا پرەمەرالار ۇسىنباق.
