جۋىردا 15-19 ماۋسىم كٷندەرٸ ورال قالاسىنداعى «اتامەكەن» ٶنەر ورداسىندا قر مەدەنيەت جەنە سپورت مينيسترلٸگٸنٸڭ قولداۋىمەن «سۇلۋلىق ەلەمدٸ قۇتقارادى» دەگەن اتاۋمەن حالىقارالىق سيمپوزيۋم ٶتتٸ. سيمپوزيۋمنىڭ ماقساتى – حالىقارالىق دەرەجەدەگٸ سۋرەتشٸلەرمەن تىعىز بايلانىس ورناتىپ, ەلٸمٸزدٸڭ مەدەني كەڭٸستٸگٸن كەڭەيتۋ, قازاق ەلٸنٸڭ مەدەنيەتٸ مەن ٶنەرٸن سۋرەتشٸلەردٸڭ قىلقالامى ارقىلى جەتكٸزۋ بولدى.
فرانتسۋز جازۋشىسى فرانسۋا ماريارۋە ۆولتەردٸڭ «سۋرەت – مىلقاۋ پوەزييا, ال پوەزييا – سٶيلەيتٸن سۋرەت» دەيتٸن ەيگٸلٸ سٶزٸ بار. دەمەك, بۇل تەمسٸل بٸزگە كەز كەلگەن ٶنەردٸڭ تٷبٸ بٸر, رۋحى ٷندەس ەكەنٸن دەلەلدەي تٷسەدٸ. ال بٸزدٸڭ ەلدە ٶنەرٸمەن دٷيٸم جۇرتتى ەلەڭ ەتكٸزٸپ, سوناۋ مۇحيتتىڭ ارعى جاعىنا دەيٸن جەتكەن تالانتتى جاندار جەتەرلٸك. سولاردىڭ بٸرٸ ھەم بٸرەگەيٸ – سۋرەتشٸ, قازاقستان مەن رەسەيدەگٸ سۋرەتشٸلەر وداعىنىڭ مٷشەسٸ, باتيك ٶنەرٸن ناسيحاتتاۋشى كاميلا جاپالوۆا.
ورال قالاسىندا ٶتكەن سيمپوزيۋمنىڭ دا ۇيىمداستىرۋشىسى, «Batik Kami» مەدەني قورىنىڭ ديرەكتورى – ەسٸم-سويى تالاي شىعارماشىل ورتانىڭ اۋزىندا جٷرگەن كاميلا ەبەنقىزى. ونىڭ باستاۋىمەن ٶتكەن كەشەگٸ جوبا اياسىندا ەزٸربايجان, ٶزبەكستان, تٷركييا, تٷرٸكمەنستان, قىرعىزستان, تەجٸكستان جەنە ەلٸمٸزدٸڭ ٶزگە دە قىلقالام شەبەرلەرٸ جايىقتىڭ جاعاسىندا باس قوسىپ, شەبەرلٸك ساعاتىن ٶتكٸزدٸ. جالپى وسى ورايدا قر مەدەنيەت جەنە سپورت مينيسترلٸگٸ اتالمىش ٸس-شارانى بارىنشا قولداپ, وعان تٸپتٸ قر مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ تە قاتىسقانىن اتاپ ٶتكەن جٶن. شىنداپ كەلگەندە, مينيسترلٸكتٸڭ وسىنداي يگٸ باستامالاردى قولداپ, مەدەنيەت پەن رۋحانيياتقا وڭ كٶزقاراس تانىتۋى – كٶڭٸل قۇپتارلىق ٸس. سەبەبٸ جوبا اياسىندا كٶپتەگەن وتاندىق جەنە شەتەلدٸك سۋرەتشٸلەر بٸر-بٸرٸمەن تەجٸريبە الماسىپ, مەدەني سالاداعى بٸلٸگٸمەن بٶلٸستٸ.
- مۇنداي ٸس-شارالار ەل ٶركەنيەتٸنٸڭ دامۋىنا ٶز سەپتٸگٸن تيگٸزەدٸ. سۋرەتشٸلەر, شىعارماشىلىق يەلەرٸ تولىق اشىلۋ ٷشٸن كٶپ جاعدايدا ەركٸندٸك كەرەك. بەلگٸلەنگەن تاقىرىپ بويىنشا ەتيۋد جازۋ ونىڭ تالانتىنا تۇساۋ بولادى. كٶرمەنٸ ۇيىمداستىرۋداعى باستى ماقساتىمىز دا سول, شىعارماشىلىق يەلەرٸنە ەركٸندٸك سىيلاۋ ەدٸ. سيمپوزيۋمنىڭ ۇيىمداستىرىلۋى بارىسىندا بٸزگە قول ۇشىن سوزعان جاندارعا العىسىمىز شەكسٸز. ورالداي ەدەمٸ قالادا سۋرەتشٸلەر جاقسى جۇمىس ٸستەپ, شابىتتانىپ قايتتى دەگەن ويدامىن. جاستاردىڭ شەبەرلٸك ساعاتىنا قاتىسىپ, تەجٸريبەلٸ سۋرەتشٸلەردەن دەرٸس العانىنا قۋانىشتىمىن. كٶنە شاھاردىڭ كٶرنەكتٸ جەرلەرٸ, ەسەم تابيعاتى قىلقالام شەبەرلەرٸنە ٷلكەن ازىق بولدى دەپ ويلايمىن, - دەدٸ جوبا اۆتورى ك. جاپالوۆا.
ايتا كەتەتٸن جايت, سيمپوزيۋمنىڭ باس ۇيىمداستىرۋشىسى – «Batik kami» مەدەني قورى 2016 جىلدان بەرٸ بەلسەندٸ تٷردە جۇمىس ٸستەپ كەلەدٸ. مەدەني قور شەت ەلدەرگە ويۋ-ٶرنەگٸمٸز بەن ۇلتتىق كيٸمدەرٸمٸزدٸ دە تانىستىرىپ كەلەدٸ. 2019 جىلى اقش-تا سۋرەتشٸلەردٸڭ ٶنەرٸن ەلەمگە تانىتۋ ماقساتىندا ۇيىمداستىرىلاتىن «ART-Expo-New York» حالىقارالىق گالەرەياسىندا ٷزدٸكتەر قاتارىنان كٶرٸنٸپ, شۆەتسييا ەلشٸلٸگٸنٸڭ شاقىرتۋىمەن ستوكگولم قالاسىندا جەكە كٶرمەسٸن ٶتكٸزگەن.
