ساۋدا جەنە ينتەگراتسييا مينيسترٸ باقىت سۇلتانوۆ ٶزٸ جەتەكشٸلٸك ەتٸپ كەلە جاتقان ۆەدومستۆونىڭ 2021 جىلعى جوسپارىن جارييالادى, دەپ حابارلايدى قازاقپارات.
«بٸز مينيسترلٸكتٸڭ 2021 جىلعا ارنالعان جۇمىس جوسپارىن قۇردىق, ورتا مەرزٸمدٸ پەرسپەكتيۆاسىن ايقىندادىق. مەن ٷش ماڭىزدى مەسەلەنٸ اتاپ ٶتكٸم كەلەدٸ. بٸرٸنشٸسٸ - سىرتقى ساۋدا قىزمەتٸندەگٸ باسىمدىقتار. ولار باسىم ەكسپورتتاۋشى ەلدەرمەن, بٸزدٸڭ سەرٸكتەستەرمەن ساۋدا-ەكونوميكالىق ىنتىماقتاستىقتى نىعايتۋعا باعىتتالادى», - دەدٸ باقىت سۇلتانوۆ ساۋدا جەنە ينتەگراتسييا مينيسترلٸگٸنٸڭ القا وتىرىسىندا.
مينيستر سىرتقى ساۋدا قىزمەتٸندەگٸ باسىمدىقتار رەتٸندە قاراستىرىلىپ وتىرعان مەملەكەتتەردٸ اتادى.
«بۇل ەاەو, قحر, ورتالىق ازييا ەلدەرٸ مەن ەۋروپالىق وداق. ەاەو-عا قازاقستان تٶراعالىق ەتكەن كەزدە نەگٸزگٸ جۇمىس وداق تۋرالى كەلٸسٸمدٸ, ەاەو 2025 جىلعا دەيٸنگٸ دامۋ ستراتەگيياسىن جٷزەگە اسىرۋعا باعىتتالادى. بۇرىن ايتىلعانداي, ۇلتتىق مٷددەلەردٸ قورعاۋ بويىنشا كٶپتەگەن جۇمىس جٷرگٸزٸلدٸ. بۇل قۇجات بٸز ٷشٸن ماڭىزدى جەنە قاجەتتٸ فورماتتا قابىلداندى. ساۋدا-ەكونوميكالىق ىنتىماقتاستىقتى نىعايتۋ جەنە كەدەرگٸلەردٸ جويۋ بويىنشا جۇمىس ەلٸ دە جٷرگٸزٸلەدٸ. سونداي-اق, دسۇ-نىڭ جاڭا تالاپتارىن ەنگٸزۋدٸ ەسكەرە وتىرىپ, وتاندىق بيزنەستٸ قولداۋدىڭ جاڭا شارالارىن ەزٸرلەۋ كٶزدەلٸپ وتىر», - دەدٸ مينيستر.
باقىت سۇلتانوۆ ودان بٶلەك وتاندىق كەسٸپورىنداردىڭ بەسەكەگە قابٸلەتتٸلٸگٸنە, سىرتقى نارىقتارعا شىعۋعا, وتاندىق كەسٸپكەرلەردٸڭ ەل ٸشٸندە دە, سىرتىندا دا مٷددەلەرٸن قورعاۋعا باسا مەن بەرٸلەتٸنٸن مەلٸمدەدٸ.
