قارجى مينيسترٸ باقىت سۇلتانوۆ ەسەپتٸك كەزدەسۋ اياسىندا قازاقستاندا كريپتوۆاليۋتا ەنگٸزۋ مٷمكٸندٸگٸنە قاتىستى تٷسٸنٸكتەمە بەردٸ, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«حالىقارالىق كريپتوۆاليۋتا قۇرۋ, ەرينە, كٷردەلٸ مەسەلە. ول, ەڭ الدىمەن, بٸرقاتار ەلدٸڭ قارجى جٷيەلەرٸنٸڭ ٶزارا ەرەكەتتەستٸگٸن قاجەت ەتەدٸ. مەسەلەن, ەۋرازييالىق ەكونوميكالىق وداق اياسىندا. اقشا-نەسيە ساياساتى مەن تٶلەم جٷيەلەرٸن ٷيلەستٸرۋ مەسەلەسٸ ەلسٸن-ەلسٸن كٶتەرٸلٸپ كەلەدٸ, بٸراق وعان دايىندىق كەرەك», - دەيدٸ قارجى مينيسترٸ.
سۇلتانوۆتىڭ ايتۋىنشا, جالپىەلەمدٸك اۋقىمدا بۇل مەسەلەنٸڭ تٷپ-تامىرى – حالىقارالىق قارجى جٷيەسٸنٸڭ تۇراقتىلىعىندا.
«ٶكٸنٸشكە قاراي, 2008 جىلدان بەرٸ بٸز تٷرلٸ داعدارىستى باستان كەشٸرٸپ كەلەمٸز. مۇنىڭ بارلىعىنىڭ نەگٸزٸندە قارجى جٷيەسٸنٸڭ جەتٸلمەگەندٸگٸ جاتىر. كريپتوۆاليۋتالار, ولاردىڭ وسى مەرزٸم ٸشٸندەگٸ تۇراقتى ٶسٸمٸ ەلەم نازارىن اۋدارتىپ وتىرعانى بەلگٸلٸ. ونىڭ ٷستٸنە, بٷگٸندە بارلىق سالانىڭ تسيفرلاندىرىلۋى قارقىندى جٷرٸپ جاتىر. بۇل ٶزگەرٸس قارجى سەكتورىنا دا ەسەرٸن تيگٸزەدٸ, سول سەبەپتٸ بٸزدٸڭ الدىمىزداعى مٸندەت – حالىقارالىق ۆاليۋتالاردىڭ قاۋٸپسٸزدٸگٸ مەن تۇراقتىلىعىن قامتاماسىز ەتۋ», - دەپ اتاپ ٶتتٸ سۇلتانوۆ.
مينيستردٸڭ پٸكٸرٸنشە, بٷگٸندە قولدانىستاعى ۆاليۋتالار داعدارىس جىلدارى كٶپتەگەن پروبلەماعا تٶتەپ بەرە الماعان.
«مەنٸڭ ويىمشا, بۇل مەسەلەنٸ جان-جاقتى سارالاپ, تالقىلاۋ قاجەت. ناقتى قازاقستان تۋرالى ايتار بولساق, بٸز قازٸر مۇنايعا تەۋەلدٸلٸكتەن قۇتىلۋدىڭ جولىن ٸزدەپ جاتىرمىز. مۇناي باعاسىنىڭ بٸر كٸشكەنە قۇبىلۋى كٶرشٸ ەلدەر مەن بٸزدٸڭ ۆاليۋتاعا قالاي ەسەر ەتٸپ جاتقانىن سٸزدەر دە كٶرٸپ وتىرسىزدار. ەكونوميكانى ەرتاراپتاندىرۋ, ەكونوميكانىڭ تۇراقتى ٶسٸمٸن قالىپتاستىرۋ بويىنشا مٸندەتتەردٸ ەسەپكە الساق, ەرينە, مۇنداي ۆاليۋتا قۇرۋ سەنٸمدٸ ەرٸ تۇراقتى ٶسٸم ٷشٸن قوسىمشا العىشارت بولۋى مٷمكٸن», - دەپ تٷيٸندەدٸ ۆەدومستۆو باسشىسى.
