قر قارجى مينيسترٸ باقىت سۇلتانوۆ بيۋدجەت قاراجاتىن يگەرە الماي وتىرعان مينيسترلٸكتەرگە جەرگٸلٸكتٸ ورگانداردان ٷلگٸ الۋعا شاقىردى, دەپ حابارلايدى Sputnik قازاقستان تٸلشٸسٸ.
2018 جىلدىڭ ٸ توقسانىنداعى رەسپۋبليكالىق بيۋدجەتتٸڭ ورىندالۋ قورىتىندىسى بويىنشا, رەسپۋبليكالىق بيۋدجەتكە 1 299 ميلليارد تەڭگە كٸرٸس تٷسكەن. بۇل جوسپاردان 24 ميلليارد تەڭگەگە, ال بىلتىرعى جىلدىڭ وسىنداي كەزەڭٸمەن سالىستىرعاندا 142 ميلليارد تەڭگەگە ارتىق.
"جوسپاردىڭ اسىرا ورىندالۋى سالىق ەسەبٸنەن – 17 ميلليارد تەڭگە, سالىقتان تىس تٶلەمدەر بويىنشا – 7 ميلليارد تەڭگە قالىپتاستى. سالىق جوسپارىنىڭ ارتىعىمەن ورىندالۋىنا تاۋ-كەن ٶنەركەسٸبٸندە ٶنٸم شىعارۋدىڭ 105,5%-كە ٶسۋٸ, ٶڭدەۋشٸ ٶنەركەسٸپ سالاسىندا– 106,1%, ساۋدا – 107%, كٶلٸك– 104,4%, بايلانىس – 105,7%, اۋىل شارۋاشىلىعى – 103,3% ۇلعايۋى ەسەرٸن تيگٸزدٸ. سىرتقى ساۋدا اينالىمىنىڭ 24,8%-كە, ونىڭ ٸشٸندە يمپورتتىڭ 25%-كە كٶبەيۋٸ تٸكەلەي قوسىمشا تٷسٸمدەرگە ەكەلدٸ. جەرگٸلٸكتٸ بيۋدجەتتەردٸڭ ٶز كٸرٸسٸ 110 ميلليارد تەڭگەگە ارتىعىمەن ورىندالىپ, 559 ميلليارد تەڭگەنٸ قۇرادى. اسىرا ورىندالۋ سوماسىنىڭ 77%-ٸ سالىقتارعا كەلەدٸ. بارلىق ٶڭٸردە كٸرٸستەر جوسپارى ارتىعىمەن ورىندالدى", — دەدٸ مينيستر.
سۇلتانوۆتىڭ ايتۋىنشا, اتالعان كەزەڭدە رەسپۋبليكالىق بيۋدجەت شىعىستارى 2 265 ميلليارد تەڭگەنٸ قۇرادى. ولاردىڭ نەگٸزگٸ بٶلٸگٸ ەلەۋمەتتٸك مٸندەتتەمەلەردٸ ورىنداۋعا, حالىقتى نەتيجەلٸ جۇمىسپەن قامتۋعا, اۋىل شارۋشىلىعىنداعى كەسٸپكەرلەردٸ قولداۋعا, "نۇرلى جەر" باعدارلاماسىن ٸسكە اسىرۋعا باعىتتالدى.
"سونىمەن بٸرگە بيۋدجەت قاراجاتى 95 ميلليارد تەڭگەگە اتقارىلمادى. ونىڭ 6,5 ميلليارد تەڭگەسٸ – ٷنەمدەۋ. ال 88,9 ميلليارد تەڭگە يگەرٸلمەگەن. بۇل 2017 جىلدىڭ 1 سەۋٸرٸندەگٸ كٶرسەتكٸشتەن (47 ملرد.تەڭگە) 1,8 ەسە كٶپ. وسى سومانىڭ 62,1 ميلليارد تەڭگەسٸ قورعانىس مينيسترلٸگٸنە تيەسٸلٸ. قوماقتى قارجىنىڭ يگەرمەۋدٸڭ باستى سەبەبٸ – مەملەكەتتٸك قورعانىستىق تاپسىرىستىڭ 12 اقپان ايىندا بەكٸتٸلۋٸنە بايلانىستى كونكۋرستاردىڭ كەش ٶتكٸزٸلۋٸ", — دەدٸ ول.
سونداي-اق ول مەدەنيەت جەنە سپورت, ٸشكٸ ٸستەر, اۋىل شارۋاشىلىعى, بٸلٸم جەنە عىلىم, ەدٸلەت مينيسترلٸكتەرٸ مەن ۇلتتىق قاۋٸپسٸزدٸك كوميتەتٸندە 20 ميلليارد تەڭگە يگەرٸلمەگەنٸن اتاپ ٶتتٸ.
"بٸز بۇل جىل سايىن كٶتەرەمٸز. بٸراق, ايتىلعان مەملەكەتتٸك ورگانداردىڭ قارجىلىق جوسپارلاۋ مەن اتقارۋ ديستسيپليناسىنىڭ پروبلەمالارى جىلدان جىلعا قايتالانىپ وتىر. بۇل مەسەلەدە ورتالىقتاعى قارجى سالاسىنداعى ەرٸپتەستەرٸمٸزدەن جەرگٸلٸكتٸ مامانداردان ٷلگٸ الۋعا شاقىرامىن", — دەدٸ مينيستر.
ونىڭ ايتۋىنشا, جەرگٸلٸكتٸ بيۋدجەت شىعىستارى ەسەپتٸك كەزەڭدە 823 ميلليارد تەڭگەنٸ قۇرادى. ورىندالماعان بيۋدجەت قاراجاتى – 20 ميلليارد تەڭگە. بۇل كٶرسەتكٸش بىلتىرعى جىلدىڭ وسىنداي كەزەڭٸمەن سالىستىرعاندا 26%-كە جاقساردى (2016 جىلدىڭ 1 سەۋٸرٸ – 27 ملرد. تەڭگە).
