2022 جىلعى 16 اقپاندا قر پرەمەر-مينيسترٸنٸڭ ورىنباسارى – ساۋدا جەنە ينتەگراتسييا مينيسترٸ باقىت سۇلتانوۆ الماتى ەكٸمدٸگٸندە ساۋدا, ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ جەنە تەرتٸپسٸزدٸك كەزەڭٸندە بيزنەس سۋبەكتٸلەرٸنە كەلتٸرٸلگەن شىعىندى ٶتەۋ مەسەلەلەرٸ بويىنشا كەڭەس ٶتكٸزدٸ. بۇل تۋرالى ٷكٸمەتتٸڭ رەسمي سايتى حابارلادى.
قازٸرگٸ كەزدە الماتى قازاقستاننىڭ ەڭ ٸرٸ ساۋدا جەنە مەدەني ورتالىعى بولىپ تابىلادى. قر-دا تٸركەلگەن كەسٸپورىنداردىڭ ٷشتەن بٸر بٶلٸگٸ وسى قالادا ورنالاسقان.
«ساۋدا الماتى ەكونوميكاسىنىڭ نەگٸزگٸ سالاسى بولىپ تابىلادى. 2021 جىلى بٶلشەك ساۋدانىڭ ٶسۋٸ 13,5%, كٶلەمٸ – 4 ترلن 212 ملرد تەڭگەنٸ قۇرادى. قر-نىڭ بٶلشەك ساۋدا كٶلەمٸندەگٸ الماتىنىڭ بٶلشەك ساۋدا ٷلەسٸ 31,5% قۇرايدى», – دەدٸ باقىت سۇلتانوۆ.
پرەمەر-مينيستردٸڭ ورىنباسارى – قر ساۋدا جەنە ينتەگراتسييا مينيسترٸ باقىت سۇلتانوۆتىڭ ايتۋىنشا, قاڭتارداعى وقيعالار جەكەلەگەن بيزنەس سۋبەكتٸلەرٸنٸڭ, ەسٸرەسە, ساۋدا سالاسىنداعى جۇمىسىنا تەرٸس ەسەر ەتتٸ.
بٷگٸنگٸ تاڭدا ٷكٸمەتتٸك كوميسسييا زارداپ شەككەن كەسٸپكەرلەرگە كەلتٸرٸلگەن شىعىندى ٶتەۋ تەتٸگٸن بەكٸتتٸ, وعان بٸرقاتار ٶزگەرٸستەر ەنگٸزۋ ۇسىنىلادى. الماتى قالاسىنىڭ ٶڭٸرلٸك كوميسسيياسى قولدانىستاعى تەتٸككە ٶزگەرٸستەر ەنگٸزۋدٸ ۇسىندى.
الماتى ەكٸمٸ ەربولات دوساەۆ مەلٸمدەگەندەي, شىعىننىڭ بارلىق ساناتتارى ٷشٸن 10 ملن تەڭگەگە دەيٸنگٸ تٶلەم سوماسىمەن جەڭٸلدەتٸلگەن ەسەپ بويىنشا زالالدى ٶتەۋدٸ جٷزەگە اسىرۋ, سونداي-اق «جابدىق» ساناتى ٷشٸن جەڭٸلدەتٸلگەن تەتٸكتٸ قولدانۋ جەنە ادۆوكاتتاردىڭ قىزمەتتەرٸنە اقى تٶلەۋدٸ ٶتەۋ ۇسىنىلدى.
«بۇل ٶتٸنٸمدەردٸ قاراۋ مەرزٸمٸن 1 ايدان 2 اپتاعا دەيٸن قىسقارتۋعا جەنە بيزنەسكە كەلتٸرٸلگەن شىعىندى ٶتەۋ رەسٸمٸن ەدەۋٸر جەدەلدەتۋگە مٷمكٸندٸك بەرەدٸ», – دەدٸ الماتى ەكٸمٸ ەربولات دوساەۆ.
سونداي-اق, ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ مەسەلەسٸ تالقىلاندى «اينالىمداعى» قارىزدار اياسىندا ەمات باعاسىن تۇراقتاندىرۋ ٷشٸن جەرگٸلٸكتٸ بيۋدجەتتەن كٶكٶنٸس, ەت ٶنٸمدەرٸ, جۇمىرتقا جەنە باكالەيا باعالارىن بەلگٸلەۋ ٷشٸن 11 ملرد تەڭگە بٶلٸندٸ. سونداي-اق, ەلەۋمەتتٸك نان, سٷت ٶنٸمدەرٸ مەن كٷنباعىس مايىنىڭ ٸرٸ ٶندٸرۋشٸلەرٸنە قارىز بٶلۋ پىسىقتالۋدا.
بۇدان باسقا, قالا ەكٸمدٸگٸندە پرەمەر-مينيستردٸڭ ورىنباسارىنا باياندالعانداي, قازٸرگٸ كەزدە ەكٸمدٸك جەڭٸلدٸكپەن قارجىلاندىرۋ جەنە ۋاقىتشا ساقتاۋ قويمالارىن سالۋ ٷشٸن قالا شەگٸندە جەر تەلٸمدەرٸن بٶلۋ ارقىلى شاعىن حابتار قۇرۋ مٷمكٸندٸگٸن قاراستىرۋدا. بۇل ٷي جانىنداعى دٷكەندەردٸڭ الىپساتارلارعا تەۋەلدٸلٸگٸن تٶمەندەتۋگە, شاعىن ساۋدا نٷكتەلەرٸنٸڭ يەلەرٸن ٸرٸ كٶتەرمە ساۋدا بازارلارىندا ٶز بەتٸنشە ساۋدا-ساتتىق جاساۋ قاجەتتٸگٸنەن قۇتقارۋعا مٷمكٸندٸك بەرەدٸ. بۇل تۇتاستاي العاندا شاعىن ٸشكٸ دٷكەندەردەگٸ باعا دەڭگەيٸنە وڭ ەسەر ەتۋٸ كەرەك.
كەڭەس قورىتىندىسى بويىنشا باقىت سۇلتانوۆ الماتى ەكٸمدٸگٸنە جەنە قر سيم-نٸڭ ساۋدا كوميتەتٸنە باعالاردى مونيتورينگتەۋ جەنە تالداۋ بويىنشا جۇمىستى جالعاستىرۋدى, ەمات باعالارىن تۇراقتاندىرۋ اياسىندا «اينالىم سىزباسىن» ۇلعايتۋ بويىنشا شارالار قابىلداۋدى, ازىق-تٷلٸك تاۋارلارىنا باعا بەلگٸلەۋدٸڭ بارلىق تٸزبەگٸ بويىنشا دەلدالدىق سىزبالاردى تەكسەرۋ جٶنٸندەگٸ ٶڭٸرلٸك كوميسسييالاردىڭ قىزمەتٸن جانداندىرۋدى, سونداي-اق زارداپ شەككەن كەسٸپكەرلٸك سۋبەكتٸلەرٸنە كٶمەك كٶرسەتۋ جەنە ٶتەماقى تٶلەۋ جٶنٸندەگٸ جۇمىستى جالعاستىرۋدى تاپسىردى.
