7 قاڭتار كٷنٸ يراننىڭ كەرمان قالاسىندا گەنەرال كاسەم سٷلەيمانيمەن قوشتاسۋ رەسٸمٸ كەزٸندە ادامنىڭ كٶپتٸگٸنەن اياققا تاپتالىپ نەمەسە قىسىلىپ 50 ادام قازا تاپقان. تاعى 200-دەن استام كٸسٸ جارالانعان. بۇل تۋرالى جەرگٸلٸكتٸ تەلەارنالارعا سٸلتەپ AP اقپارات اگەنتتٸگٸ حابارلادى.
گەنەرالدى اقتىق ساپارعا شىعارىپ سالۋعا ٶتە كٶپ ادام كەلدٸ. مىڭداعان تۇرعىن كەرمان ورتالىعىنا جينالىپ, كاسەم سٷلەيمانيدٸ ازا تۇتتى. قارالى كٷنگە بايلانىستى قالادا 7 قاڭتار جۇمىس توقتاعان.
كەرمان - يراننىڭ وڭتٷستٸك شىعىسىنداعى قالا. قازا تاپقان گەنەرالدىڭ تۋعان جەرٸ.
بۇعان دەيٸن گەنارالمەن قوشتاسۋ رەسٸمٸ تەگەران قالاسىندا دا بولعان. جٷز مىڭداعان ادام جينالعان شارادا سٷلەيمانيگە يراننىڭ رۋحاني كٶسەمٸ اياتوللا ەلي حامەنەي قۇران وقىعان. جانازادان سوڭ جينالعاندار "امەريكاعا ٶلٸم" دەپ ايقايلاعان.
3 قاڭتاردا يران گەنەرالى كاسەم سٷلەيماني يراك استاناسى باعدات قالاسىندا قازا تاپتى. ول مٸنگەن كٶلٸكتٸ اقش ەۋە كٷشتەرٸ درونمەن اتقىلاعان. گەنەرالدى ٶلتٸرۋ تۋرالى بۇيرىقتى پرەزيدەنت دونالد ترامپ بەرگەن. ۆاشينگتون سٷلەيمانيدٸ "بٸرٸنشٸ تەرروريست" جەنە "جٷزدەگەن اقش ساربازىنىڭ ٶلٸمٸنە سول جاۋاپتى" دەيدٸ.
گەنەرال سٷلەيماني ەلدەگٸ يسلام رەۆوليۋتسيياسى كورپۋسىنىڭ "قۇدس" ارنايى جاساعىن باسقارعان جەنە يراننىڭ شەت ەلدەردەگٸ ەسكەري وپەراتسييالارىنا جەتەكشٸلٸك ەتكەن.
7 قاڭتار كٷنٸ يران پارلامەنتٸ اقش ەسكەرٸ مەن پەنتاگوندى "تەررور ۇيىم" دەپ اتادى جەنە شەشٸم بٸراۋىزدان ماقۇلدادى.
