سۋەتس كانالىندا Ever Given كونتەينەر تاسۋشى كٶلدەنەڭ قايراڭداپ قالعاننان كەيٸن بٸر اپتادان سوڭ وندا كەمەلەر قوزعالىسى قايتا جانداندى, دەپ حابارلايدى dw.com.
دٷيسەنبٸ تٷندە كانال ەكٸمشٸلٸگٸ سۋ ارناسىنا 110-نان استام كەمە شىعادى دەپ حابارلادى. كانالعا تاياۋ تۇستا بەس جٷزگە جۋىق كەمە جينالىپ قالعان.
Triple ە ساناتىنا جاتاتىن 400 مەترلٸك كونتەينەر تاسۋشى MV Ever Given سۋەتس كانالىنىڭ وڭتٷستٸك بٶلٸگٸندە 24 ناۋرىزعا قاراعان كٷنٸ قايراڭعا تۇرىپ قالدى. قىتايدان نيدەرلاندىعا قاراي بەتتەگەن كەمە كٷرە سۋ جولىنىڭ ەكٸ جاعىنداعى قوزعالىستى تولىقتاي بۇعاتتاپ تاستادى. كونتەينەر تاسۋشىنى جالداعان تايۆاندىق Evergreen كومپانيياسى بۇل جاعداي اۋا رايىنىڭ قولايسىزدىعىنان تۋىندادى دەپ وتىر. قاتتى جەل ەكپٸنٸمەن كەمە ٶز باعىتىنان اۋىتقىپ كەتكەن.
قۇتقارۋ كوماندالارى كونتەينەر تاسۋشىنى 29 ناۋرىزعا قاراعان تٷنٸ قايراڭنان شىعاردى. ول ٷشٸن جٷك تاسۋشى كەمەنٸڭ اينالاسىن تەرەڭدەتٸپ قازۋعا تۋرا كەلدٸ.
1869 جىلى اشىلعان سۋەتس كانالى تاياۋ شىعىستان ەۋروپا مەن اقش-قا مۇناي تاسىمالدايتىن ماڭىزدى مارشرۋتقا اينالعان. ول - كەمە كٶپ ٶتەتەتٸن ەلەمدەگٸ ەڭ ماڭىزدى ساۋدا مارشرۋتى. ونىڭ ٷلەسٸنە عالامدىق تەڭٸز ساۋداسىنىڭ 10 پايىزى كەلەدٸ.
كانالدىڭ ۇزىندىعى – 160 شاقىرىم, ەنٸ – 250 مەتر. ال تەرەڭدٸگٸ – 20 مەتر.
ساراپشىلاردىڭ ايتۋىنشا, Ever Given كەمەسٸنٸڭ كەپتەلٸسٸنەن ەلەم ەكونوميكاسى كٷنٸنە ون ميلليارد دوللار زييان شەكتٸ.
