قازاقستان ٷكٸمەتٸ سۋ تاسقىنىنان زارداپ شەككەندەرگە مەملەكەتتەن قانداي كٶمەك تٷرلەرٸن الا الاتىنىن تٷسٸندٸردٸ.
1. ماتەريالدىق كٶمەك:
- 100 اەك مٶلشەرٸندە بٸرجولعى ٶتەماقى تٶلەۋ (ەكٸمدٸككە حابارلاسۋ قاجەت);
- جوعالعان جەنە/نەمەسە بٷلٸنگەن مٷلٸكتٸڭ ٶتەماقىسى (ەكٸمدٸككە حابارلاسۋ قاجەت);
- سۋ تاسقىنىنان زارداپ شەككەندەر ساناتىنا جاتقىزىلعان بارلىق ازاماتقا كرەديتتەر بويىنشا تٶلەمدەر 3 ايعا, ياعني 2024 جىلدىڭ 1 سەۋٸرٸنەن باستاپ 30 ماۋسىمعا دەيٸن اۆتوماتتى تٷردە كەيٸنگە قالدىرىلادى (ەكٸمدٸككە نەمەسە بانككە تٸكەلەي حابارلاسۋ قاجەت. بانكتەر ونلاين ٶتٸنٸم بەرۋ مٷمكٸندٸگٸن ٸسكە قوستى );
- زارداپ شەككەن ازاماتتاردىڭ كرەديتتەرٸ بويىنشا سۋ تاسقىنىنىڭ سالدارىنا بايلانىستى تٶلەمدەردٸ كەشٸكتٸرگەنٸ ٷشٸن ايىپپۇلدار مەن ٶسٸمپۇلدار سالىنبايدى (ەكٸمدٸككە نەمەسە بانككە تٸكەلەي حابارلاسۋ قاجەت);
- سۋ تاسقىنىنىڭ سالدارىنان كەسٸپتەرٸ شىعىنعا ۇشىراعان بارلىق زارداپ شەككەن جەكە كەسٸپكەرگە, سونداي-اق شاعىن جەنە ورتا بيزنەس سۋبەكتٸلەرٸنە كرەديتتەر بويىنشا تٶلەمدەر ولار بەرگەن ٶتٸنٸشتٸڭ نەگٸزٸندە كەيٸنگە قالدىرىلادى (ەكٸمدٸككە نەمەسە بانككە تٸكەلەي حابارلاسۋ قاجەت);
- كرەديتتٸك ۇيىمداردىڭ رەسمي سايتتارى مەن ەلەۋمەتتٸك جەلٸلەردەگٸ اككاۋنتتارىندا تيٸستٸ ٶتٸنٸشتەردٸ بەرۋدٸڭ ناقتى الگوريتمدەرٸ جەنە كرەديتتەردٸ قايتا قۇرىلىمداۋدىڭ تەرتٸبٸ جارييالانادى. قارىز الۋشىلاردىڭ بانكتەرمەن جەنە مقۇ-مەن ٶزارا ٸس-قيمىل پروتسەسٸن جەڭٸلدەتۋ ٷشٸن قاشىقتان ٶتٸنٸش بەرۋ سەرۆيسٸ ٸسكە اسىرىلادى.
2. تۇرعىن ٷيمەن قامتاماسىز ەتۋ:
- سۋ تاسقىنىنان زارداپ شەككەندەر قيراعان باسپانانىڭ ورنىنا دايىن ٷي ساتىپ الۋعا نەمەسە جاڭا تۇرعىن ٷي سالۋعا قول جەتكٸزە الادى (ەكٸمدٸككە حابارلاسۋ قاجەت);
- ەگەر مٷلٸك قالپىنا كەلتٸرۋگە جارامدى بولسا, وندا جاو-نىڭ مەردٸگەرلٸك ۇيىمدارىمەن نەمەسە مٷلٸك يەسٸنٸڭ ٶز كٷشٸمەن جٶندەۋ جۇمىستارىن قارجىلاندىرۋ كٶزدەلگەن (ەكٸمدٸككە حابارلاسۋ قاجەت).
3. اۋىل شارۋاشىلىعى:
- سۋ تاسقىنى سالدارىنان مال باسىن جوعالتقان ازاماتتارعا شىعىندى ٶتەۋ. ٶتەماقى مٶلشەرٸن نارىقتىق دەرەكتەر نەگٸزٸندە زالالدى انىقتاۋ جٶنٸندەگٸ ٶڭٸرلٸك كوميسسييا ايقىندايتىن بولادى;
- ٷكٸمەت شارۋالار مەن مال يەلەرٸنە كرەديتتەر مەن ليزينگتٸك مٸندەتتەمەلەردٸ ٶتەۋدٸ كەيٸنگە قالدىرۋ ارقىلى قوسىمشا جەردەم كٶرسەتەتٸن بولادى. تٶلەمدەر كەشٸكتٸرٸلگەن جاعدايدا ولارعا ايىپپۇلدار سالىنبايدى;
- تٶلەمدٸ كەيٸنگە قالدىرۋ شارتىمەن مال يەلەرٸنٸڭ ٶتٸنٸمدەرٸنە سەيكەس «ازىق-تٷلٸك كورپوراتسيياسىنان» جەمشٶپتٸ جەتكٸزۋ جٶنٸندە. تيٸستٸ ٶتٸنٸمدەردٸ رەسمي تٷردە «ازىق-تٷلٸك كورپوراتسيياسىنا» نەمەسە ەكٸمدٸكتەر ارقىلى جولداۋعا بولادى.
4. شاعىن جەنە ورتا بيزنەسكە كەلتٸرٸلگەن زيياندى ٶتەۋ:
- سۋ تاسقىنىنان زارداپ شەككەن شوب سۋبەكتٸلەرٸنە كەلتٸرٸلگەن زيياندى ٶتەۋ تەرتٸبٸ ەزٸرلەندٸ,(جاقىن ارادا قابىلدانادى);
- شىعىنداردى ٶتەۋگە جوعالعان مٷلٸكتٸڭ (عيماراتتار, قۇرىلىستار, جابدىقتار), تاۋارلىق-ماتەريالدىق قۇندىلىقتار,, زاقىمدانعان عيماراتتار مەن قۇرىلىستاردى قالپىنا كەلتٸرۋ جۇمىستارىنىڭ قۇنى كٸرەدٸ;
- تٶلەمدەر مەملەكەتتٸك بيۋدجەت جەنە ٶڭٸرلەردەگٸ بيۋدجەتتەن تىس قورلاردىڭ قاراجاتى ەسەبٸنەن جٷزەگە اسىرىلادى;
- قازٸرگٸ ۋاقىتتا وبلىستاردىڭ ەكٸمدٸكتەرٸ مەن «اتامەكەن» ٶڭٸرلٸك پالاتالارى زارداپ شەككەن شوب سۋبەكتٸلەرٸنٸڭ تٸزٸمٸن قالىپتاستىرۋ بويىنشا بەلسەندٸ جۇمىس جٷرگٸزۋدە, باعالاۋشى كومپانييالاردىڭ, شوب-قا قىزمەت كٶرسەتۋ ٷشٸن ادۆوكاتتاردىڭ تٸزبەسٸن ايقىندايدى, زالالدىڭ الدىن الا سوماسىن جاسايدى;
- زارداپ شەككەن نىساندار نەگٸزٸنەن دٷكەندەر, ناۋبايحانالار, شاشتارازدار, تٸگٸن تسەحتارى, كافەلەر, جىلىجايلار, قويما عيماراتتارى, شارۋا قوجالىقتارى جەنە باسقا دا نىساندار;
- «اتامەكەن» قر ۇكپ-دا 1432 «جەدەل جەلٸ» جۇمىس ٸستەيدٸ.
5. ەلەۋمەتتٸك سالا:
دەنساۋلىق ساقتاۋ:
- بارلىق جۇقپالى اۋرۋلار اۋرۋحاناسى مەن مەديتسينالىق قىزمەتكەرلەر دايىن تۇر. جٷكتٸ ەيەلدەر مەن ديسپانسەرلٸك ەسەپتەگٸ ادامدار ەرەكشە باقىلاۋدا. دەزينفەكتسييالىق جەنە دەرٸلٸك زاتتاردىڭ ەكٸ ايلىق قورى جاساقتالۋدا. ولاردى مەديتسينالىق ۇيىمداردىڭ بازالارىندا جەنە «سك-فارماتسييانىڭ» ٶڭٸرلٸك قويمالارىندا شوعىرلاندىرۋ جوسپارلانعان;
- 16 كۋرورتتى-ساناتورييالىق ۇيىم انىقتالىپ, وندا سۋ تاسقىنىنان زارداپ شەككەندەر تەگٸن قابىلدانادى. تۇتاستاي العاندا, بۇل نىساندار بٸر ۋاقىتتا 190 ادامدى قابىلداي الادى, وڭالتۋ كۋرسى 10-نان 14 كٷنگە دەيٸن سوزىلادى, بۇل مٷمكٸندٸگٸنشە زارداپ شەككەندەردٸ ەمدەۋ-وڭالتۋ شارالارىمەن قامتۋعا مٷمكٸندٸك بەرەدٸ. سونداي-اق كەسٸپوداقتار فەدەراتسيياسى رەسپۋبليكانىڭ 7 ساناتورييٸندە ەلەۋمەتتٸك وسال ساناتتارعا جاتاتىن ازاماتتاردى ساۋىقتىرۋ ٷشٸن 164 ورىن بٶلدٸ;
- 1 مامىردان باستاپ تۇرعىنداردى تەگٸن كەسٸبي مەديتسينالىق كٶمەكپەن قامتاماسىز ەتۋ ٷشٸن «جەردەم» مامانداندىرىلعان مەديتسينالىق پويىزى ٸسكە قوسىلادى. سۋ تاسقىنى جاعدايىن ەسكەرە وتىرىپ, زارداپ شەككەن اۋىلدىق ەلدٸ مەكەندەردٸڭ تۇرعىندارى مەديتسينالىق پويىز قىزمەتتەرٸمەن قامتىلاتىن بولادى.
بٸلٸم بەرۋ
- ەۆاكۋاتسييالاۋ ورتالىقتارىنا ورنالاستىرىلعان بالالار وقۋ پروتسەسٸن جالعاستىرۋ ٷشٸن قاشىقتان وقىتۋ فورماتىنا كٶشٸرٸلەدٸ;
- ەۆاكۋاتسييالاۋ پۋنكتتەرٸندەگٸ بالالار مەن ولاردىڭ اتا-انالارى وقۋ-تەربيە پروتسەسٸن ۇيىمداستىرا وتىرىپ, جازعى لاگەرلەرگە, جاتاقحانالارعا, مەكتەپتەر جانىنداعى ينتەرناتتارعا ورنالاستىرىلدى. بالالاردى ساۋىقتىرۋ ورتالىقتارىنا 600 بالا جٸبەرٸلدٸ. 5-8 سىنىپ وقۋشىلارى «دارىن», بيل, نزم مەكتەپ-ينتەرناتتارىنا, جوعارى سىنىپ وقۋشىلارى (9-11 سىنىپتار) - كوللەدجدەر مەن جوو جاتاقحانالارىنا ورنالاستىرىلدى;
- بۇرىن ەۆاكۋاتسييالاۋ پۋنكتتەرٸندە بولعان 4,5 مىڭنان استام بالا تۇرمىستىق جاعدايلارى بار مەكەمەلەرگە ورنالاستىرىلدى. بالالار مەن ولاردىڭ اتا-انالارى ٷشٸن شامامەن 8 مىڭ ورىن رەزەرۆ دايىندالدى;
- اقتٶبە جەنە اتىراۋ وبلىستارىنداعى بارلىق ستۋدەنتتەر ٷشٸن اعىمداعى باقىلاۋ (بجب جەنە تجب) الىنىپ تاستالدى;
- اقمولا, قاراعاندى, قوستاناي, شىعىس قازاقستان, باتىس قازاقستان, سولتٷستٸك قازاقستان, پاۆلودار جەنە اباي وبلىستارىندا اعىمداعى باقىلاۋدى (سور جەنە سوك) الىپ تاستاۋ تۋرالى شەشٸم جاعدايدى ەسكەرە وتىرىپ ٸشٸنارا قابىلدانادى;
- زارداپ شەككەن ايماقتارداعى بالالاردىڭ ساۋىقتىرۋ لاگەرلەرٸنە تەگٸن ساياحاتى ۇيىمداستىرىلدى;
- جالپى بٸلٸم بەرۋ قورىنىڭ قاراجاتى ەسەبٸنەن بالالاردى قاجەتتٸ زاتتارمەن (كيٸم, اياق كيٸم, كەڭسە كەرەك-جاراقتارى) قامتاماسىز ەتۋ جۇمىستارى جٷرگٸزٸلۋدە.
ازىق-تٷلٸكپەن قامتاماسىز ەتۋ:
- سۋ تاسقىنىنان زارداپ شەككەن 10 ٶڭٸردە ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىنا كٷندەلٸكتٸ مونيتورينگ جٷرگٸزٸلۋدە.
- ازاماتتاردىڭ ارىز-شاعىمدارى ٷشٸن «سەنٸم تەلەفوندارى» قۇرىلىپ, قوعامدىق باقىلاۋ پۋنكتتەرٸ اشىلدى. كەسٸپكەرلٸك سۋبەكتٸلەرٸ جالپى كٶلەمٸ 635 مىڭ توننا ەڭ ماڭىزدى ازىق-تٷلٸك جەنە ازىق-تٷلٸك ەمەس تاۋارلاردى جەتكٸزۋ بويىنشا مەموراندۋمدارعا قول قويدى. تۇراقتاندىرۋ قورلارىنان 767 تونناعا جۋىق ەلەۋمەتتٸك ازىق-تٷلٸك تاۋارلارى ساتىلدى. زارداپ شەككەن 10 ٶڭٸردە ستقت باعاسىنىڭ كٶتەرٸلۋٸنە بايلانىستى 140-تان استام ەكٸمشٸلٸك ٸس قوزعالدى, 122 ەسكەرتۋ جاسالىپ, 17 ايىپپۇل سالىندى.
ەلەۋمەتتٸك قورعاۋ:
- تٶتەنشە جاعداي جارييالانعان قالالار مەن اۋدانداردا 5 مىڭ وتباسىنا مەملەكەتتٸك ورگاندارعا حابارلاسپاي-اق اتاۋلى ەلەۋمەتتٸك كٶمەك اۆتوماتتى تٷردە تاعايىندالدى;
- تٶتەنشە جاعداي رەجيمٸ كەزەڭٸندە 4 مىڭعا جۋىق ادامدى, ونىڭ ٸشٸندە بالالاردى قوسا العاندا مٷگەدەكتٸككە قايتا قاراۋ مەرزٸمٸ اۆتوماتتى تٷردە ۇزارتىلدى. مٷگەدەكتٸك بويىنشا جەردەماقى بۇرىن بەلگٸلەنگەن توپتار بويىنشا تٶلەنەدٸ;
- تٶتەنشە جاعداي كەزەڭٸندە جۇمىسسىزداردىڭ جەنە سۋبسيدييالاناتىن جۇمىس ورىندارىندا جۇمىس ٸستەيتٸندەردٸڭ ەڭبەكاقىسىن جۇمىس بەرۋشٸلەردەن اقپارات تالاپ ەتپەي ەڭبەك ۇتقىرلىعى ورتالىعى تٶلەيدٸ;
- سۋ تاسقىنىنان زارداپ شەككەن جاستاردى شاعىن نەسيەلەندٸرۋ باعدارلاماسى بويىنشا قارىز الۋشىلارعا شاعىن نەسيەلەر بويىنشا تٶلەمدەردٸ كەيٸنگە قالدىرۋ قامتاماسىز ەتٸلەدٸ, سونداي-اق باسقا دا مەملەكەتتٸك قولداۋ شارالارى قاراستىرىلادى. 2024 جىلعا ارنالعان كەستەلەر بويىنشا بارلىق تٶلەمدەر 2025 جىلدان باستاپ قارجىلاندىرۋ كەزەڭٸنٸڭ سوڭىنا دەيٸن كەلەسٸ تٶلەمدەرگە تەڭ ٷلەستەرمەن بٶلٸنەدٸ.
موبيلدٸ بايلانىس جەنە ينتەرنەت:
- ۇيالى بايلانىس وپەراتورلارى سۋ تاسقىنى ايماعىندا ورنالاسقان ابونەنتتەرگە تاريفتٸك جوسپارلارعا (40-50 مين, 40-50 SMS جەنە 7 كٷنگە 8-10 گب) قوسىمشا رەسۋرستار قوستى;
- سونداي-اق وقۋ ٷدەرٸسٸن ٷزدٸكسٸز قامتاماسىز ەتۋ ٷشٸن قوستاناي, اقتٶبە, ۇلىتاۋ, اتىراۋ, شىعىس قازاقستان, باتىس قازاقستان جەنە سولتٷستٸك قازاقستان وبلىستارىنا Starlink تەرمينالدارىنىڭ جيناقتارى جٸبەرٸلدٸ.
