Qazaqstan úkimeti sý tasqynynan zardap shekkenderge memleketten qandai kómek túrlerin ala alatynyn túsindirdi.
1. Materialdyq kómek:
- 100 AEK mólsherinde birjolǵy ótemaqy tóleý (ákimdikke habarlasý qajet);
- joǵalǵan jáne/nemese búlingen múliktiń ótemaqysy (ákimdikke habarlasý qajet);
- sý tasqynynan zardap shekkender sanatyna jatqyzylǵan barlyq azamatqa kreditter boiynsha tólemder 3 aiǵa, iaǵni 2024 jyldyń 1 sáýirinen bastap 30 maýsymǵa deiin avtomatty túrde keiinge qaldyrylady (ákimdikke nemese bankke tikelei habarlasý qajet. Bankter onlain ótinim berý múmkindigin iske qosty );
- zardap shekken azamattardyń kreditteri boiynsha sý tasqynynyń saldaryna bailanysty tólemderdi keshiktirgeni úshin aiyppuldar men ósimpuldar salynbaidy (ákimdikke nemese bankke tikelei habarlasý qajet);
- sý tasqynynyń saldarynan kásipteri shyǵynǵa ushyraǵan barlyq zardap shekken jeke kásipkerge, sondai-aq shaǵyn jáne orta biznes sýbektilerine kreditter boiynsha tólemder olar bergen ótinishtiń negizinde keiinge qaldyrylady (ákimdikke nemese bankke tikelei habarlasý qajet);
- kredittik uiymdardyń resmi saittary men áleýmettik jelilerdegi akkaýnttarynda tiisti ótinishterdi berýdiń naqty algoritmderi jáne kreditterdi qaita qurylymdaýdyń tártibi jariialanady. Qaryz alýshylardyń banktermen jáne MQU-men ózara is-qimyl protsesin jeńildetý úshin qashyqtan ótinish berý servisi iske asyrylady.
2. Turǵyn úimen qamtamasyz etý:
- sý tasqynynan zardap shekkender qiraǵan baspananyń ornyna daiyn úi satyp alýǵa nemese jańa turǵyn úi salýǵa qol jetkize alady (ákimdikke habarlasý qajet);
- Eger múlik qalpyna keltirýge jaramdy bolsa, onda JAO-nyń merdigerlik uiymdarymen nemese múlik iesiniń óz kúshimen jóndeý jumystaryn qarjylandyrý kózdelgen (ákimdikke habarlasý qajet).
3. Aýyl sharýashylyǵy:
- Sý tasqyny saldarynan mal basyn joǵaltqan azamattarǵa shyǵyndy óteý. Ótemaqy mólsherin naryqtyq derekter negizinde zalaldy anyqtaý jónindegi óńirlik komissiia aiqyndaityn bolady;
- Úkimet sharýalar men mal ielerine kreditter men lizingtik mindettemelerdi óteýdi keiinge qaldyrý arqyly qosymsha járdem kórsetetin bolady. Tólemder keshiktirilgen jaǵdaida olarǵa aiyppuldar salynbaidy;
- Tólemdi keiinge qaldyrý shartymen mal ieleriniń ótinimderine sáikes «Azyq-túlik korporatsiiasynan» jemshópti jetkizý jóninde. Tiisti ótinimderdi resmi túrde «Azyq-túlik korporatsiiasyna» nemese ákimdikter arqyly joldaýǵa bolady.
4. Shaǵyn jáne orta bizneske keltirilgen ziiandy óteý:
- Sý tasqynynan zardap shekken ShOB sýbektilerine keltirilgen ziiandy óteý tártibi ázirlendi,(jaqyn arada qabyldanady);
- Shyǵyndardy óteýge joǵalǵan múliktiń (ǵimarattar, qurylystar, jabdyqtar), taýarlyq-materialdyq qundylyqtar,, zaqymdanǵan ǵimarattar men qurylystardy qalpyna keltirý jumystarynyń quny kiredi;
- Tólemder memlekettik biýdjet jáne óńirlerdegi biýdjetten tys qorlardyń qarajaty esebinen júzege asyrylady;
- Qazirgi ýaqytta oblystardyń ákimdikteri men «Atameken» óńirlik palatalary zardap shekken ShOB sýbektileriniń tizimin qalyptastyrý boiynsha belsendi jumys júrgizýde, baǵalaýshy kompaniialardyń, ShOB-qa qyzmet kórsetý úshin advokattardyń tizbesin aiqyndaidy, zalaldyń aldyn ala somasyn jasaidy;
- Zardap shekken nysandar negizinen dúkender, naýbaihanalar, shashtarazdar, tigin tsehtary, kafeler, jylyjailar, qoima ǵimarattary, sharýa qojalyqtary jáne basqa da nysandar;
- «Atameken» QR UKP-da 1432 «jedel jeli» jumys isteidi.
5. Áleýmettik sala:
Densaýlyq saqtaý:
- barlyq juqpaly aýrýlar aýrýhanasy men meditsinalyq qyzmetkerler daiyn tur. Júkti áielder men dispanserlik eseptegi adamdar erekshe baqylaýda. Dezinfektsiialyq jáne dárilik zattardyń eki ailyq qory jasaqtalýda. Olardy meditsinalyq uiymdardyń bazalarynda jáne «SK-Farmatsiianyń» óńirlik qoimalarynda shoǵyrlandyrý josparlanǵan;
- 16 kýrortty-sanatoriialyq uiym anyqtalyp, onda sý tasqynynan zardap shekkender tegin qabyldanady. Tutastai alǵanda, bul nysandar bir ýaqytta 190 adamdy qabyldai alady, ońaltý kýrsy 10-nan 14 kúnge deiin sozylady, bul múmkindiginshe zardap shekkenderdi emdeý-ońaltý sharalarymen qamtýǵa múmkindik beredi. Sondai-aq Kásipodaqtar federatsiiasy respýblikanyń 7 sanatoriiinde áleýmettik osal sanattarǵa jatatyn azamattardy saýyqtyrý úshin 164 oryn bóldi;
- 1 mamyrdan bastap turǵyndardy tegin kásibi meditsinalyq kómekpen qamtamasyz etý úshin «Járdem» mamandandyrylǵan meditsinalyq poiyzy iske qosylady. Sý tasqyny jaǵdaiyn eskere otyryp, zardap shekken aýyldyq eldi mekenderdiń turǵyndary meditsinalyq poiyz qyzmetterimen qamtylatyn bolady.
Bilim berý
- Evakýatsiialaý ortalyqtaryna ornalastyrylǵan balalar oqý protsesin jalǵastyrý úshin qashyqtan oqytý formatyna kóshiriledi;
- evakýatsiialaý pýnktterindegi balalar men olardyń ata-analary oqý-tárbie protsesin uiymdastyra otyryp, jazǵy lagerlerge, jataqhanalarǵa, mektepter janyndaǵy internattarǵa ornalastyryldy. Balalardy saýyqtyrý ortalyqtaryna 600 bala jiberildi. 5-8 synyp oqýshylary «Daryn», BIL, NZM mektep-internattaryna, joǵary synyp oqýshylary (9-11 synyptar) - kolledjder men JOO jataqhanalaryna ornalastyryldy;
- Buryn evakýatsiialaý pýnktterinde bolǵan 4,5 myńnan astam bala turmystyq jaǵdailary bar mekemelerge ornalastyryldy. Balalar men olardyń ata-analary úshin shamamen 8 myń oryn rezerv daiyndaldy;
- Aqtóbe jáne Atyraý oblystaryndaǵy barlyq stýdentter úshin aǵymdaǵy baqylaý (BJB jáne TJB) alynyp tastaldy;
- Aqmola, Qaraǵandy, Qostanai, Shyǵys Qazaqstan, Batys Qazaqstan, Soltústik Qazaqstan, Pavlodar jáne Abai oblystarynda aǵymdaǵy baqylaýdy (SOR jáne SOK) alyp tastaý týraly sheshim jaǵdaidy eskere otyryp ishinara qabyldanady;
- zardap shekken aimaqtardaǵy balalardyń saýyqtyrý lagerlerine tegin saiahaty uiymdastyryldy;
- Jalpy bilim berý qorynyń qarajaty esebinen balalardy qajetti zattarmen (kiim, aiaq kiim, keńse kerek-jaraqtary) qamtamasyz etý jumystary júrgizilýde.
Azyq-túlikpen qamtamasyz etý:
- Sý tasqynynan zardap shekken 10 óńirde áleýmettik mańyzy bar azyq-túlik taýarlarynyń baǵasyna kúndelikti monitoring júrgizilýde.
- Azamattardyń aryz-shaǵymdary úshin «senim telefondary» qurylyp, qoǵamdyq baqylaý pýnktteri ashyldy. Kásipkerlik sýbektileri jalpy kólemi 635 myń tonna eń mańyzdy azyq-túlik jáne azyq-túlik emes taýarlardy jetkizý boiynsha memorandýmdarǵa qol qoidy. Turaqtandyrý qorlarynan 767 tonnaǵa jýyq áleýmettik azyq-túlik taýarlary satyldy. Zardap shekken 10 óńirde STQT baǵasynyń kóterilýine bailanysty 140-tan astam ákimshilik is qozǵaldy, 122 eskertý jasalyp, 17 aiyppul salyndy.
Áleýmettik qorǵaý:
- Tótenshe jaǵdai jariialanǵan qalalar men aýdandarda 5 myń otbasyna memlekettik organdarǵa habarlaspai-aq ataýly áleýmettik kómek avtomatty túrde taǵaiyndaldy;
- Tótenshe jaǵdai rejimi kezeńinde 4 myńǵa jýyq adamdy, onyń ishinde balalardy qosa alǵanda múgedektikke qaita qaraý merzimi avtomatty túrde uzartyldy. Múgedektik boiynsha járdemaqy buryn belgilengen toptar boiynsha tólenedi;
- Tótenshe jaǵdai kezeńinde jumyssyzdardyń jáne sýbsidiialanatyn jumys oryndarynda jumys isteitinderdiń eńbekaqysyn jumys berýshilerden aqparat talap etpei eńbek utqyrlyǵy ortalyǵy tóleidi;
- Sý tasqynynan zardap shekken jastardy shaǵyn nesielendirý baǵdarlamasy boiynsha qaryz alýshylarǵa shaǵyn nesieler boiynsha tólemderdi keiinge qaldyrý qamtamasyz etiledi, sondai-aq basqa da memlekettik qoldaý sharalary qarastyrylady. 2024 jylǵa arnalǵan kesteler boiynsha barlyq tólemder 2025 jyldan bastap qarjylandyrý kezeńiniń sońyna deiin kelesi tólemderge teń úlestermen bólinedi.
Mobildi bailanys jáne internet:
- Uialy bailanys operatorlary sý tasqyny aimaǵynda ornalasqan abonentterge tariftik josparlarǵa (40-50 min, 40-50 SMS jáne 7 kúnge 8-10 GB) qosymsha resýrstar qosty;
- Sondai-aq oqý úderisin úzdiksiz qamtamasyz etý úshin Qostanai, Aqtóbe, Ulytaý, Atyraý, Shyǵys Qazaqstan, Batys Qazaqstan jáne Soltústik Qazaqstan oblystaryna Starlink terminaldarynyń jinaqtary jiberildi.
