قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ 42500 تەڭگە جەردەماقىنىڭ كٸمدەرگە بەرٸلمەيتٸنٸن تٷسٸندٸردٸ, دەپ حابارلايدى "ۇلت اقپارات".
«مەملەكەتتٸڭ بيۋدجەتٸنەن زەينەتاقى, جەردەماقىلار, اتاۋلى ەلەۋمەتتٸك كٶمەك نەمەسە ساقتاندىرۋ قورىنان تيٸستٸ تٶلەم الىپ جٷرگەندەر 42500 تەڭگە المايدى. ولار بەيرەسمي جۇمىس ٸستەپ جٷرگەندەر قاتارىنا جاتپايدى. ەگەر دە ولار رەسمي جۇمىس ٸستەپ جٷرسە, ولار ٷشٸن جۇمىس بەرۋشٸ ٶتٸنٸش بەرە الادى. رەسمي جەكە كەسٸپكەرلٸگٸ بولسا, جەكە كەسٸپكەر رەتٸندە دە ٶتٸنٸش بەرۋگە مٷمكٸندٸگٸ بار. ەكٸنشٸدەن, تٶتەنشە جاعداي كەزٸندە بٸرىڭعاي جيىنتىق تٶلەم تٶلەپ, ميلليونداعان ادامدار ٶزٸنٸڭ بەيرەسمي جۇمىس ٸستەگەنٸن راستادى. بٸز ولارمەن حابارلاسىپ, 70 مىڭعا جۋىعىن جۇمىسپەن قامتۋ شارالارىنا تارتقان بولاتىنبىز. ەگەر دە ول ازاماتتار قازٸر جۇمىس ٸستەپ جاتسا, ەرينە ولار بۇل جولى 42500 تەڭگەنٸ الا المايدى», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ال جاقىن كٷندەرٸ جۇمىستان شىعىپ كەتكەندەرگە جۇمىسپەن قامتۋ ورتالىعىنا حابارلاسۋ كەرەك. بۇل ورتالىق تۇرعىندارعا اشىق ۆاكانسييالاردى نەمەسە باسقا جۇمىسپەن قامتۋ شارالارىن ۇسىنادى. ەگەر دە ەش جۇمىس لايىق كەلمەسە, ٷش كٷندە جۇمىسسىز رەتٸندە تٸركەلەدٸ جەنە اۆتوماتتى تٷردە مەملەكەتتٸك ساقتاندىرۋ قورىنان جۇمىسسىزدىققا قاتىستى باسقا تٶلەم 6 اي بويى تٶلەنەدٸ.
«ستۋدەنتتەر مەن دەكرەتتە جٷرگەن ەيەلدەرگە تاعى دا تٷسٸندٸرٸپ كەتسەم. ارنايى 42 500 تەڭگە تٶلەۋگە «ستۋدەنت», «دەكرەتتەگٸ ەيەل» دەگەن ساناتتار جوق. ياعني, ستۋدەنتكە ستۋدەنت بولعانى ٷشٸن جەردەماقى تٶلەنبەيدٸ. ٶتكەندە دە سولاي بولعان. بٸراق ەگەر دە ستۋدەنت جالدانىپ جۇمىس ٸستەسە, كارانتين كەسٸرٸنەن اقىسىز دەمالىسقا جٸبەرٸلسە, ول ٷشٸن جۇمىس بەرۋشٸسٸ ٶتٸنٸش بەرە الادى. ال ەگەر ستۋدەنت جەكە كەسٸپكەر بولىپ, اي سايىن بجت تٶلەپ جٷرگەن كەسٸپكەر بولسا, ول جاعدايدا دا 42500 تەڭگە الادى. ال ەندٸ وسى كٷنگە دەيٸن بەيرەسمي جۇمىس ٸستەدٸم دەپ بٸر رەت بجت تٶلەگەن ستۋدەنتتەر 42500 تەڭگە الا المايدى», - دەدٸ ب. نۇرىمبەتوۆ.
سونىمەن بٸرگە, دەكرەتتە جٷرگەن ەيەلدەرگە ەرەجە ٶزگەرٸسسٸز قالاتىن بولادى.
«بالا بٸر جاسقا تولعانشا دەكرەتتەگٸ ەيەل مەملەكەتتەن نەمەسە ساقتاندىرۋ قورىنان جەردەماقى الىپ جٷرەدٸ. سوندىقتان, ولارعا 42500 تەڭگە بەرٸلمەيدٸ. ال ەندٸ بالا بٸر جاستان اسقان بولسا, جۇمىسقا شىعىپ, كارانتينگە بايلانىستى اقىسىز دەمالىسقا جٸبەرسە, ەرينە جەردەماقى الا الادى. ەگەر ونىڭ جەكە كەسٸپكەرلٸگٸ بولىپ, تۇراقتى تٷردە بجت تٶلەپ, جۇمىسى توقتاپ قالسا دا 42 500 تەڭگە الا الادى. ٶتكەندەگٸ تج كەزٸندە بٸر رەت بجت تٶلەپ, بەيرەسمي جۇمىس ٸستەگەنٸن راستاعان ەيەلدەر دە 42500 تەڭگە الا الادى», - دەدٸ بٸرجان نۇرىمبەتوۆ.
