جۇدىرىقتاي جۇمىلعان جۇرتپەن بٸرگە ەلٸمٸزدٸڭ ستۋدەنتتەرٸ دە قولىنان كەلگەنشە ارىس حالقىنا كٶمەك بەرۋدە, دەپ حابارلايدى "ۇلت اقپارات".
«قازاقستان ستۋدەنتتەر اليانسى رەسپۋبليكالىق ۇيىم بولعاندىقتان, تٷركٸستان وبلىستىق جەنە شىمكەنت قالالىق شتابتارىمىز بار. بٸزدە ارىس قالاسىندا ەكٸ كوللەدج ورنالاسقان. وندا 800-دەن استام ستۋدەنت وقيدى. سول ستۋدەنتتەردەن تٷسكەن اقپاراتقا سەيكەس, بٸزدٸڭ اليانس بٸردەن حالىققا كٶمەك كٶرسەتۋ جۇمىستارىن باستاپ كەتكەن. قازٸرگٸ ۋاقىتتا جەرگٸلٸكتٸ اتقارۋشى ورگاندارمەن بٸرلەسە ۆولونتەرلٸك شتابتار قۇرىلدى. سول اۋماقتاعى اۋىلدىق جەرلەرگە كٶشٸرۋ جۇمىستارى جٷرگٸزٸلۋدە. ەلەۋمەتتٸك جەلٸ دامىعاندىقتان, جەلٸ ارقىلى بارىنشا كٶمەك تارتۋ جۇمىستارى جٷرگٸزٸلۋدە. ستۋدەنتتەر وسى ۋاقىتقا دەيٸن قانشاما اتا-انالارعا بالاسىن تاۋىپ بەردٸ», - دەدٸ وقك-دا ٶتكەن باسپاسٶز مەسليحاتىندا قازاقستان ستۋدەنتتەر اليانسىنىڭ پرەزيدەنتٸ ٸليياس تٷستٸكباەۆ.
ونىڭ ايتۋىنشا, تٷركٸستان مەن شىمكەنت ستۋدەنتتەرٸ عانا ەمەس, جاقسىلىق جاساۋعا رەسپۋبليكانىڭ بٷكٸل ستۋدەنتتەرٸ اتسالىسۋدا.
«نۇر-سۇلتان قالاسىنىڭ ەكٸمٸنٸڭ ورىنباسارىمەن شۇعىل وتىرىس ٶتكٸزٸلٸپ, ەلوردا جاستارىنان ارىسقا كٶمەك رەتٸندە اكتسييا باستالدى. رەسپۋبليكا 34 مەكەنجايىندا ورنالاسقان جاستار سارايىنىڭ ٷشٸنشٸ قاباتىندا گۋمانيتارلىق جەنە ماتەريالدىق كٶمەك جيناۋ ورىنى اشىلدى. كٶمەكتەسەمٸن دەگەن ادامدار سول جەرگە بارا الادى. سونىمەن قاتار, ەلوردا ستۋدەنتتەرٸ قان تاپسىرۋ اكتسيياسىن باستادى. قان تاپسىرعان ادامعا 600 تەڭگە كٶلەمٸندە اقشا بەرٸلەدٸ. سول اقشانى ستۋدەنتتەر ارىس حالقىنا كٶمەكتەسۋ ٷشٸن اشىلعان رەسمي شوتتارعا اۋدارۋدا», - دەدٸ ول.
ٸليياس تٷستٸكباەۆ وڭتٷستٸك قازاقستان مەملەكەتتٸك ۋنيۆەرسيتەتٸنٸڭ قىزمەتكەرلەرٸ كەشە 13 ملن تەڭگە اۋدارعانىن دا ايتىپ ٶتتٸ. ول ۋنيۆەرسيتەتكە قاراستى 3 جاتاقحاناعا بەس جٷزدەن ادام جاتقىزىلعان. ەلورداداعى بٸرنەشە ۋنيۆەرسيتەت تە بٸر كٷندٸك جالاقىلارىن اۋدارىپ جاتىر. ل.گۋميلەۆ اتىنداعى ەۇۋ رەكتورى ارىس قالاسىنىڭ تۇرعىندارىن, بالالارىن - 1000 ادامدى قابىلداۋعا مٷمكٸندٸك بارىن جەتكٸزگەن.
«قايعىلى جاعداي ورىن العان كٷننەن باستاپ 150 ستۋدەنت ۆولونتەرلارمەن بٸرگە جۇمىس ٸستەپ جاتىر. كٶبٸ كٶلٸكتەرٸمەن حالىققا قولعابىس ەتۋدە», - دەدٸ ٸليياس تٷستٸكباەۆ.
