تٷركييانىڭ ستامبۇل قالاسىندا 26 جاستاعى قازاقستاندىق ايسۇلۋ بەكماحانوۆانىڭ قازاسىنا بايلانىستى بٸر توپ ەيەل نارازىلىققا شىقتى. ولار بويجەتكەن قۇلاعان كٶشەگە جينالىپ, قايعىلى وقيعانىڭ جان-جاقتى تەرگەلۋٸن جەنە كٸنەلٸلەردٸڭ زاڭ الدىندا جاۋاپ بەرۋٸن تالاپ ەتتٸ, دەپ حابارلايدى ult.kz.
كتك تەلەارناسىنىڭ مەلٸمەتٸنشە, جينالعان ەيەلدەر ايسۇلۋدىڭ ٶلٸمٸن جاي عانا ٶز-ٶزٸنە قول جۇمساۋ وقيعاسى رەتٸندە قاراستىرۋعا بولمايتىنىن ايتىپ, ٸستٸڭ بارلىق مەن-جايى انىقتالۋى كەرەكتٸگٸن مەلٸمدەدٸ. ولاردىڭ پٸكٸرٸنشە, ەيەلدەردٸڭ قاۋٸپسٸزدٸگٸ مەن قۇقىقتارى قورعالۋى تيٸس.
الدىن الا مەلٸمەت بويىنشا, قايعىلى وقيعا ٶتكەن جەكسەنبٸدە بولعان. ايسۇلۋ ٶزٸ تۇرىپ جاتقان عيماراتتىڭ بالكونى ارقىلى كٶرشٸ ٷيدٸڭ تٶبەسٸنە ٶتپەك بولعان. كەيٸن ونىڭ بيٸكتە وتىرعان سەتٸندەگٸ فوتوسى ەلەۋمەتتٸك جەلٸلەردە تارادى. بويجەتكەننٸڭ كٶرشٸ عيماراتتىڭ شاتىرىنا ٶتپەك بولعان كەزدە قۇلاپ كەتكەنٸ بولجانىپ وتىر.
ايسۇلۋ وقيعا ورنىندا كٶز جۇمعان. قايعىلى جاعدايدان كەيٸن ونىمەن بٸرگە تۇرعان رەسەي ازاماتى جەنە ونىڭ سٷيٸكتٸسٸ ۇستالعان. باق مەلٸمەتٸنشە, ولاردان جاۋاپ الىنعان سوڭ, ەلدەن شىقپاۋ تۋرالى قولحاتپەن بوساتىلعان.
بۇعان دەيٸن قازاقستاننىڭ سىرتقى ٸستەر مينيسترلٸگٸ تٷركييادا قازاقستان ازاماتىنىڭ قايتىس بولعانىن راستاعان ەدٸ. جەرگٸلٸكتٸ اقپارات قۇرالدارىنىڭ حابارلاۋىنشا, وقيعا ستامبۇلدىڭ شيشلي اۋدانىندا بولعان. بويجەتكەن التىنشى قاباتتىڭ بالكونىنان كٶرشٸ عيماراتتىڭ شاتىرىنا ٶتپەك بولعان كەزدە قۇلاپ كەتكەن. ونىڭ ناقتى قانداي جاعدايدا كٶز جۇمعانىن تەرگەۋ انىقتاۋى تيٸس.
