سپورتتىق باعدارلامالاۋدى ٷيرەنگٸسٸ كەلەتٸندەر ٷشٸن ساپالى بٸلٸم بەرۋ كونتەنتٸنٸڭ باسىم بٶلٸگٸ ەلٸ دە اعىلشىن جەنە ورىس تٸلدەرٸندە ۇسىنىلادى. بۇل ەسٸرەسە IT سالاسىن قازاق تٸلٸندە مەڭگەرگٸسٸ كەلەتٸن وقۋشىلار مەن ستۋدەنتتەر ٷشٸن قوسىمشا كەدەرگٸ تۋدىرادى, دەپ حابارلايدى ult.kz.
قازاقستاننىڭ سپورتتىق باعدارلامالاۋ فەدەراتسيياسى وسى باعىتتا جاڭا بٸلٸم بەرۋ پلاتفورماسىن ٸسكە قوستى. CPFED پلاتفورماسىندا سپورتتىق باعدارلامالاۋ بويىنشا قازاق تٸلٸندەگٸ تەگٸن وقۋ كۋرستارى قولجەتٸمدٸ. وعان كەز كەلگەن ادام تٸركەلە الادى: تۇرعىلىقتى جەرٸ, دايىندىق دەڭگەيٸ نەمەسە وليمپيادالارعا قاتىسۋ تەجٸريبەسٸ ماڭىزدى ەمەس.
پلاتفورمادا بەينەساباقتار, تەورييالىق ماتەريالدار جەنە پراكتيكالىق تاپسىرمالار بار. وقۋشىلار العان بٸلٸمٸن بٸردەن تەجٸريبەدە قولدانىپ, ەسەپ شىعارۋ جولدارىن تالدايدى, شەشٸمنٸڭ لوگيكاسىن تٷسٸنەدٸ, بازالىق الگوريتمدەردٸ مەڭگەرەدٸ جەنە سپورتتىق باعدارلامالاۋ وليمپيادالارىنا دايىندالا الادى.
كۋرستار مەكتەپ وقۋشىلارىنا, ستۋدەنتتەرگە, وقىتۋشىلارعا جەنە باعدارلامالاۋدى قازاق تٸلٸندە ٷيرەنگٸسٸ كەلەتٸن بارلىق ازاماتتارعا ارنالعان. ونلاين فورمات ٶڭٸرلەردەگٸ بالالار مەن جاستار ٷشٸن دە مٷمكٸندٸك اشادى. ەسٸرەسە IT ٷيٸرمەلەرٸ, جاتتىقتىرۋشىلار نەمەسە ارنايى بٸلٸم بەرۋ باعدارلامالارى جەتكٸلٸكسٸز شادعاي ەلدٸ مەكەندەردە مۇنداي رەسۋرستىڭ ماڭىزى جوعارى.
سپورتتىق باعدارلامالاۋ وقۋشىعا كود جازۋدى عانا ٷيرەتپەيدٸ. بۇل باعىت ەسەپتٸڭ شارتىن دۇرىس تٷسٸنۋگە, تيٸمدٸ شەشٸم تابۋعا, جٷيەلٸ جەنە الگوريتمدٸك ويلاۋعا, شەكتەۋلٸ ۋاقىت ٸشٸندە ناقتى نەتيجە شىعارۋعا داعدىلاندىرادى. مۇنداي قابٸلەتتەر ماتەماتيكا, ينفورماتيكا, ينجەنەرييا, دەرەكتەردٸ تالداۋ جەنە جاساندى ينتەللەكت سيياقتى سالالاردى مەڭگەرۋگە دە كٶمەكتەسەدٸ.
قازاق تٸلٸندەگٸ كۋرستاردى ٸسكە قوسۋ - فەدەراتسييانىڭ قازاقستاندا سپورتتىق باعدارلامالاۋدى دامىتۋعا باعىتتالعان جٷيەلٸ جۇمىسىنىڭ بٸر بٶلٸگٸ. جوبانىڭ ماقساتى - وقۋشىلاردى جارىستارعا دايىنداپ قانا قويماي, باعدارلامالاۋعا قىزىعاتىن ەر بالاعا العاشقى قادامىن ٶزٸنە تٷسٸنٸكتٸ تٸلدە باستاۋعا جاعداي جاساۋ.
«مەكتەپ وقۋشىلارىنىڭ باعدارلامالاۋعا قىزىعۋشىلىعى جوعارى ەكەنٸن كٶرٸپ وتىرمىز. بٸراق كٶپ جاعدايدا تٸل مەسەلەسٸ بالانىڭ وقۋدى ەركٸن باستاۋىنا ەسەر ەتەدٸ. ەگەر وقۋشى IT باعىتىندا دامىعىسى كەلسە, ونىڭ قازاق تٸلٸندە بٸلٸم الۋ مٷمكٸندٸگٸ بولۋى كەرەك. سوندىقتان بٸز سپورتتىق باعدارلامالاۋدى قازاق تٸلٸندە ٷيرەنۋگە ارنالعان پلاتفورمانى ٸسكە قوستىق. بۇل - ٶڭٸرلەردەگٸ تالانتتاردى قولداۋعا جەنە زاماناۋي تەحنولوگييالىق داعدىلاردى كەڭٸنەن دامىتۋعا قوسقان ٷلەسٸمٸز», - دەدٸ قازاقستاننىڭ سپورتتىق باعدارلامالاۋ فەدەراتسيياسىنىڭ باس حاتشىسى دانابەك قالياجداروۆ.
