كوللاج: Caravan.kz
كٷنٸ كەشە دزيۋدوشى ەلدوس سمەتوۆ پەن عۇسمان قىرعىزباەۆتاردىڭ وليمپياداداعى جەڭٸسٸ كٷللٸ قازاق حالقىن قۋانىشقا بٶلەدٸ. تۋىمىز كٶكتە جەلبٸرەپ, ەنۇرانىمىز پاريج تٶرٸندە شىرقالدى. الايدا, جەڭٸس بار جەردە جەڭٸلٸس تە بار. بوكسشى اسلانبەك شىمبەرگەنوۆ العاشقى كەزدەسۋٸندە قارسىلاسىنا ەسە جٸبەردٸ. بۇل سەتسٸزدٸگٸنە جۋرناليستەرگە بەرگەن سۇحباتىندا "اللاھتىڭ قالاۋى سولاي بولدى" دەگەن ۋەج ايتتى. مۇنداي اقتالۋ جەلٸ قولدانۋشىلارى اراسىندا سپورت سالاسىنداعى بۇرىننان ٶزەكتٸ مەسەلە - دٸني راديكاليزم تاقىرىبىن كٶتەرۋگە سەبەپ بولدى.
مەسەلەن, بلوگەر ەربول جاناتۇلى تانىمال سپورتشىلاردى "قابا ساقال, قىرما مۇرت" قاۋىم قۇشاعىنا باسىپ العانى ەشكٸمدٸ الاڭداتپاي جاتقانىن جازدى. مەملەكەتتٸڭ, سالىق تٶلەۋشٸلەردٸڭ قارجىسىمەن بالا كەزدەن باپتالىپ, بيٸككە جەتكەن سپورتشى - حالىق ٶكٸلٸ, حالىق پەرزەنتٸ. ونداي دايىن "ٶنٸمدٸ" بەكبولات, مۇحامەتجاندار ٶز "دٸنٸنٸڭ" پيارىنا پايدالانىپ جاتقانىنا مەن بەرمەيمٸز, دەيدٸ ول.
"ەلدوس كەشە "وليمپيادا چەمپيونى بولۋ تاعدىرىما جازىلعان ەكەن" دەدٸ. ٷندەمەدٸك. سەبەبٸ ول - چەمپيون. ال بٸزدٸڭ سانامىز اتاقتى مەن بيلٸگٸ بار ادامدى سىناي المايدى.
اسلانبەك جەڭٸلٸپ قالعاندا "اللاھتىڭ قالاۋى سولاي بولدى" دەدٸ. سىنادىق. سەبەبٸ بٸزدٸڭ سانامىز ەلسٸز بەن جەڭٸلگەندەردٸ تاپتاپ ٶتٸپ, ٷستٸنە جۋىندى قۇيىپ كەتۋگە بەيٸم. بۇل — جاس سپورتشىلارعا جاسىرىن مەسسەدج. "بٸزدٸڭ دٸندەگٸلەر عانا وسىنداي جەتٸستٸككە جەتەدٸ" دەگەن ىم. "مىقتىلاردىڭ بەرٸ بٸزدٸڭ قاتارىمىزدا!" دەگەن يشارا", - دەپ جازدى بلوگەر.
ونىڭ ايتۋىنشا سپورتشىدا كٶبٸنە مۇندايلاردىڭ ارا-جٸگٸن اجىراتا الاتىن سانا بولمايدى. سپورتشى - كٶپ شىنىققان دەنە, تەسٸلدەردٸ كٶپ قايتالاپ, باپتالعان تەن يەسٸ. ونىڭ 24 ساعاتىنىڭ كٶپ بٶلٸگٸ فيزيكالىق دايىندىققا جۇمسالعان.
"سپورتشى - دٸني يدەولوگييالاردان قورعاۋعا مۇقتاج ادام! "جات دٸني يدەولوگييادان بەرٸمٸزدٸ قورعاۋشى - مەملەكەت! جاعداي وسىنداي", - دەگەن ويدا بلوگەر.
جۋرناليست ارمان ەۋبەكٸر دە وسى پٸكٸردٸ قوستادى. ول دا سپورت سالاسىن جات دٸني يدەولوگييا جاۋلاپ العان دەگەندٸ ايتادى.
"سپورتشىلاردىڭ تاريح پەن مەدەنيەتتٸ, ساياساتتى بٸلۋٸ ٶتە سيرەك كەزدەسەتٸن قۇبىلىس. سوندىقتان, ولاردىڭ قۇرۋلى تۇرعان تۇزاققا تٷسۋٸ وپ-وڭاي. ەلدوس التىن العان كٷنٸ "بٸزدٸڭ جاماعاتتىڭ ٶكٸلٸ جەڭٸسكە جەتتٸ" دەپ ماقتانعانداي ونىڭ سەجدە جاساپ جاتقان سۋرەتٸن جارىسا تاراتقاندار كٸمدەر? سەجدەگە باسىن تيگٸزگەن ادام وسىنداي جەتٸستٸككە جەتەدٸ دەگەندەي يشارا, استىرتىن يدەولوگييالىق ناسيحات قاتتى جٷردٸ. ەگەر مەسەلە دٸندە بولسا, ٶتكەن جولعى وليمپيادادا نەگە بٸر التىن المادىق? "اللاھتىڭ قالاۋىمەن" دەپ بارلىعى ساقال سيپاپ قۇر قايتقان جوق پا?", - دەپ جازدى ارمان ەۋبەكٸر.
ول ەلدوستىڭ جەڭٸسٸ اللاھتىڭ ەمەس, ەڭبەكتٸڭ ارقاسى دەگەندٸ ناسيحاتتاۋىمىز كەرەك دەيدٸ.
"راس, ەلدوس تاباندى جٸگٸت. قاجىرلى ەڭبەگٸمەن اسۋ بەرمەس بەلەستٸ باعىندىردى. ٶز-ٶزٸن دەلەلدەدٸ. اللاھتىڭ ەمەس, ەڭبەكتٸڭ ارقاسى. دايىندالماسا, ٷزدٸكسٸز جاتتىقپاسا, اللاھ وعان دىم دا بەرمەس ەدٸ. دٸن جولىندا بولسا دا, بولماسا دا ەربٸر قازاقتىڭ جەتٸستٸگٸنە قۋانامىز. ٶيتكەنٸ بٸز ەڭ بٸرٸنشٸ قازاقپىز. ال ەندٸ ونى جالپى قازاقتان بٶلەكتەپ, جاماعاتتىڭ ٶكٸلٸ رەتٸندە يدەولوگييالىق ناسيحات قۇرالىنا اينالدىرۋ - اسا قاۋٸپتٸ ٷردٸس. ونسىز دا دٸن شىرماۋىنا تٷسكەن سپورت سالاسىن ودان سايىن قارا تۇنەككە باتىرۋ دەسەك تە بولادى.
بەرٸمٸز بٸر قازاقپىز. ەرۋاق دەپ بابالارىمىز جاۋعا شاپقان. تەگٸمٸزدٸ, تامىرىمىزدى ۇمىتپايىق. سپورتشىلارعا تاريح پەن ۇلتتىق مەدەنيەتتٸ وقىتۋ كەرەك-اۋ", - دەپ پٸكٸر بٸلدٸردٸ جۋرناليست.
