قر كونكيمەن جٷگٸرۋ سپورتىنان مەملەكەتتٸك جاتتىقتىرۋشى كەنجەش سەرسەكەنوۆا دوپينگپەن ۇستالعان سپورتشىلاردىڭ جازاسىن كٷشەيتەتٸن زاڭعا قاتىستى پٸكٸر بٸلدٸردٸ. ونىڭ ايتۋىنشا, بايقاماي شالىس باسقان بٸر عانا قادام سپورتشىنىڭ كەلەشەگٸنە قاتەر تٶندٸرەدٸ, دەپ حابارلايدى قازاقپارات.
«سپورتشى تازا بولۋى كەرەك. بٷكٸل دٷنيە جٷزٸندە سپورتشىلاردىڭ بەرٸ دوپينگتەن تازا بولىپ, جارىستا ٶزارا مىقتىنى انىقتاسا – ناعىز سپورت دەگەن سول. بٸزدٸڭ بۋىننىڭ سپورتشىلارى - تازا ٶز كٷشٸمەن, ەڭبەگٸمەن كٶتەرٸلگەن ازاماتتار. جاس كەزٸمٸزدە ەشقانداي ۆيتامين بەرٸلمەيتٸن. ويلاپ قاراساڭىز, سپورتشى دوپينگ قولدانىپ, جەڭٸسكە جەتٸپ جاتسا, ونىڭ اقىرى دوپينگ قولدانعانى انىقتالماي كەتسە دە ابىروي ەمەس. سول ٷشٸن سپورتشىنىڭ ارى تازا بولۋى تيٸس», - دەيدٸ كەنجەش سەرسەكەنوۆا.
كونكيمەن جٷگٸرۋ سپورتىنان جاتتىقتىرۋشى ٶز باسىنان ٶتكەن جاعداي تۋرالى بايانداپ بەردٸ.
«1993 جىلى نيۋ-يورككە جارىسقا باردىم. ول كەزدە دوپينگ مەسەلەسٸ بٷگٸنگٸدەي ٶتكٸر ەمەس-تٸن. سول جولى سۋىق تيٸپ, اۋىرىپ قالدىم. ٷلكەن سۋپەرماركەتتەن بارىپ, ىستىق شىعاراتىن, مۇرىنعا تامىزاتىن دەرٸ الدىم. سپورتشىلاردى دوپينگكە تەكسەرۋ بارىسىندا ماماندار مەنٸڭ جٶتەلٸپ, ٶزٸمدٸ جايسىز سەزٸنٸپ تۇرعانىمدى كٶردٸ. «قانداي دا بٸر دەرٸ قابىلدادىڭىز با?» دەپ سۇرادى. سول كەزدە دەرٸ ٸشكەنٸمدٸ ايتىپ, دەرٸ-دەرمەكتٸڭ قوراپتارىن كٶرسەتتٸم. قوراپتى كٶرگەننەن كەيٸن ماماندار تىنىشتالدى. سٶيتسەم, دەرٸنٸڭ قۇرامىندا داۋ تۋعىزاتىن كومپونەنتتەر بار ەكەن. ياعني, سپورتشىلارعا ەندٸ ٶتە مۇقييات بولۋ كەرەك. سپورتشىلار دا ادام. تەمٸردەن جارالعان جوق. دەسە دە, اۋىرىپ قالسا, بٸردەن دەرٸگەر مەن جاتتىقتىرۋشىسىنا حابار بەرۋٸ كەرەك. بەرٸن كەلٸسٸپ وتىرعان ابزال», - دەيدٸ ول.
جاتتىقتىرۋشىنىڭ ايتۋىنشا, دوپينگكە قارسى ۇلتتىق ورتالىق سپورتشىلار مەن باپكەرلەردٸڭ بەرٸنە قانداي دەرٸنٸ ٸشۋگە بولاتىنىن, قاندايىن ٸشۋگە بولمايتىنى كٶرسەتٸلگەن تٸزٸم جٸبەرٸپ وتىرادى.
«دەرٸنٸڭ قۇرامىنا 00,1 گرام مەلدونيي بولسا, ونىڭ ٶزٸ سپورتشىنىڭ كەلەشەگٸ ٷشٸن قاۋٸپتٸ دەگەن سٶز. وبلىس-وبلىستاعى بارلىق باپكەر سول تٸزٸم بويىنشا جۇمىس جٷرگٸزەدٸ. قاداعالاماسا بولمايدى. بايقاماي شالىس باسقان بٸر عانا قادام سپورتشىنىڭ كەلەشەگٸنە قاتەر تٶندٸرۋٸ مٷمكٸن», - دەيدٸ باپكەر.
ايتا كەتسەك, كەنجەش سارسەكەنوۆا 1972 جىلى تۋعان. جاسٶسپٸرٸم قىزدار اراسىنداعى قازاقستاننىڭ, ەلەمنٸڭ ەكٸ مەرتە چەمپيونى, 1994 جىلى ليللەحاممەردە (نورۆەگييا), 1994 جىلى ناگانو (جاپونييا) قىسقى وليمپييا ويىندارىنا قاتىسۋشى, قىسقى ازييا ويىندارىنا (1999, وڭتٷستٸك كورەيا) قاتىسىپ, 1500 م-گە سىرعاناۋدان 8-شٸ, كٶپسايىستا 9-شى ورىنعا يە بولعان. ەلەم كۋبوگىنىڭ كەزەڭدەرٸنە, نورۆەگييا, گوللاندييا, گەرمانييادا ٶتكەن حالىقارالىق تۋرنيرلەرگە قاتىسقان. كونكيدە جٷگٸرۋدەن سپورت شەبەرٸ, ەكٸ دٷركٸن قىسقى وليمپيادا قاتىسۋشىسى, 7 دٷركٸن قر چەمپيونى.
ەسكە سالا كەتسەك, بٷگٸن پرەزيدەنت قاسىم-جومارت توقاەۆ «قر سپورت جەنە دەنە شىنىقتىرۋ تۋرالى كەيبٸر زاڭنامالىق اكتٸلەرگە ٶزگەرتۋلەر مەن تولىقتىرۋلار ەنگٸزۋ تۋرالى» زاڭعا قول قويعان بولاتىن. زاڭ دوپينگكە قارسى ەرەجەلەردٸ بۇزعانداردىڭ جاۋاپكەرشٸلٸگٸن قاتاڭداتۋعا, ۇلتتىق دوپينگكە قارسى ۇيىمنىڭ مەرتەبەسٸن كٷشەيتۋگە باعىتتالعان.
