قاراعاندى وبلىسىنىڭ بالقاش قالاسىندا قاڭتار وقيعاسى كەزٸندە زاڭسىز اينالىمعا كەتكەن قارۋ-جاراقتىڭ جاسىرىلعان ورنى انىقتالدى. قارۋ يەسٸز قالعان قۇس فابريكاسىنىڭ اۋماعىندا جاسىرىلعان, دەپ حابارلايدى ult.kz.
قاراعاندى جەنە ۇلىتاۋ وبلىستارى بويىنشا قىلمىستىق-اتقارۋ جٷيەسٸ دەپارتامەنتٸنٸڭ №31 مەكەمەسٸندە جازاسىن ٶتەپ جاتقان سوتتالعانداردىڭ بٸرٸ قۇقىق قورعاۋ ورگاندارىنا ىقتيمال جاسىرىن ورىن تۋرالى اقپارات بەرگەن.
الىنعان مەلٸمەتتٸ جەدەل ۋەكٸلدەر تەكسەرٸپ, ٸزدەستٸرۋ جۇمىستارىنا ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ دە جۇمىلدىرىلدى. ارنايى وپەراتسييا پروكۋراتۋرانىڭ قاداعالاۋىمەن جٷرگٸزٸلگەن.
ۆەدومستۆونىڭ مەلٸمەتٸنشە, 27 ماۋسىم كٷنٸ بالقاش قالاسىنداعى تارانعالىق كەنتٸنە كٸرەبەرٸستە ورنالاسقان يەسٸز قالعان قۇس فابريكاسىنىڭ اۋماعىن تەكسەرۋ كەزٸندە مۇقييات جاسىرىلعان ورىن تابىلعان. ونىڭ ٸشٸنەن 2022 جىلعى قاڭتار وقيعاسى كەزٸندە ۇرلانعان قارۋلار تٸزٸمٸندە بولعان تٶرت اتىس قارۋى شىققان.
قۇقىق قورعاۋ ورگاندارى قاڭتار وقيعاسىنان كەيٸن زاڭسىز اينالىمعا كەتكەن قارۋ-جاراقتى ٸزدەۋ جۇمىستارىن جالعاستىرىپ جاتىر. تابىلعان قارۋلار قىلمىستىق ماقساتتا قولدانىلۋىنىڭ الدىن الۋ ٷشٸن تەركٸلەنەدٸ.
ەسكە سالايىق, بۇعان دەيٸن الماتىداعى سايران كٶلٸنٸڭ جاعاسىنان دا قاڭتار وقيعاسى كەزٸندە ۇرلانعان قارۋ-جاراق تابىلعان بولاتىن. ٸشكٸ ٸستەر مينيسترلٸگٸنٸڭ مەلٸمەتٸنشە, جىل باسىنان بەرٸ ەلٸمٸزدە 900-دەن استام قارۋ تەركٸلەنگەن. ونىڭ 74-ٸ 2022 جىلعى قاڭتار وقيعاسى كەزٸندە ۇرلانعان قارۋلار ساناتىنا جاتادى. سونىمەن قاتار, تٶرت مىڭنان استام وق-دەرٸ تەركٸلەنگەن.
