الماتىدا قىلمىستىق ٸستەر بويىنشا مامانداندىرىلعان اۋدانارالىق سوتىندا راحمان وماروۆتىڭ بٸرٸنشٸ ەيەلٸ گٷلدەرايىم وماروۆانىڭ ٶلٸمٸنە قاتىستى سوت بويىنشا الدىن الا تىڭدالىپ ٶتتٸ, دەپ حابارلايدى قازاقپارات تٸلشٸسٸ.
وتىرىس بارىسىندا مەملەكەتتٸك ايىپتاۋشى ايىپتاۋ اكتٸسٸن وقىدى.
"25-ماۋسىمدا تٷسكٸ 14.00 شاماسىندا گٷلدەرايىم وماروۆا جالعا بەرەتٸن پەتەرٸنە پەتەراقىسىن (99 مىڭ تەڭگە) الۋعا كەلگەن. سول سەتتە ٷيدە سوتتالۋشى اقتولقىن سٷلەيمەنوۆا بولعان. ەكەۋٸنٸڭ اراسىندا بٸراز ۋاقىتتان سوڭ ۇرىس-كەرٸس باستالادى. سونىڭ كەسٸرٸنەن سٷلەيمەنوۆا اس ٷي پىشاعىن الا جٷگٸرٸپ, وماروۆانىڭ موينىنىڭ بٸر جاق بٷيٸرٸنەن, الدىڭعى تۇسىنان بٸرنەشە رەت پىشاق ۇرعان. كٶپ ۇزاماي ەيەلدٸڭ قيمىلسىز قالعانىن كٶرگەن كٷدٸكتٸ دەنەنٸ بالكونعا الىپ شىعىپ, مارقۇمنىڭ باسىن پاكەتكە وراپ قويعان. ٷيدەگٸ قان ٸزدەرٸن شٷبەرەكپەن, سالفەتكامەن سٷرتۋگە كٸرٸسكەن. سول كٷنٸ كەشكٸ 18:00 شاماسىندا مارقۇمنىڭ بالاسى كەكٸموۆ دوسحان سول پەتەرگە اناسىن ٸزدەپ كەلٸپ, ەسٸكتٸ ۇزاق قاققان. سٷلەيمەنوۆا وعان اناسىنىڭ كەتٸپ قالعانىن ايتقان. الايدا ەر ادام وعان سەنبەي ٷيدٸڭ ەر بٶلمەسٸن قاراپ شىقپاق بولادى. كٶپ ۇزاماي كەكٸموۆ اناسىنىڭ قانعا بٶككەن دەنەسٸن كٶرٸپ, سىرتقا قاشۋعا ەرەكەتتەنگەن. الايدا سٷلەيمەنوۆا قىلمىسىن جاسىرۋ ماقساتىندا ونى دا ٶلتٸرمەك ويمەن پىشاق الا جٷگٸرگەن. ەكٸ اراداعى كيكٸلجٸڭ بارىسىندا ەيەلدٸڭ قولىنداعى پىشاق كەكٸموۆتىڭ ساۋساعىن كەسٸپ كەتكەن. ابىروي بولعاندا, ەر ادام پەتەردەن سىتىلىپ شىعا العان. وسىلايشا سٷلەيمەنوۆا اقتولقىن قر قك 99-بابىنىڭ 1-بٶلٸمٸمەن, 24-بابىنىڭ 3-بٶلٸمٸمەن, 99-بابىنىڭ 2-بٶلٸمٸمەن قاراستىرىلعان قىلمىس جاسادى دەپ ايىپتالىپ وتىر", - دەدٸ پروكۋرور ەرمەك قاشاعانوۆ.
ال سوتتالۋشىنىڭ ادۆوكاتى ۋماروۆ قىلمىستىق ٸستٸ پروكۋرورعا قايتارۋدى سۇرادى. ونىڭ پٸكٸرٸنشە, ايىپتاۋ اكتٸسٸندە جازانى جۇمسارتۋ مەسەلەلەرٸ قاراستىرىلماعان.
"سٷلەيمەنوۆا ٶزٸنٸڭ كٸنەسٸن تولىق مويىنداپ, ٸستەگەنٸنە ٶكٸنٸپ وتىر. ول وماروۆانىڭ بالاسىن ٶلتٸرگٸسٸ كەلمەگەن. 24-باپتىڭ 3-بٶلٸمٸ نەگٸزسٸز قوسىلىپ وتىر. الىپ تاستاۋىڭىزدى سۇرايمىن. قر قك 99-بابىنىڭ 1-تارماعىن قر قك 106-بابىنا اۋىستىرۋدى سۇرايمىن. ياعني, مەنٸڭ قورعاۋىمداعى ەيەل وماروۆانى ٶلتٸرگٸسٸ كەلمەگەن. ول وماروۆانىڭ دەنساۋلىعىنا قاساقانا زييان كەلتٸردٸ. بٸراق ەدەيٸ ٶلتٸرگٸسٸ كەلگەن جوق", - دەدٸ ادۆوكات ۋماروۆ.
الايدا سۋديا ۋماروۆتىڭ ٶتٸنٸشٸن قاناعاتتاندىرمادى. باستى سوت وتىرىسى 5 قاراشادا 15.00-دە ٶتەتٸن بولدى.
سوتقا جەبٸرلەنۋشٸ رەتٸندە مارقۇمنىڭ ەپكەسٸ مەن ۇلى دوسحان كەكٸموۆ قاتىسىپ وتىر.
قايعىلى وقيعا 2018 جىلدىڭ 25 ماۋسىمىندا بولعان ەدٸ.
گٷلدەرايىم وماروۆا اقكەنت شاعىناۋدانىنداعى پەتەرٸن جالعا بەرٸپ كەلگەن. ماۋسىمنىڭ 26 كٷنٸ ول جالعا الۋ اقىسىن الۋ ٷشٸن پەتەر جالداۋشىلارىنا بارعان.
سول كەزدە پەتەر قوجايىنى مەن جالداۋشىلار اراسىندا ۇرىس پايدا بولعان.
داۋ-دامايدىڭ ارتى قايعىلى جاعدايعا ۇلاستى.
