سوت مالتالىق زاڭگەر پيو ۆالەتتانى اۆسترييا تٷرمەسٸندە قايتىس بولعان قازاقستاندىق بۇرىنعى وليگارح راحات ەليەۆتٸڭ جەسٸرٸ ەلنارا شورازوۆاعا 300 مىڭ ەۋرو ٶتەماقى تٶلەۋگە مٸندەتتەدٸ. شورازوۆا زاڭگەردٸ "900 مىڭ ەۋرونى زاڭسىز يەمدەنٸپ الدى" دەپ ايىپتاعان. بۇل جٶنٸندە 1 قاراشادا Malta Today باسىلىمى جازدى, دەپ حابارلايدى ازاتتىق.
وسى ٸستٸ مالتا ازاماتتىق سوتىندا قاراعان سۋديا روبەرت مانگيوننىڭ ايتۋىنشا, شورازوۆا 2010 جىلى ۆالەتتاعا 2,4 ميلليون ەۋرو اقشا بەرٸپ, A&P Power Ltd اتتى كومپانيياعا تٸركەلگەن سەنت كيتس جەنە نەۆيس اتىنداعى شوتقا دەپوزيت رەتٸندە اۋدارۋىن سۇراعان.
بٸراق 2011 جىلى ۆالەتتانىڭ تەك 2,2 ملن ەۋرونى عانا دەپوزيتكە سالعانى, ٸزٸنشە ودان تاعى 700 مىڭ ەۋرو العانى انىقتالعان.
ۆالەتتا مۇنى كەسٸبي قىزمەتٸنە العان اقى دەپ تٷسٸندٸرگەن, ال شورازوۆا ونى جوققا شىعارعان. ٸزٸنشە شورازوۆا سوتقا ارىز تٷسٸرٸپ, زاڭگەردەن 900 مىڭ ەۋرو ٶندٸرٸپ الماق بولعان. 2012 جىلى تاراپتار كەلٸسٸمگە كەلٸپ, سوعان سەيكەس ۆالەتتا وعان جەتپەگەن سومانى التى جىل ٸشٸندە تٶلەۋگە مٸندەتتەنگەن. كەلٸسٸم بويىنشا, ۆالەتتا بارلىعىن ۋاقىتىندا تٶلەسە – 600 مىڭ ەۋرو, بٸر تٶلەمنٸڭ ٶزٸن كەشٸكتٸرسە تولىق كٶلەمدە – 900 مىڭ ەۋرو تٶلەۋٸ تيٸس بولعان. ال شورازوۆا ۆالەتتانىڭ تەك بٸر رەت قانا مەرزٸمٸنەن بۇرىن تٶلەم جاساعانىن ايتقان.
ۆالەتتا سوتتا شورازوۆانى وقيعانى بۇرمالادى دەپ ايىپتاپ, مۇنداي كەلٸسٸمدٸ شورازوۆامەن ەمەس, راحات ەليەۆتٸڭ ٶزٸمەن جاساسقانىن العا تارتقان. باسىلىمنىڭ جازۋىنشا, ۆالەتتا وسى وقيعا بويىنشا بۇرىن قىلمىستىق ٸسكە تارتىلعان. 2017 جىلى شورازوۆا "قاۋٸپسٸزدٸگٸنە الاڭداپ" مالتاعا كۋەلٸك بەرۋگە كەلە الماعاندىقتان, ۆالەتتا اقتالىپ شىققان.
بٸراق وسى جولعى ازاماتتىق ٸستە شورازوۆانىڭ ٶزٸ مالتاعا كەلمەسە دە, ونىڭ ادۆوكاتى لۋيس كاسسار پۋلليچينو كٶرسەتكەن دەلەلدەردٸ سۋديا روبەرت مانگيون جەتكٸلٸكتٸ دەپ تاۋىپ, ۆالەتتانى 300 مىڭ ەۋرو تٶلەۋگە مٸندەتتەگەن.
قازاقستان ۇقك تٶراعاسىنىڭ بۇرىنعى بٸرٸنشٸ ورىنباسارى, قازاقستاننىڭ اۆستريياداعى بۇرىنعى ەلشٸسٸ, ەكس-پرەزيدەنت نۇرسۇلتان نازارباەۆتىڭ بۇرىنعى كٷيەۋ بالاسى راحات ەليەۆ 2010 جىلى مالتاعا كٶشٸپ بارىپ, 4 جىلداي تۇرعان. Malta Today جازۋىنشا, 2007 جىلى اۆسترييادا جٷرگەندە نازارباەۆتىڭ قىزىنان كٷشتەپ اجىراتىلعان ەليەۆ بٸرنەشە جىلدان سوڭ جاڭا ەيەلٸ ەلنارا شورازوۆامەن بٸرگە مالتاعا قونىس اۋدارعان. 2014 جىلى قازاقستان ٷكٸمەتٸنٸڭ سۇراۋى بويىنشا مالتا سوتى ەليەۆتٸڭ دٷنيە-مٷلكٸن, سونىڭ ٸشٸندە ياحتاسى مەن كومپانييالارىن بۇعاتتاعان. راحات ەليەۆ مالتا سوتىنىڭ شەشٸمٸنە قارسىلىق بٸلدٸرگەن. بٸراق 2015 جىلى اقپاندا ۆەنا تٷرمەسٸندە جۇمباق جاعدايدا قايتىس بولدى. اۆسترييا بيلٸگٸ ەليەۆ ٶزٸنە قول سالعان دەگەن تۇجىرىم جاساعان.
Malta Today باسىلىمىنىڭ جازۋىنشا, ەليەۆ مالتادا جٷرگەندە ٶزٸن قازاقستان بيلٸگٸ قۋدالاپ جاتقانىن مەلٸمدەپ, قاۋٸپسٸزدٸگٸنە الاڭداعان. بٸراق سىنشىلار ول مالتادا تۇراقتى تۇرۋعا مٷمكٸندٸك الىپ, قاجەتتٸ دەرەجەدە باقىلاۋعا ٸلٸنبەدٸ دەپ سىناعان.
بيىل ەۋروپانىڭ ادام قۇقىقتارى سوتى ەلنارا شورازوۆانىڭ ٶتٸنٸشٸن قاناعاتتاندىرىپ, مالتا ٷكٸمەتٸن راحات ەليەۆتٸڭ جەسٸرٸنە 2 مىڭ ەۋرو تٶلەۋگە مٸندەتتەگەن. شورازوۆا مالتا بيلٸگٸن "قازاقستان ٷكٸمەتٸنٸڭ سۇراۋى بويىنشا اكتيۆتەرٸمدٸ بۇعاتتاپ, قۇقىمدى بۇزدى" دەپ ايىپتاعان.
