بٸشكەكتەگٸ "الا-ارچا" رەزيدەنتسيياسىندا قىرعىزستاننىڭ جاڭادان سايلانعان پرەزيدەنتٸ سوورونباي جەەنبەكوۆتٸڭ ۇلىقتاۋ سالتاناتى ٶتٸپ جاتىر. سالتاناتتى شارادا سوورونباي جەەنبەكوۆكە قىرعىزستان ورتالىق سايلاۋ كوميسسيياسىنىڭ تٶرايىمى نۇرجان شايلدابەكوۆا پرەزيدەنت كۋەلٸگٸ مەن تٶسبەلگٸسٸن تاپسىردى.
بۇدان سوڭ جەەنبەكوۆ ەل كونستيتۋتسيياسىنا قولىن قويىپ, انت قابىلدادى. جەەنبەكوۆ قىزمەتٸنە كٸرٸسٸپ جاتىپ, "قۇدايدىڭ جەنە ەلٸمنٸڭ الدىندا مەملەكەت باسشىسىنىڭ ٶكٸلەتتٸلٸكتەرٸن ەدٸلەتتٸ تٷردە ٸسكە اسىرۋعا, ادام جەنە ازامات قۇقىقتارىن, قىرعىز رەسپۋبليكاسىنىڭ كونستيتۋتسيياسىن قورعاۋعا جەنە مەملەكەتٸمٸزدٸڭ تۇتاستىعى مەن قاۋٸپسٸزدٸگٸن ساقتاۋعا انت بەرەمٸن", - دەدٸ.
ازاتتىقتىڭ قىرعىز رەداكتسيياسىنىڭ حابارلاۋىنشا, سالتاناتتى شاراعا دەپۋتاتتار, مينيسترلەر, شەتەل ەلشٸلەرٸ, حالىقارالىق ۇيىمداردىڭ ٶكٸلدەرٸ - بارلىعى 450 ادام قاتىسىپ جاتىر. ۇلىقتاۋ سالتاناتىنا شەت مەلمەكەتتەر باسشىلارى شاقىرىلماعان.
بۇعان دەيٸن قىرعىزستان پرەمەر-مينيسترٸ بولعان سوورونباي جەەنبەكوۆ قىزمەتٸنەن كەتكەن پرەزيدەنت المازبەك اتامباەۆ جەتەكشٸلٸك ەتەتٸن سوتسيال-دەموكراتييالىق پارتيياسى اتىنان سايلاۋعا تٷسٸپ, 54 پايىز داۋىسپەن جەڭٸپ شىققان.
