قازاقستان رەسپۋبليكاسى پارلامەنتٸ سەناتىنىڭ قورىتىندى جالپى وتىرىسى ٶتتٸ. جيىندا پالاتانىڭ 30 جىلدىق قىزمەتٸ قورىتىندىلانىپ, زاڭ شىعارۋ سالاسىنداعى نەگٸزگٸ نەتيجەلەر سارالاندى, دەپ حابارلايدى ult.kz.
سەنات تٶراعاسى مەۋلەن ەشٸمباەۆ سٶز سٶيلەپ, مەملەكەت باسشىسى قاسىم-جومارت توقاەۆقا ٶزٸنە كٶرسەتكەن سەنٸمٸ مەن تۇراقتى قولداۋى ٷشٸن العىس بٸلدٸردٸ. سونىمەن قاتار ول جاڭا كونستيتۋتسييانى ٸسكە اسىرۋ جەنە ەدٸلەتتٸ قازاقستاندى قۇرۋ جولىندا بارلىق پروگرەسسيۆتٸ قوعامدىق-ساياسي كٷشتەردٸ پرەزيدەنت جٷرگٸزٸپ وتىرعان رەفورمالار تٶڭٸرەگٸنە بٸرٸگۋگە شاقىردى.
فوتو: سەنات
ايتۋىنشا, سەناتتىڭ 30 جىلدىق قىزمەتٸ بارىسىندا 890-نان استام جالپى وتىرىس ٶتكٸزٸلٸپ, 3,5 مىڭنان استام زاڭ قابىلدانعان. ونىڭ ٸشٸندە 350-دەن استامى نەمەسە ەربٸر ونىنشى زاڭ پارلامەنت دەپۋتاتتارىنىڭ باستاماسىمەن ەزٸرلەنگەن. بۇل زاڭدار ەلدەگٸ ساياسي, ەكونوميكالىق جەنە ەلەۋمەتتٸك رەفورمالاردىڭ قۇقىقتىق نەگٸزٸن قالىپتاستىرۋعا مٷمكٸندٸك بەردٸ.
سونداي-اق پالاتا تٶراعاسى سەنات دەپۋتاتتارىنا, اپپارات قىزمەتكەرلەرٸنە, ساراپشىلار قاۋىمداستىعىنا جەنە بۇقارالىق اقپارات قۇرالدارىنىڭ ٶكٸلدەرٸنە بٸرلەسكەن ەڭبەگٸ ٷشٸن ريزاشىلىعىن جەتكٸزدٸ.
«ۇلتتىق پارلامەنتاريزمنٸڭ وتىز جىلدا جيناقتالعان تەجٸريبەسٸ جوعارى ٶكٸلدٸ ورگاننىڭ جاڭا فورماتتاعى قىزمەتٸن ودان ەرٸ دامىتۋعا بەرٸك نەگٸز بولادى», – دەدٸ مەۋلەن ەشٸمباەۆ.
قورىتىندى وتىرىستا سەناتتىڭ ٷش ونجىلدىقتاعى زاڭ شىعارۋ قىزمەتٸنٸڭ نەتيجەلەرٸ سارالانىپ, الداعى كەزەڭدەگٸ پارلامەنتتٸك قىزمەتتٸڭ جاڭا باعىتتارىنا نازار اۋدارىلدى.
