Qazaqstan Respýblikasy Parlamenti Senatynyń qorytyndy jalpy otyrysy ótti. Jiynda Palatanyń 30 jyldyq qyzmeti qorytyndylanyp, zań shyǵarý salasyndaǵy negizgi nátijeler saralandy, dep habarlaidy ult.kz.
Senat tóraǵasy Máýlen Áshimbaev sóz sóilep, Memleket basshysy Qasym-Jomart Toqaevqa ózine kórsetken senimi men turaqty qoldaýy úshin alǵys bildirdi. Sonymen qatar ol jańa Konstitýtsiiany iske asyrý jáne Ádiletti Qazaqstandy qurý jolynda barlyq progressivti qoǵamdyq-saiasi kúshterdi Prezident júrgizip otyrǵan reformalar tóńiregine birigýge shaqyrdy.
Foto: Senat
Aitýynsha, Senattyń 30 jyldyq qyzmeti barysynda 890-nan astam jalpy otyrys ótkizilip, 3,5 myńnan astam zań qabyldanǵan. Onyń ishinde 350-den astamy nemese árbir onynshy zań Parlament depýtattarynyń bastamasymen ázirlengen. Bul zańdar eldegi saiasi, ekonomikalyq jáne áleýmettik reformalardyń quqyqtyq negizin qalyptastyrýǵa múmkindik berdi.
Sondai-aq Palata tóraǵasy Senat depýtattaryna, Apparat qyzmetkerlerine, sarapshylar qaýymdastyǵyna jáne buqaralyq aqparat quraldarynyń ókilderine birlesken eńbegi úshin rizashylyǵyn jetkizdi.
«Ulttyq parlamentarizmniń otyz jylda jinaqtalǵan tájiribesi joǵary ókildi organnyń jańa formattaǵy qyzmetin odan ári damytýǵa berik negiz bolady», – dedi Máýlen Áshimbaev.
Qorytyndy otyrysta Senattyń úsh onjyldyqtaǵy zań shyǵarý qyzmetiniń nátijeleri saralanyp, aldaǵy kezeńdegi parlamenttik qyzmettiń jańa baǵyttaryna nazar aýdaryldy.
