ٶتكەن دەمالىس كٷندەرٸ ەلٸمٸزدٸڭ سۋ ايدىندارىندا 8 ادام سۋعا باتىپ كەتتٸ. بۇل تۋرالى تٶتەنشە جاعدايلار كوميتەتٸنەن مەلٸم ەتتٸ, دەپ حابارلايدى "ۇلت اقپارات".
«ٶتكەن دەمالىس كٷندەرٸ ەلٸمٸزدٸڭ سۋ ايدىندارىندا 8 ادام باتىپ كەتتٸ. ونىڭ ٸشٸندە 6 قايعىلى وقيعا سۋعا تٷسۋگە رۇقسات ەتٸلمەگەن جەردە ورىن العان» دەپ اتاپ ٶتەدٸ ۆەدومستۆودان.
اتاپ ايتقاندا, 6 ماۋسىم كٷنٸ قوستاناي وبلىسىنىڭ سارىكٶل اۋدانىنا قاراستى تيميريازەۆ اۋىل وكرۋگٸندە جاساندى سۋ قويماسىنا 1972 جىلى دٷنيەگە كەلگەن ەيەل باتىپ كەتتٸ. ال كەلەسٸ كٷنٸ وسى وبلىسقا قاراستى مەدٸقارا اۋدانىندا, لەسنوە اۋىلىنان 12 شاقىرىم جەردە قارعالى ٶزەنٸنە شومىلعان 1976 جىلى دٷنيەگە كەلگەن ازامات سۋعا باتىپ اجال قۇشتى.
6 ماۋسىمدا اقمولا وبلىسىنىڭ زەرەندٸ اۋدانىنا قاراستى قىزىل كوردون اۋىلىنىڭ تۇسىنداعى جاساندى سۋ قويماسىنا 1988 جىلى دٷنيەگە كەلگەن جٸگٸت باتىپ مەرت بولدى.
2003 جىلى دٷنيەگە كەلگەن ٶزبەكستان ازاماتىنىڭ دا اجالى سۋدان كەلدٸ. ول 6 ماۋسىم كٷنٸ قاپشاعاي سۋ قويماسىندا, «ريو» دەمالىس ورنى اۋماعىندا سۋعا باتقان. وسى وبلىستىڭ ٸلە اۋدانىندا كازتسينك اۋىلىنان 10 شاقىرىم جەردەگٸ لوكاتور ٶزەنٸنە 2001 جىلى دٷنيە كەلگەن جاس جٸگٸت باتىپ كەتتٸ.
6 ماۋسىم كٷنٸ ورال قالاسىندا, شاعان ٶزەنٸندە شومىلىپ جٷرگەن 1979 جىلى دٷنيەگە كەلگەن ەيەلدٸ ماتورلى قايىق قاعىپ, سونىڭ سالدارىنا ول سۋعا باتىپ قازا تاپتى.
7 ماۋسىم كٷنٸ شىعىس قازاقستان وبلىسىندا سەمەي قالاسىنىڭ ماڭىنداعى وزەركي اۋىلىنان 3 شاقىرىم جەردە ەرتٸس ٶزەنٸنەن بالىق اۋلاعان 1951 جىلى دٷنيەگە كەلگەن ازامات اجال قۇشتى. جەكە قورعانىس قۇرالىنسىز جٷرگەن ول سۋعا باتقان.
سولتٷستٸك قازاقستان وبلىسىنىڭ ع.مٷسٸرەپوۆ اۋدانىنا قاراستى ەفيموۆكا اۋىلىنان جارتى شاقىرىم جەردە 1983 جىلى دٷنيەگە كەلگەن ازامات ەسٸل ٶزەنٸنە سۋعا باتقان 2008 جەنە 2010 جىلى دٷنيەگە كەلگەن بالالارىن قۇتقارامىن دەپ اجال قۇشتى.
