بٷگٸن پرەمەر-مينيستردٸڭ ورىنباسارى ەرالى توعجانوۆتىڭ تٶراعالىعىمەن قازاقستان اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا وتىرىسى ٶتتٸ, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
دەنساۋلىق ساقتاۋ مينيسترٸ الەكسەي تسوي ەلدەگٸ سانيتارييالىق-ەپيدەميولوگييالىق جاعداي تۋرالى بايانداما جاسادى. سوڭعى ەكٸ اپتادا COVID-19-بەن اۋىرۋ 60%-عا, ٶلٸم-جٸتٸم دەڭگەيٸ 80%-عا تٶمەندەدٸ. ينفەكتسييالىق تٶسەك ورىندارى جٷكتەمەسٸنٸڭ 56%-دان 33%-عا دەيٸن, رەانيماتسييالىق تٶسەكتەردٸڭ 45%-دان 32%-عا دەيٸن تٶمەندەگەنٸ بايقالادى.
سونداي-اق ەپيدەميولوگييالىق جاعدايدىڭ جاقسارۋىنا بايلانىستى ۆەدومستۆوارالىق كوميسسييا بارلىق سانيتارييالىق تالاپتاردى قاتاڭ ساقتاي وتىرىپ, بريفينگتەر مەن باسپاسٶز كونفەرەنتسييالارىن كٷندٸزگٸ رەجيمدە ٶتكٸزۋ تۋرالى شەشٸم قابىلدادى. وسىلايشا, قر پرەزيدەنتٸ جانىنداعى ورتالىق كوممۋنيكاتسييالار قىزمەتٸ مەن ٶڭٸرلٸك كوممۋنيكاتسييالار ورتالىقتارى بازاسىندا «اshyq» قوسىمشاسىندا «جاسىل» مەرتەبەسٸ بار باق ٶكٸلدەرٸ وفلاين فورماتتا باسپاسٶز كونفەرەنتسييالارىنا قاتىسا الادى.
كوميسسييا وتىرىسى بارىسىندا ەل ٶڭٸرلەرٸندەگٸ كوروناۆيرۋس ينفەكتسيياسى جاعدايى جەنە ازاماتتاردى ۆاكتسينالاۋ دەڭگەيٸ تۋرالى باياندامالار تىڭدالدى. پرەمەر-مينيستردٸڭ ورىنباسارى ٶڭٸرلەرگە يممۋنداۋ قارقىنىن تٶمەندەتپەۋدٸ تاپسىردى.
سونىمەن قاتار ۆاك كەلۋشٸلەردٸڭ مەرتەبەسٸن تەكسەرمەيتٸن «Ashyq» جٷيەسٸنٸڭ 12 مىڭ جوسىقسىز قاتىسۋشىلارىن 2 اپتاعا جٷيەدەن شىعارىپ تاستاۋ تۋرالى شەشٸم قابىلدادى.
ۆەدومستۆوارالىق كوميسسييانىڭ وتىرىسىن قورىتىندىلاي كەلە, ەرالى توعجانوۆ بٸرقاتار ناقتى تاپسىرما بەرٸپ, ۆاك قاتىسۋشىلارىنىڭ الدىندا تاياۋ ۋاقىتتاعى باسىم مٸندەتتەردٸ بەلگٸلەدٸ.
