Búgin Premer-Ministrdiń orynbasary Eraly Toǵjanovtyń tóraǵalyǵymen Qazaqstan aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiia otyrysy ótti, dep habarlaidy "Ult aqparat" Úkimet basshysynyń baspasóz qyzmetine silteme jasap.
Densaýlyq saqtaý ministri Aleksei Tsoi eldegi sanitariialyq-epidemiologiialyq jaǵdai týraly baiandama jasady. Sońǵy eki aptada COVID-19-ben aýyrý 60%-ǵa, ólim-jitim deńgeii 80%-ǵa tómendedi. Infektsiialyq tósek oryndary júktemesiniń 56%-dan 33%-ǵa deiin, reanimatsiialyq tósekterdiń 45%-dan 32%-ǵa deiin tómendegeni baiqalady.
Sondai-aq epidemiologiialyq jaǵdaidyń jaqsarýyna bailanysty vedomstvoaralyq komissiia barlyq sanitariialyq talaptardy qatań saqtai otyryp, brifingter men baspasóz konferentsiialaryn kúndizgi rejimde ótkizý týraly sheshim qabyldady. Osylaisha, QR Prezidenti janyndaǵy Ortalyq kommýnikatsiialar qyzmeti men óńirlik kommýnikatsiialar ortalyqtary bazasynda «Ashyq» qosymshasynda «jasyl» mártebesi bar BAQ ókilderi oflain formatta baspasóz konferentsiialaryna qatysa alady.
Komissiia otyrysy barysynda el óńirlerindegi koronavirýs infektsiiasy jaǵdaiy jáne azamattardy vaktsinalaý deńgeii týraly baiandamalar tyńdaldy. Premer-Ministrdiń orynbasary óńirlerge immýndaý qarqynyn tómendetpeýdi tapsyrdy.
Sonymen qatar VAK kelýshilerdiń mártebesin teksermeitin «Ashyq» júiesiniń 12 myń josyqsyz qatysýshylaryn 2 aptaǵa júieden shyǵaryp tastaý týraly sheshim qabyldady.
Vedomstvoaralyq komissiianyń otyrysyn qorytyndylai kele, Eraly Toǵjanov birqatar naqty tapsyrma berip, VAK qatysýshylarynyń aldynda taiaý ýaqyttaǵy basym mindetterdi belgiledi.
